Alpha - chapter 28

 

කළලය

" නැනී ! නැනී !"

යනුවෙන් කෑගසමින් මුළුතැන්ගෙය කරා දිව ගිය ජොෂුවා පසුව,

" නැනී .. ඔයා අඩනවද?."

යනුවෙන් අසමින් මැගීගෙ මුණට එබිකම් කරන්නට වූයේ.. ඇයගේ දෑසේ කඳුළු ඇති දැයි සැක හැර දැන ගැනීමටය.

 " අඬන්න, මම?.

   ඔයා දන්නවනේ ජොෂ් , මම වයස වුණාට.. මගේ හිත හරි හයියයි කියලා.

 ඒත් ඇයි ඔයා එක පාරටම මගෙන් ඒ වගේ ප්‍රශ්නයක් ඇහුවේ ."

 " නෑ නැනී ,මට එක පාරටම කවුදෝ  ගැහැණු කෙනෙක් අඩන ශබ්දයක් ඇහුණා.

ඒකයි මම හදිසියේම පල්ලෙහාට දුවගෙන ආවේ,  ඔයා අඩනව කියලා හිතාගෙන.

මං හිතන්නේ .. මගෙ ඔලුවේ මැවිච්ච මනස්ගාතයක් වෙන්න ඇති ."

 "ඒක තමයි මං ඔයාට අනන්තවත් කියන්නේ ඔය හොල්මන් චිත්‍රපටි ඕනවට වඩා බලන්න එපා කියලා."

---------------------------------------------------------------------------------------------------------------

වෙනදාටත් වඩා වේලාසනින් අවදිවූ ජොෂුවා ඉක්මනින් ඇද පැළදගනිමින් , තම ගමන් මල්ල ද රැගෙන කෑම කාමරයට යන්නට වූයේ..  උදෑසන ආහාර වේල භුක්ති විඳීම සඳහායි.

 තිබූ නොඉවසිලිමත් බව නිසා ඔහු හට පෙර දින රාත්‍රියේ හරිහැටි නින්දක්ද නොලැබෙන්නට විය.

 "අනේ!.... මගේ කොල්ලට දවස් තුනක් විතර යනකම් හරිහැටි කෑමක් වත් ලැබෙයිද දන්නේත් නෑ.'' 

 "අයියෝ!, නැනී  මම මේ හමුදාවට යනවා නෙමෙයිනේ.

එහෙදි බඩගින්නේ ඉන්න ඕනේ වෙන්නේ නෑ . මොකද ළමයි ඔක්කොම එකතුවෙලා උයාගෙන කන නිසා. අනිත් එක කන්න ඕන තරම් එහෙ ක්ෂණික කෑම වර්ග තියෙනවා."

 " ඒ වුනාට ළමයෝ ඒ කෑම ගෙදර කෑම වගේ පිරිසිදු නෑනේ. "

 අනිත් එක ඔයා හරියට උයන්න වත් දන්නවා කියල ද.

 තාම හරියට බිත්තරයක් වත් බැද ගන්න බෑ."

මෙලෙස මැගී මැසිවිලි නගද්දී ජොෂුවා කුඩා දරුවකු මෙන් තම තොල් පෙරලන්නට විය.

" හරි හරි දැන් ඒවයින් වැඩක් නෑ , යන්න කලින් මේ කිරි එක බීලා ඉන්න ."

යනුවෙන් පවසමින් , මැගී  සුපුරුදු පරිදි ජොෂුවා හට කිරි වීදුරුවකින් සංග්‍රහ කළේය. " 🥛🥛🥛

තම  කිරි වීදුරුවෙන් කිරි උගුරක් පමණක් පානය කළ ජොෂ් ,කිරි වීදුරුව ඇතුළත බැලීමෙන් අනතුරුව

සරාස් ! .. හඩ නගමින් එය  බිමට අතහැරියේය .

ඉන් අනතුරුව ඔහුගේ හැසිරීම එක්වරම වෙනස් වන්නට වූයේ එක්වරම හොල්මනක දුටු පරිද්දෙනි.   👻👻👻

 " ජොෂ් !,  පුතේ මොකද මේ වෙව්ලන්නේ අසනීපයක්වත්ද ?."

