Alpha ─ chapter 26

භයානක සත්‍ය

" ඔන්න නැනී , අද ඉදලා මං ඉස්කෝලේ ඇරිලා එනකම් ඔයාට ලොකූම ලොකු රාජකාරියක්   පවරලයි යන්නේ හරිද ?."

යැයි ජොෂ් පවසන්නට වූයේ උණුසුම් කිරි වීදුරුවද එක කටට ගිල දමමින්මය .🥛🥛

" ඔයාට පුළුවන්නේ නේද මං එනකං අපේ චූටි කූකුව බලාගන්න?.

හැබැයි ඉතින් ඒක ලේසි රාජකාරියක් නම් වෙන එකක් නෑ නැනී. "

ජොෂ් නැනී හට මෙසේ පවසා පසුව  චූටි කුකූ වෙත හැරී,

" මොකද මේ චූටි කුකූ  හරිම නසරානියෙක් හින්දා. " 😏😏

" මං නම් හිතන්නේ නෑ පුංචි වලස් පැටියෝ, මේ පුංචි බලුපැටියා බලාගන්න එක මට එච්චර අමාරු දෙයක් වෙයි කියලා නම්.

 මොකද මට ..අවුරුදු 18 ක් පුරාවටම කොටි පැටියෙක්ව බලාගෙන හොඳ පළපුරුද්දක් තියෙනවනේ."

යැයි magi ජොෂ් හට උසුළු කරමින් සිනාසෙන්නට විය.

මැගීගෙ මෙම වදන් ඇසූ චූටි කුකූද ජොෂුවා හට, කට කොනින් සමච්චල් සිනාවක් පාන්ට වුයේ ජොෂ්ට පමණක් පෙනෙන පරිද්දෙනි.

" හොදයි එහෙනම් චූටි කුකූ මට දැන් ඉස්කෝලේ යන්න තියෙනවා , හොඳ ළමයා වගේ නැනී  කියන දේ අහගෙන, දඟ කරන්නේ නැතුව ඉන්න ඕන හරිද ?."

" ඔය පැටියා ඔයා ඔය කියන තරම් දඟ බවක් මට නම් පෙන්නේ නෑ ජොෂ් .

මේ බලන්නකෝ  හුරතලයට නැට්ට වන වන ඉන්න අපූරුව.

නරකද ඔය බලු පැටියට චූටි කුකූ කිය කිය ඉන්නේ නැතුව හොඳ ලස්සන නමක් දැම්මොත්."

එවිට චූටි කුකූ ජොෂ් දෙස හැරී;

" ඒකනෙ, මං මේ මෝඩයාට ඊයේ ඉඳන්ම කියන්නේ, මට ලස්සන නමක් දාන්න කියලා, කොහෙද ඉතින් මං කියන දෙයක් අහන එකක් ඈ."

යැයි පැවසීය. ජොෂ් හට ඌ පැවසු දේ හොදින ඇසුණත්, ඒසේ පවසන විට චූටි කුකූගේ කට සෙලවෙන බවක් නම් ඔහු හට නොපෙනෙන්නට විය.

      "ඒ කියන්නේ.. මට දැන් බල්ලන්ගේ හිත් කියවන්නත් පුළුවන්ද ?." 😦

---------------------------------------------------------------------------------------------------------------

ජොෂුවා සුපුරුදු පරිදි මවගේ සොහොනට ගොස්; සොහොනේ සිට නැවතත් තම බස් නැවතුම්පොළ වෙත පා ගමනින් යන්නට වූයේ.. තම ගෙලෙහි වූ මාලය දෙස බලා කල්පනා ලොවක අතුරුදහන් වෙමින් ය .

Joshua' s pov :

" උදේ .. මේසය උඩ තිබුණු කොළ කෑල්ලේ කිව්වේ මේ යතුර ගැනවත් ද ?.🔑 🔑

 මේක නිකම්ම නිකන් යතුරක් නෙමෙයිද එතකොට .?"

