Alpha - chapter 20

 ඉණි මං මෙහෙයුම

"වාව්! මේක පුස්තකාලයක් ද නැත්නම් මාලිගාවක්ද?, ඇත්තටම මේක අපේ මුළු ගෙදරටමත් වඩා ගොඩක් ලොකුයිනේ."

" මෙතන තියෙන පොත් රාක්ක වල උස.  යෝධයන්ට පොත් කියවන්න ද දන්නෑ මේ රාක්ක  මෙච්චර උසට හදලා තියෙන්නේ."

පාසල් පුස්තකාලය මෙලෙස ප්‍රථම වරට දැකීමෙන් මවිතයට පත්වූ ජොෂුවා, තමා හටම එසේ හඬනගා පවසාගන්නට වූයේ..  අවට සිටින්නන් පිළිබඳව කිසිදු තැකීමක් නොකරය.

 ඔහුට එහි තමා හැර වෙනත් අය ද සිටින බවට සිහිපත් කළේ, ඔහුගේ හඬ නිසා පුස්තකාලයේ ඇති වූ දෝංකාරයට ප්‍රතිචාර දැක්වීමට අවට සිටින්නන් විසින් ඔහු වෙත එල්ල කළ රැවුම් බැනුම් ය. 

"මොකද ඉලන්දාරියා! මේ පුස්තකාලය ඇතුලේ තනියම බෙරිහන් දෙන්නෙ; ඔය ළමයා පුස්තකාලයට එද්දී අතන තියෙන පුවරුව හරියට කියවලා නෙමෙයි ද ආවේ."

පුස්තකාලයට ඇතුළුවීමේ දොරටුව අසල ඇති පුවරුවකට තම ඇඟිල්ල දික් කරමින් එසේ පවසන්නට වූයේ පුස්තකාලය ඇතුළත සිටි මැදිවියේ කාන්තාවකි .

සුදු පැහැති බ්ලවුසයකින් සහ කළු පැහැති කෙටි සායකින් සැරසී සිටි ඇය, බැලූ බැල්මට පුස්තකාල කාර්ය මණ්ඩල සහායිකාවක් ලෙස පැවසිය හැක.

මැදිවියේ පසු වූ තැනැත්තියක් වුවද ඇයගේ හිසකෙස් තැනින් තැන අළු පැහැ ගැන්වී ඇති අයුරු ජොෂුවා හට දැක ගත හැකි විය .

" මම මීට කලින් නම් ඔය ළමයා , මේ පුස්තකාලයට එනවා දැකලා නෑ.🤨🤨

මං හිතන්නේ මෙහෙට අලුත් කෙනෙක් වෙන්න ඕන. "

ඒකනෙ පුස්තකාලේ ඇතුලේ හැසිරෙන්න ඕන විදිහවත් දන්නේ නැත්තේ."

  කාර්යාල පාලිකාව මෙලෙස ජොෂුවා හට පවසන්නට වූයේ දැඩි තර්ජනාත්මක ස්වරයකිනි.

සැබවින්ම ජොෂුවා, ඇය පැවසූ අයුරින්ම, Stanton පුස්තකාලයට පමණක් නොව පුස්තකාලය යන වචනයටද ආගන්තුකයෙකි.

"මට ..... සමාවෙන්න, මිස්  පැටින්සන්. මං මේ ආවෙ මට අවශ්‍ය කරන පොතක් මේ පුස්තකාලෙ තියෙනවද බලන්න ."

මෙවර නම් ජොෂ් ඇයට ආමන්ත්‍රණය කරන්නට වූයේ රහසක් මිමිණීමකිනි.

එලෙසම කාර්යාල පාලිකාවගේ නාමය, ඇයගේ කමිස කොලරයෙන් එල්ලා ඇති කුඩා ලාංඡනයක  දක්වා තිබූ  බැවින්, ජොෂ් හට ඇය කවරෙකු දැයි හඳුනා ගැනීමට ඉතා පහසු විය.

" මං දන්නවා ඔය ළමය මෙහාට ආවේ පොත් ගන්න කියලා . නැතුව මෙතනට කෑම කන්න   කවුරුත් එන්නේ නෑනේ.

" පොත් ගන්න කළින් ළමයෝ!, අපිට අනුගමනය කළ යුතු පිළිවෙත් කීපයක් තියෙනවා.එහෙම නේද ?.

මං කියන්නේ අලුතෙන් පුස්තකාලයට කෙනෙක් එනවා නම් ඒ කෙනා පොත් පරිශීලනය කරන්න කලින් පුස්තකාල සාමාජිකත්වය අරන් ඉන්න ඕනේ නේ. මං හරි නේ?."

එවිට ඇය පැවසූ දෙය අනුමත කිරීමට මෙන් ජොෂ් තම හිස ඉහල පහල සලන්නට විය.

