Alpha - chapter 27

 

වැළපෙන ස්ත්‍රිය

 " ජොෂ් , මොකද මේ එකපාරටම තාත්ත ගැන මතක් කළා විතරයි මූණ මැලවිලා ගියේ.

මේ අහන්න දරුවෝ!, ඔයා තාමත් හිතන්නෙ තාත්තත් එක්ක එදා වෙච්ච රණ්ඩුව ගැන නම් , ඒක දැන් අමතක කරලා දාන්න.

පවුලේ අය උනාම ඔහොම තමයි. ඉඳලා හිටලා ඔය වගේ පොඩි පොඩි ආරවුල් ඇති වෙනවා. ඒවා බොහොම  සාමාන්‍ය දේවල් දරුවෝ ."

යනුවෙන් පවසමින් magi ජොෂුවාව සනසන්නට වූයේ තම එක් අතක් ජොෂුවාගේ අතක් මත තබමින් පිරිමදින ගමන් ය. 

 "නෑ නැනී, ඒක නෙමෙයි ඇත්තම කාරණාව, රණ්ඩුව නම් මං එදාම අමතක කළා. කොහොමත් මට දැන් එයත් එක්ක රණ්ඩු කරන ඒක සාමාන්‍ය දෙයක් වෙලා තියෙන්නේ ."

 "එහෙනම් මොකක්ද හේතුව?."

 "මං ඔයාට කිව්වා නේද දවසක් මං ඉස්කෝලේ ඇස්ට්‍රො ක්ලබ් එකකට ජොයින් වුනා කියලා ."

 " ඔව් ; ඉතින්."

 "ඉතින් ඒ ක්ලබ් එකෙන් ඇස්ට්‍රෝ නයිට් එකක් ඕගනයිස් කරලා .

Club  මෙම්බර්ස්ලා හැමෝම වගේ ඒකට සහභාගි වෙනවා.

ඉතින් නැනී .. ඔයාට තෙරෙනවානෙ  Astro  නයිට් එකක් උනාම දවස් දෙක තුනක් ඉස්කෝලේ නවතින්න වෙනවා කියලා.
අනිත් එක, ඒක තියෙන්නෙත් අනිද්දට ."

හ්හ.. ( ජොෂ් දිගු සුසුමක් පිට කරමින් )

"  මං.. ප්‍රොෆෙසර්ට පොරොන්දු වුණා .ඒකට අනිවාර්යෙන්ම සහභාගි වෙනවා කියලා.

ඒත් ඉතිං ඔයා දන්නවනේ මගේ රකුසු තාත්ත ඒකට කොහොමටවත්ම ඉඩ දෙන්නේ නෑ කියලා .

" ඒ නිසා මට ඒකට යන්න ඕන වුණත්; තාත්තා හින්දා යන්න වෙන්නේ නෑ." 😟😟

යනුවෙන්  පවසා ජොෂ් තම දුක්බර මුහුණ මැගීගෙන් සඟවාලීමට තම ඇස් පහත හැරවීය.

ජොෂ්ගෙ අඳුරුවු මුහුණ දිටි magi එකවරම මා හයියෙන් සිනාසෙන්නට වූයේ, ජොෂුවාවත්, කැස්පර්වත් පුදුම‍යට පත් කරමින් ය.

 " මොකක්ද නැනී..  මං මෙච්චර අවුලෙන් ඉද්දිත් ඔයා හිනා වෙනවද ?." 😣😣

 " හරි හරි, මට සමාවෙන්න පුංචි වලස් පැටියෝ. ඔයාට Astro Night  එකට යන්නම ඕනෙ නම් ඉතින් යන්න."

 "නැනී , ඔයා මේ මට විහිළු කරනවද ?, මං කොහොමද ඒකට යන්නේ ?. තාත්ත ගෙදර එන වෙලාවට මං ගෙදර හිටියේ නැත්නම් ලොකු විනාසයක්නේ වෙන්නෙ."