 කවුද සැරින් සැරේ අපේ ගෙදරට ඇවිත් මෙහෙම එක එක කොළ කෑලි මට දීලා යන කෙනා.

 එතකොට ඒ කෙනයි මායි අතර තියෙන සම්බන්දය මොකක්ද .?."

හ..( සුසුමක් හෙළමින් )

"මට නම් මුකුත්ම හිතාගන්න බෑ..

  මගේ 18 වෙනි උපන්දිනේ දවසේ ඉඳන්ම මට වෙන්නෙම මහා අමුතු දේවල්මයි.

ඒ මදිවට ඊයේ රෑ දැකපු හීනේ; එක හීනයක් වුණත් මට දැනුනේ හරියට ඇත්තම සිදුවීමක් වගෙයි.

ආ! ..

තව පොඩ්ඩෙන් අමතක වෙනවා ,දැන් චූටි කුකූට ගැලපෙන නමක් හිතන්නත් එපැයි .

ම්.. ම්..

කොච්චර හිතුවත් ඒ කොටාට ගැලපෙන නමක් මතක් වෙන්නෙම නෑනේ

බලමු "ටයිනි .."

  නෑ නෑ ඒ නම කොමන් වැඩී

'ලයිකා..'

ලයිකා කියන්නේ අභ්‍යවකාශයට ගිය පළවෙනි බල්ලාගේ නමනේ

එච්චර දෙයක් කරන්න පුළුවන් ඈ අපේ චූටි කුකූට.😏😏

අනිත් එක ලයිකා කියන්නේ ගැහනු සතෙක්නෙ

  නෑ නෑ ඒ නම නම් කොහොමටවත්ම හරියන්නෙ නෑ.

ආ! බලමු ..

 ' කැස්පර් ' 

ඒ නම නම් එයාට හොඳට ගැලපෙනවා. 🤗🤗

මොකද  හම්බුන පළවෙනි දවසේ ඉදන්ම කළේ භූත වැඩමනේ.

ජොෂුවා සෑම මොහොතකම වාගේ කැස්පර් සමග රණ්ඩු වල පැටලුනද, කැස්පර් නම් වූ ඒ අපූරු බලු පැටවා මේ වන විටත් ජොෂුවාගේ ජීවිතයට නැතුවම බැරි කෙනෙක් බවට පත්වී ඇති බව නම් නොරහසකි .

ජොෂ්ගේ සිතුවිලි වලින් 85% කම පාහේ කැස්පර් සිටීමට තරම් කුඩා බලු පැටවා ඔහු හට වශියක් කර ඇති බවට ඔවුන්ගේ සම්බන්ධය දුටු අයෙකුට නම් නිසැකවම සිතෙනු ඇත .

සැබවින්ම  ,බලු පැටවා ගැන සිහි වන විට දී පවා ජොෂ්ගේ මුහුණ සිනහවකින් ආලෝකමත් වී යන්නේ ඔහුටත් රහසේම ය .

---------------------------------------------------------------------------------------------------------------

මෙවර ජොෂ් පන්තියට අඩිය තබන විට දී නම් වෙනදා මෙන් එහි ඝෝෂාවක් නොතිබෙන්නට වූයේ ඔහු හැර වෙනත් කිසිවෙක් පන්තිය තුළ නොසිටි බැවිනි.

පන්තියට මේ වන විටත් කිසිවකු පැමිණ නොසිටියද, යමකුගේ අත්අකුරින්, පන්තියේ ඇති කොළ  පැහැති ලෑල්ලේ;  ( Green board )
මෙලෙස යමක් සටහන් කර ඇති අයුරු ජොෂ් හට දැක ගත හැකි විය .