 " න්නැ..හැ .. නැන්නී.. එහෙම මුකුත් නෑ. කිරි එක උණු වැඩි ඒකයි අතෑරුණේ.

 නැනී මට බඩගිනි නෑ . පරක්කුත් වෙනවනෙ මං ගිහින් එන්නම් ."

ජොෂුවා මෙලෙස nanny හට පැවසුව ද ,ඔහු පැවසූ  සියල්ල පාහේම සත්‍යය නොවීය.

පෙරදී කිරි වීදුරුව ඇතුළත බැලු ජොෂුවා හට එහිදි පෙනෙන්නට වූයේ කිරි උඩ පාවෙමින් තිබෙන කුඩා දරුවෙකුගේ කළලයකි.

තමා දුටු දෙයින්  ඉමහත් කැළඹීමට පත් වූ ජොෂ් ඉක්මනින්ම නිවසින් බැහැරට පැමිණියේ ඊයේ රාත්‍රිය තමාට ඇසුණු විකාර ශබ්දත් , අද දින තමා දුටු අද්භූත සේයාවන් පිළිබඳවත් කල්පනා කරමින් ය .

පිටත පිරිසිදු වාතාශ්‍රය ලැබීමෙන්වත් මේ සියල්ල අමතක වී යාවි යැයි ඔහු සිතුව ද ; කොපමණ  මේ පිළිබඳව අමතක කර දැමීමට ඔහු උත්සාහ දැරුවද , සැරින් සැරේ එම මතකයන් ඔහුගේ මනසේ  හොල්මන් කරයි.

ඇතැම්විට මේ පෙන්නුම් කරනුයේ යම් අසුබ පුවතක පෙර  නිමිතිවත්ද ?.

---------------------------------------------------------------------------------------------------------------

අද දින පාසලේ නිවාඩු දිනයක් වූ බැවින් ,පාසලට පැමිණ සිටියේ පාසල් තාරකා විද්‍යා සංගමයේ  සිසුන් පමණකි.

පැමින සිටින සිසුන් සියල්ලම පාහේ සාමාන්‍ය ඇඳුම් පැළඳුම් වලින් සැරසී සිටින අයුරු  ජොෂුවා   හට මෙහිදි දැකගත හැකි විය.

 පාසලේ තණ පිට්ටනියට රැස්ව සිටින සිසුන් අතරින් කොටසක්;  කිසිවෙකු වට කරගනිමින් කතාබහක නිරතවී සිටින අයුරු ජොෂුවා හට එහි එක්වරම දැකගත හැකි විය.

එම පුද්ගලයා අන් කිසිවෙකු නොව තම තාරකා විද්‍යා මහාචාර්යවරයා වන මහාචාර්ය ජෝන්ස් විය.

තණ පිට්ටනියේ ළමුන් විස්සකට අධික සංඛ්‍යාවක් සිටි අතර, ඔවුන් විවිධ වයස් සීමාවල පසුවන්නන් විය.
මේ අතර සමහරුන් ස්ටැන්ටන්  විශ්වවිද්‍යාලයේ ඉගෙනුම ලබන සිසුන් වූහ .

 Ice තොප්පියක්ද පැලඳ ගනිමින් තණ පිට්ටනියට පැමිණ සිටි ජොෂුවා දුටු මහාචාර්යවරයා ඔහු හට සුන්දර සිනහවකින් සංග්‍රහ කරන්නට වූයේ ඔහුගේ පැමිණීම පිළිබඳව තමා ප්‍රශංසා වන බව හැඟවීමට මෙනි.

එකවරම අත්පුඩියක් ගසමින් ළමයින් සියල්ලෝම නිශ්ශබ්ද කළ ගුරුවරයා👏👏👏

"  හරි ;  දැන් ළමයි හැමෝම මම කියන දේ හොදින් අහගන්න.

 අපි අද ඉස්කෝලෙට ටිකක් එහායින් තියෙන පුංචි මිටියාවතේ තමයි කූඩාරම් බඳින්න හිතාගෙන ඉන්නේ .