"එහෙම වෙන එකක් නැහැ. මොකද .. ඔයාගේ තාත්තට හදිසියේම දේශන වගයකට එංගලන්තෙට යන්න වෙලා,  එයා මට කියපු විදිහට නම්.. ටික දවසක් යනකම් එයාට ගෙදර එන්න ලැබෙන එකක් නැතිවෙයි ."

"මොනවා! ,😦😦 කොච්චර කාලෙකටද  නැනී , මට කියන්න, කොච්චර කාලෙකටද?."

මෙලෙස ජොෂ්, magi ගෙන් විමසන්නට වූයේ මහත් උද්යෝගයකිනි.

 "හරියටම කියන්න දන්නෙ නෑ , සමහර විට මාසයක් විතර එහෙ ඉදි."

 "මොනවා !  මාසයක්, හුරේ ! " 🤩🤩 

" අපි මේක සමරන්න ඕනේ නැනී ,  අපි මේක සමරන්න ඕනෙ .

" ඒ කියන්නේ මාසයක් යනකම් මට මේ ගෙදර බෝඩිං කාරයෙක් විදියට නැතුව ගෙදර අයිතිකාරයා වගේ සැපපහසුවෙ ඉන්න පුළුවන් ."

ජොෂ් මෙලෙස සතුටින් බෙරිහන් දෙන්නට වූයේ, තමා හිඳ සිටි  පුටුව මතට නගිමින් නර්තනයක යෙදෙන ගමන් ය.

ජොෂ්ගේ නර්තනයට ;  කැස්පර් ද උඩු බිරීලීමකින් සංග්‍රහ කරන්නට වූයේ.. තම හාම් පුතාගේ සතුට තමාගේද සතුට වන වග හැඟවීමට මෙනි.

 " අනේ ළමයෝ ! , දැම්ම ඔය පුටුවෙන් බහින්නයි කිව්වේ . දඟලලා දගලලා  කොන්ද  කඩා ගන්නද  හදන්නේ."

මැගීගේ අණට අවනත වූ ජොෂ් යළිත් තම පුටුව මත වාඩි වෙමින් .

"නැනී .. මට තව කෑම බෙදන්න . කෝ.. මොකද ඔහොම බලාගෙන ඉන්නේ බෙදන්න බෙදන්න .

" අද නම් හොඳට කනවා,  කාලා කාලා තඩි වෙලා පිපිරිලා ගියත් කමක් නෑ."

---------------------------------------------------------------------------------------------------------------

මෙලෙස තත්පර,  විනාඩි , පැය,  දිනද ගෙවෙමින් ජොෂ්  ගමන යාමට පිටත් වීමට සූදානම් වී ඇති දිනට පෙර දින රාත්‍රිය උදා විය. 🌃🌃

හෙට දිනට නියමිත, තම පාසලේ  'තාරකා රාත්‍රිය ' සඳහා  සහභාගිවීමට ජොෂ් මේ වන විටත්  නොඉවසිල්ලෙන් සිටියේය .

Joshua' s pov :-

" හෙට ඉදලා දවස් තුනක් විතර මං ඉස්කෝලේ නවතින්නනේ යන්නේ .

 ඒ නිසා අවශ්‍ය කරන හැම දේම ලෑස්ති කරගන්න වෙයි, ඒත් වැඩේ කියන්නේ මීට කලින් ගෙදරින් පිට ඉදලම නැති නිසා.. මොනවද ගෙනි යන්න ඕන කියලා හරියටම දන්නේ නෑනේ.

" හ්ම්.. බලමු,

"වැඩිපුර ඇඳුම් කෑලි දෙක තුනකුයි ,තව පිජාමා එකක් ; ඒකත් ඕනෙ වෙයිද ? . නැති වෙයි ,
මොකද මං එහෙ යන්නෙ තරු බලන්න මිසක්, නිදාගන්න නෙමෙයිනේ ." 😁😁

තව මොනවද ..  දත් බුරුසුවකුයි , ෆෝන් එක චාර්ජ් කරගන්න power bank එකයි..