Terrible and True

කොළ ලෑල්ලේ ඇති අකුරුත් තමා උදෑසන දුටු අභිරහස් අක්ෂරත් අතර යම් සමාන බවක් ඇති බවට ජොෂුවා හට එක්වරම වැටහී ගියේ.. මෙම වාක්‍ය දෙස මද වේලාවක්  බලා සිටින විටදීය.

සාමාන්‍යයෙන් පන්තියේ කොළ ලෑල්ල මත ලියා ඇති දේ ගැන වැඩි සැලකිල්ලක් නොදක්වන ජොෂුවා , අද මේ දෙස ඕනෑකමින්ම බලන්නට තරම් එම වාක්‍යය ජොෂ්ගේ සිතට ආකර්ෂණයක් ගෙන ඒමට සමත් විය .

Terrible and True

යනුවෙන් ලියා ඇති මෙම වාක්‍ය දුටු පමණින් මෙ තුළ යම් සැඟවුණු අර්ථයක් ඇති බව නම් මෙය දුටු ඕනෑම අයකුට හොඳින් වැටහෙන කරුණකි .

එනම් යම් රහසක සේයාවක් මෙම වචනය තුළ ගැබ්ව ඇති බැවිනි.

---------------------------------------------------------------------------------------------------------------

පාසලෙන් පසු , වෙනදාට වඩා වේලාසනින් ජොෂුවා නිවස වෙත පැමිණියේ අද දින ඔස්බර්ට්ගේ ප්‍රතිකාර සඳහා රෝහලට යාමට වෙන්කර ඇති දිනය වූ බැවිනි. 

" නැනී .. චූටි .. නෑ නෑ  .. කැස්පර්.. ! ඔන්න මං ගෙදර ආවා.

නැනී .. අද මොනවද රෑට කන්න තියෙන්නේ?. "

" කන්න තියෙන්නෙ මොනවද කියල පස්සේ බලන්න පුළුවන් ඉස්සෙල්ලාම ගිහින් වොෂ් එකක් දාගෙන එන්නකෝ.

 ඔය විෂ බීජ පිරුණු අත්වලින් නම් මේ කෑම අල්ලන්නවත් හිතන්න එපා."

" හොදමයි හොදමයි මහ රැජින."

යනුවෙන් පවසමින් ජොෂ් තම කාමරය වෙත ලහිලහියෙ දුවන්නට වූයේ පඩිපෙලේ පඩි දෙකින් දෙකට පාද තබමින්ය.

---------------------------------------------------------------------------------------------------------------

ජොෂුවා හට ද කෑමට යමක් ලබා දුන් මැගී

"ආ මෙන්න ඔයාටත්."

යනුවෙන් පවසමින් කැස්පර් හටදපු කිරි පිරුණු භාජනයක් පිරිනැමීය .

"ඒක නෙමෙයි ජොෂ් , මම කියන්නමයි හිටියෙ රෑට නිදා ගන්න කොට නම් මේ බලු පැටියාව නිශ්ශබ්ද කරලා තියාගන්න වෙයි . නැත්තං දන්නවානෙ ඔයාගේ තාත්තාගේ හැටි .

ඊයේ රෑ මට ඇහුණා මූ උඩුබුරනවා.

 අපි තුන්දෙනාගෙම හොඳ වෙලාවට තමයි  ඊයේ පාස්ටර් ෆ්‍රැන්සිස්  ගෙදර හිටියේ නැත්තේ ."

එවිට ජොෂ්ගේ මුහුණ එකවරම අඳුරු වී යන්නට වූයේ දීප්තිමත් හිරු කිරණ ගිලගත් කළු වළාවක් පරිද්දෙනි .

 

        🛸 TO BE CONTINUE 🛸🛸

 කතාවේ ඉන්න කැස්පර්ගේ වැඩ හැබහින් දැක ගන්න කැමතිද?.  එහෙනම් දැන්ම Youtube එකට ගිහින් 'කැස්පර් විනීත' කියලා search කරලා,  අලුත්ම අලුත් විඩීයෝ එකත් බලලා 'කැස්පර් විනීත Youtube channel එකත් subscribe කරලාම එන්න.