 ඉතින් මං හිතුවා අපේ වැඩේ කම්මැලි නොවෙන්නත් එක්ක ඔයාලව කණ්ඩායම් වලට බෙදලා  කණ්ඩායම් ක්‍රියාකාරකමක් විදියට මේ වැඩේ කරන්න.

ඒත් හැබැයි එක කණ්ඩායමකට ළමයින් හතර දෙනෙක් පමණක් ඇතුළත් වෙන විදියට,  කණ්ඩායමේ ඉන්නේ කවුද කියන එක තෝරාගන්න වැඩේ මං ඔයාලාටම බාර දෙන්නම් .

මං හිතනවා මේක ඔයාලාට අලුතෙන් යාළුකම් ඇති කර ගන්න හොද  අවස්තාවක් වෙයි කියලා .

ඒවගේම තව දෙයක්.  අද මං අපේ සංගමයට සභාපති කෙනෙක් අලුතින් පත් කරනවා. මං.. දැනටමත් එයාව තෝරාපත් කරගෙනයි තියෙන්නේ.

ඒ වගේම ඔයාලට ඉක්මනින්ම දැනගන්න ලැබෙයි ඒ කවුද කියලත් ."

Joshua' s pov :

Professor ,අපිට අද කරන්න තියෙන දේවල් පැහැදිලි කරලා අපිව එක්කන් ගියේ ..  අද රෑට කූඩාරම් බැඳගෙන තරු බලන්න හිතාගෙන ඉන්න මිටියාවතට.

ඇත්තටම ඒක හරිම ලස්සන තැනක්.

මිටියාවත හරි මැදට වෙන්න කොළ පාටට හුරු විලෝ ගහක් හිටවලයි තිබුනේ .
ඒ ගහ වටේට පුංචි කහපාට මල් වවලා තිබ්බේ හරියට ගහේ පාළුව නැති කරන්න වගේ . 🌻🌻🌻

ඔව් ;  දැනුයි මට මතක් වුනේ මේ තමා මම ඉස්කෝලෙට ඉස්සෙල්ලාම ආපු දවසෙ පන්තියෙ ජනේලෙන් දැක්ක ලස්සනම ලස්සන පුංචි මිටියාවත.

එක ඈතට පේනවටත් වඩා.. ලඟට හරිම ලස්සනයි.

මං මගේ අත්දෙක දෙපැත්තට විහිදලා ඇස් දෙකත් වහගෙන, මිටියාවතෙන් එන සිසිල් සුළඟ විඳ ගත්තේ පුදුම සතුටකින් .

  ඒත් එක පාරටම එතනට ආපු උස කොල්ලෙක් මගේ නිදහසට බාධා කළා.
නෑ මට වැරදුනා එතන කොල්ලො තුන් දෙනෙක්ම හිටියා .

පුදුමෙ කියන්නේ ඒ තුන්දෙනා මගේ ඉස්සරහා හිටගෙන හිටියේ රටාවකට.

  උසයි ,කොටයි, කොටා..යි.

"  කරදර කරා නම් සමාවෙන්න.

අපි මේ ආවේ ඔයාට පොඩි යෝජනාවක් කරන්න. "

එකපාරටම එතන හිටිපු උසම කෙනා මගෙන් ඇහුවෙ කටේ ගහන් හිටපු lollipop කූර වත් කටින් අයින් කරන්නේ නැතුව. 🍭🍭🍭

 " ඔයා කැමතිද අපේ  team  එකට එන්න. පේනවනෙ අපේ කණ්ඩායමේ හරියටම ඉන්නේ තුන් දෙනයි.

ඒත් කණ්ඩායම සම්පූර්ණ වෙන්න නම් තව එක්කෙනෙක් අපිට ඕනේ කරනවා."

උස ළමයා මගෙන් එහෙම ඇහුවේ ගොඩක් මිත්‍රශීලී විදියට.

 " ආ! සමාවෙන්න, ඊට කලින් අපි ඔයාට අපිව හඳුන්වලා දෙන්නම් කෝ."

           

🛸 TO BE CONTINUE 🛸🛸