තව..සීතලට දාන්න ice cap එකකුයි .

මේ ටික හොදටම ඇති.

---------------------------------------------------------------------------------------------------------------

ජොෂුවා  තමාට අවැසි සියල්ල මෙලෙස ලකලෑස්ති කරමින් සිටින විටදී , කැස්පර් , ජොෂ්ගේ කාමරයට වී මෙරූ මැස්සකු පසුපස එලවමින් කෙළි සෙල්ලමෙහි  නිරත වෙමින් සිටියේය.

🐶: - " ඔහොම නවතිනවා, මෝඩ මැස්සා. ඔහොම නවතින්නයි කිව්වේ."

  මැගී රාත්‍රී ආහාර පිසින තුරු, ජොෂුවා තම ඇඳ උඩට වී තමා විසින් පුස්තකාලයෙන් රැගෙන ආ පොත නැවත වරක් අතට ගෙන හොදින් කිය වන්නට වූයේ..

තාරකා රාත්‍රියට  සහභාගි වීමට පෙර;  තාරකා විද්‍යාව පිළිබඳව යම් අවබෝධයක් පැවතීම වැදගත් යැයි හැගුනු බැවිනි .

මේ වන විට කැස්පර්  නිදි දෙව්දුව තුරුළට ගොස් සිටි බැවින් කාමරය තුළ අවදි වී සිටි එකම ජීවියා ජොෂුවා පමණක්ම විය.

ඔහුද පොත් කියවීමේ හි නියැලී සිටි බැවින් කාමරය මේ වන විට නිසල ස්වරූපයක් ඉසිලුවද , කාමරයේ ඇති නිසල බව මදකට හෝ මකාලීමට සමත් වූයේ සිවිලිම උඩ ඒකල නර්තනයක නිරත වී සිටින විදුලි පංකාවය.

පොතේ පිටු අතර අතරමං වී සිටි ජොෂුවා හට එකවරම කිසිවකුගේ ඉකි ගැසීමක හඬක් ඇසෙන්නට වූයෙන් ඔහු තමාගේ අවධානය මදකට පොතෙන් බැහැර කර, තමාට ඇසුණු ඒ ආගන්තුක හඬ වෙත පූර්ණ අවධානය යොමු කරන්නට වීය.

නමුත් මෙවර නම් ඔහු  හට ඇසෙන්නට වූයේ තමාගේ හිසට උඩින් කැරකෙන පංකාවෙ හඬ පමණි.

එබැවින් ජොෂ් , නැවතත් තමාට ඒ ඇසුණු හඬ පිළිබඳව කිසිදු තැකීමක් නොකර යළිත් පෙර මෙන් පොත් කියවීමෙහි නිරත වීමට සූදානම් වූ නමුත් නැවතත් ඔහුට කලින් ඇසුණු, කාන්තාවකගේ ඉකි ගැසීමක් වැනි හඬ ඇසෙන්නට වූයෙන් ඔහු තම අතෙහි වූ පොත, පසකින් තබමින්

මුළු කාමරය පුරාම තම සවන් මෙන්ම දෙනෙත් යැවීය.

නමුත් මෙවර ඒ ඉකි ගැසීමේ හඩ ඔහුට ඇසෙන්නට වූයේ විදුලි පංකාවේ හඬ සමඟ මිශ්‍ර වීමෙන් හටගත් බිඳුනු ස්වරයකිනි .

තමාට එකවරම ඇසුණු මේ අමුතු ශබ්දයේ හිමිකාරිනිය සැබවින්ම කවරෙකු විය හැකිද ? .

ඊට ඔහු සතුව ඇත්තෙ එකම එක පිළිතුරයි.

මැගී..? 

        

🛸TO BE CONTINUE 🛸🛸