මොකද..

' හොද හොද සෙල්ලම් ඉස්සරහට'

Alpha - chapter 25

 

අහිංසක පළිගැනීම 

සුදු ආලෝකයකින් වටවු අවකාශයකි.

️
බැලූ බැල්මට පෙනෙනුයේ සැත්කම් සිදු  කිරීමට ගන්නා බඩු බාහිරාදියෙන් පිරී ඇති කුටියක් පරිද්දෙනි .⚗️🔬🛏️

එහි ලෝහමය ඇඳන් දෙකක් මත ප්‍රාණය නිරුද්ධ කරන ලද ගැහැනියකගේ සහ පිරිමියෙකුගේ සිරුර දෙකකි.
මුලින්ම ඇති සයනයෙහි කාන්තාව ද, ඊට මදක් ඈතින් කාන්තාවගේ වම්පසට වන්නට ඇති  සයනයෙහි පිරිමියාද වැතිර සිටින අයුරු දක්නට ලැබේ.

මොවුන්ගේ අත් පා සයනයට සවි කරන ලද යදම් වලින් බැඳ  ඇති අතර ඔවුන්ට මදක් ඉහළින් ශල්‍යාගාරයක් තුළ දක්නට ලැබෙන්නා වූ ගණයෙ විදුලි ආලෝකයකින් යුත් පහනක් දැල්වී නිවී යන අයුරු දක්නට ලැබේ.💡💡

නමුත් මෙමගින් නිකුත් වන ආලෝකය නම් සාමාන්‍ය ආලෝක බුබුළු වලින් නිකුත් කෙරෙන ආලෝකයට වඩා බොහෝ සෙයින් වෙනස්ය.

ඊට හේතුව මෙහි ආලෝකය රතු පැහැති වීම ය .

එම රත් පැහැ ආලෝක දහරාව නිවී නිවී දිලෙන්නට වූයේ කෙනෙකුගේ මනස මෝහනයට පත්කරන ආකාරයටය .

කාන්තාව සහ පුරුෂයා නිදා සිටින ඇඳන් අසලින් තවත් පිරිසක් ඔවුන් දෙස විමසිල්ලෙන් බලා සිටින අයුරු දක්නට ලැබෙයි.

නමුත් මොවුන්ගේ රූප දිස් වනුයේ බොද වී ගොස් ඇති අයුරින්ය.

ඔවුන් සැබවින්ම මිනිසුන් ද නැතිනම් මිනිසුන් නොවන වෙනත් කොට්ඨාශයක් ද යන්නට හරි හැටි වටහා ගැනීම ද අසීරුය.

වැතිර සිටි කාන්තවගෙ ශරීරයේ ප්‍රාණය නිරුද්ධ වී තිබුණ ද ,ඇය කිසියම් වූ වේදනාවකින් පෙළෙන බව හැගෙන්නේ .. ඇයගේ මනසේ ඉකි ගැසූම් හඬ වා තලය පුරා දෝංකාර දෙන්නට වූ නිසාවෙනි .

සුළු මොහොතකට පසු; බොදවූ රූප වලින් යුක්ත ජීවීන්ගෙන් එක් අයෙකු, උල් වූ සිරින්ජරයක් වැනි ආයුධයක් කාන්තාවගේ නිසල ශරීරය වෙත ළං කිරීමට උත්සාහ දැරු අතර ; ඉන් එක් අයෙක්, එය; ඔහු සමග පොර බැඳීමෙන් වළක්වා ලීමට උත්සාහ දරයි.

පසුව ක්ෂණයෙන්, ඔවුන් සිටි කුටිය යම් දෙදරීමකට ලක්වුයේ අවට ඇති බඩු සියල්ල ද සී සී කඩ විසිරී යාමට සලස්වමින් ය.

" වව්! .. වව්!.. අවූ!.."  🐩🐩

  චූටි කුකූගේ උඩු බිරිලීම නිසා තමා දුටු සිහිනයෙන් එක්වරම අවදිවූ ජොෂ් , තම සමබරතාවය එක්වරම ගිලිහි යාමෙන් ඇඳෙන් බිමට ඇද වැටෙන්නට විය.

" අයියෝ ..  චූටි කුකූ! කන ළග ඉදන් බුරන්නෙ නැතුව ඔය කට වහගන්නවා කෝ.

 මට හොඳටම නිදිමතයි. හෙට උදේම ඉස්කෝලේ යන්නත් තියෙනවා. "

ජොෂුවා මෙලෙස බිම වැතිරී සිටි අයුරින්ම චූටි කුකූ හට දොස් පවරන්නට විය .

උදෑසන 🔆🔆

🐦🐦🐦🐦🐦🐦🐦🐦🐦

කුරුල්ලන්ගේ කිචි බිචි නාදයත් සමගින් ජොෂ්  අවදි වන්නට වූයේ, ඇස් වල නිදිගැටද කඩා දමමින් ය.

 " සුභ උදෑසනක්!, ජොෂුවා අයියේ .."

 " මොන සුභද  චූටි කුකූ..
උදෑසන සුභ වෙන්න තිබුණා, ඊයේ රෑ ඔයා මට පොඩ්ඩක් හරි ඇහැපියාගන්න ඉඩ දුන්නා නම්. 😣😣

 අනිත් එක මොකක්ද මේ අයියා කතාව 🤨 , එහෙම ඕන වෙන්නේ නැහැ නිකන්  ජොෂ් කියලා කිව්වාම හොදටම ඇති."

ජොෂ් එලෙස චූටි කුකූ හට පවසන්නට වූයේ, ඇඳෙන් බැස නාන කාමරය වෙත යාමට තම තුවාය අතට ගන්නා ගමන්ම ය.

 "ඉතින් ඔයත් මට චූටි කුකූ කියලා කියන්නේ, ඒ නිසා මං ඔයාට අයියා කිව්වහම මක් වෙනවද?, හ්ම්.. හ්ම්..

" මං ඔයාට ජොෂ් අයියා කියල කතා කරනවට කැමති නැත්නම්, මටත් ආයෙ ඔයා චූටි කුකූ  කියල කියන්න එපා, මොකද මං ඒ නමට පොඩ්ඩක් වත් කැමති නෑ. " 🤮🤮

 " අහා.. ඔයා අකමැතියි කියලා බෑ, මොකද මමයි මෙතන වැඩි මලා .මට ඕන විදියටයි මෙහෙ වැඩ සිද්ද වෙන්නේ, තේරුණාද ?. "

" ඔයා නම් හරිම නරක කොල්ලෙක් .😈😈
කොයි වෙලෙත් මට සැරෙන්මයි කතා කරන්නේ .මං කලින් හිටපු තැන් වල අය නම් මට ඔහොම කවදාවත්ම කතා කරල නෑ. "

 "ආ! ඇත්තද?, කලින් අයියා දැන් එකපාරටම කොල්ලා වුනාද. එහෙනම් ඉතිං ආපු දිහාවටම යන   එකයිනෙ ඇත්තේ. 

" හැබැයි ඔය බටු ඇට වගේ කකුල් වලින්  සෑහෙන දුරක් පයින් යන්න වෙයි " 😂😂

යනුවෙන් පවසමින් ජොෂ් නාන කාමරය වෙත ගියේ චූටි කුකූ හට සමච්චල් සිනාවකින් ද සංග්‍රහ කරමින් ය.

 

විනාඩි විස්සක පමණ කාලයක් නාන කාමර තුළ ගත කළ ජොෂුවා ඉන් පිටතට පැමිණියේ කුඩා තුවා කැබැල්ලක් පමණක් ඉන දවටා ගනිමින්ය .

ජොෂ්, පිටතට පැමිණෙන තුරු කුරුමානම් අල්ලමින් සිටි චූටි කුකූ එකවරම ඔහු ඇඳසිටි තුවා කෑල්ල වෙත පැන ; එය කටින් රැගෙන කාමරය පුරා දුවන්නට වූයේ මෙතෙක් වෙලා පැවති තම පලිගැනීමේ චේතනාව සඵල කර ගනිමින් ය .😂😂   

" ඒයි චූටි කුකූ!.. ඔහොම නවතිනවා!.. මගේ තුවාය දීලා යනවා. 

 නවතින්න කියලා නේද කිව්වේ.."

මෙලෙස ජොෂ් ,කාමරය පුරා චූටි කුකූගෙ  පිටුපසින් ලුහු බඳින්නට වූයේ, මේසෙ උඩ වූ කුඩා පොතක ආධාරයෙන් තම විලි වසා ගනිමින් ය.

" අනේ චූටි කුකූ.. මගේ තුවාය දෙන්නකෝ.. ,  නැනී කාමරේට ආවොත් වහ කන්නයි වෙන්නේ."

 අනේ .. අනේ..  කරුණාකරලා , මං ඔයාට ආයෙ කවදාවත් සැර විදිහට කතා කරන්නේ නෑ , පොරොන්දු වෙනවා."

ජොෂ්ගේ මෙම ආයාචනාත්මක වදන් හමුවේ මෘදු වූ චූටි කුකූ ජොෂුවා හට තම තුවාය ලබා ගැනීම සඳහා ඉඩ ලබා දුන්නේ ය .

තම තුවාය;  නැවත අතට ගත් ජොෂ්  එකවර මෙසේ පවසන්නට වූයේ සුළු මොහොතකට පෙර තමා විසින් චූටි කුකූ හට වූ පොරොන්දුව සහමුලින්ම අමතක වී ගොස් ඇති අයුරිනි.

" අම්මෝ .. මේක නම් මට ආයෙ ජීවිතේට පාවිච්චි කරන්න බැරි වෙයි. බලනවා මේක හැම තැනම බලු කෙල. 

  " මට පේන්නෙ ඔයාට චූටි කුකූ කියන නම හොඳ වැඩියි;  ඔයාට හරියන්නේ සෙවල පෙන්දා වගේ නමක් තමයි."

ඉන්පසු ජොෂ් , බලු පැටවා හට දිව දික් කර ඇද කරමින් තම පාසල් නිල ඇඳුම් ඇඟලා ගැනීමට සැරසුණේය.

පාසල් යාම සඳහා සියල්ල ලක ලෑස්ති කර ගත් ජොෂ්  තම පොත් මේසය වෙතට පිවිසියේ.. පාසල් බෑගය අතට ගැනීම සදහාය.

නමුත් ඒ මොහොතේ ජොෂ්ගේ නෙත එක වරම ගැටෙන්නට වූයේ තම පාසල් බෑගය වෙත නොව තම මේසය උඩ , දිග හැරී ඇති මධ්‍යම ප්‍රමාණයේ කොළ කැබැල්ලක් වෙතට ය.📄📄

එම කොළ කෑල්ල තමාට අයිති වස්තුවක් නොවන බවට නම් ජොෂුවා හට විශ්වාසය.
එලෙසම එහි ඇති අත් අකුරු වලින් ද එය සීයයට සීයක් සනාථ වේ.

ජොෂුවා කොළ කැබැල්ලේ ඇති දේ මෙසේ කියවීය.

[ *  කුටියට ඇතුළු වීමට පෙර  රහස් කේතය සොයා ගන්න.

* එය අක්ෂර දහයකින් සමන්විත් වේ.

      * යතුර නුබව නිවැරදි දිශාවට රැගෙන යාවී.] 

        
           

🛸 TO BE CONTINUE 🛸🛸