---------------------------------------------------------------------------------------------------------------

 " මිස් පැටින්සන්! මං දැන් පුස්තකාල සාමාජිකත්වය ලබාගත්තා නේ,දැන් මට කියන්න පුළුවන්ද ,තාරකා විද්‍යාව ,පිටසකවල ජීවීන් එහෙම ගැන තියෙන පොත් කොයි රාක්කෙද
 කියලා?."

එවිට මිස් පැටින්සන්, ජොෂ් හට තමාගේ දකුණු පස කෙලවරේ ඇති උසැති රාක්කයක් පෙන්වමින් මෙසේ පැවසිය .

"මෙන්න මේ රාක්කයේ තමයි විද්‍යාවට සම්බන්ධ පොත් ඔක්කොම වගේ අහුරලා තියෙන්නෙ. 

එතකොට ඔය.... උඩම තියෙන තට්ටුවෙ තමයි.... තාරකා විද්‍යාවට අදාළ පොත් තියෙන්නේ, ඊට පහළ තට්ටුවේ U.F O සම්බන්ධ පොත් ."

පුස්තකාල පාලිකාව මෙලෙස රාක්කයේ ඇති පොත් පිළිබඳව ජොෂ් හට කරුණු දක්වන විට දී ජොෂුවා ,තමාට වඩා දස ගුණයක් පමණ උසැති රාක්කය දෙසට ඔහුගේ හිස ඔසවමින් බලන්නට වූයේ තම දෙතොල් ඉංග්‍රීසි හෝඩියේ 'O' අක්ෂරයේ හැඩයට සාදා ගනිමින් ය .😮😮😮

 "දැන් හරිනේ ළමයො! දැන් ඉතින් ඔයාට කැමති පොතක් රාක්කෙට නැගලා තෝරගන්න තියෙන්නේ. "

 "රාක්කෙට නැගලා පොතක් තෝරගන්න;

ඒත් මිස් , මං කොහොමද මේ රාක්කෙට නැගලා පොතක් තෝර ගන්නේ,මිස් හිතුවද මේ රාක්කෙට නගින්න මං ස්පයිඩර් මෑන් කියලා."

 "අනේ අනේ මෝඩ කොල්ලො!  මං කිව්වේ රාක්කෙට කකුල් තියලා නගින්න කියලා නෙමෙයි; ඒකට තමයි ඔය පුස්තකාලෙ තැනින් තැන ලොකු ඉනිමං තියලා තියෙන්නෙ."

යැයි පාලිකාව පවසන්නට වූයේ අතේ අල්ල තම නළල මත තබා ගනිමින් ය.

"  ඒක නෙමෙයි කුමාරිකාව ඔයාට ඉනිමගට නැගලා පොත් ටික තනියම ගන්න පුලුවන්නෙ, නැත්තං මමම  නැගලා ඔයාට පොත් ටික අරන් දෙන්න ද ?.

යනුවෙන් මෙලෙස නැවතත් පුස්තකාල පාලිකාව ජොෂ්ගෙන්  විමසන්නට වූයේ ජොෂ් හට සමච්චල් කරමින් ය.

Joshua' s pov :-

" ඔයාට තනියම ඉනිමගට දැකලා පොත් ටික ගන්න පුළුවන්ද ?. නැත්නම් මං නැගලා අරන් දෙන්න ද ?."

( කට  ඇද කරමින්)

  අනේ මන්දා මිස් පැටින්සන් හිතන් ඉන්නේ මම පොඩි එකෙක් කියලා ද දන්නෑ, මේ ඉනිමකට වත් නැග ගන්න බැරි. 😑

හරි, මං මීට කලින් ඉණි මගකට  නැගලා නම්  නෑ තමයි .ඒත් ඉතිං..... ඉනිමගට නගින එක එච්චර අමාරු දෙයක් නෙමෙයි නේ.

මිස් තව ටිකක් වෙලා මෙතන හිටිය නං මට පෙන්නන්න තිබ්බා, ජොෂුවා ඇන්ඩර්සන් කියන්නේ අයන් මෑන් වගෙ කොල්ලෙක් බව .😏😏

.

.

.

.

හොදයි එහෙනම් අපි තවත් ප්‍රමාද නොකර ම 'mission ladder ' ක්‍රියාත්මක කරමු.

---------------------------------------------------------------------------------------------------------------

ජොෂුවා කෙමෙන් කෙමෙන් ඉනිමග නගමින් තමාට අවැසි රාක්කය කරා ළඟා වන්නට වුවේය .

එසේ නගින අතර තුරදී ඔහු තමා හටම මෙසේ පවසා ගත්තේ ය.

" බලන් යද්දී ඉනිමකට නගින වැඩෙත් කජු කනවා වගේ ලේසියි නේ. 

කෝ බලමු ..... 

මට අවශ්‍ය තාරකා විද්‍යා පොත් කොහෙද තියෙන්නෙ කියලා..

ආ! මේ තියෙන්නේ..

   'Space odyssey, Universal in nut shell, 2001.' "

මෙවැනි තාරකා විද්‍යාව සම්බන්ධ පොත් රාශියක් පසු කරමින් ගිය ජොෂ් ගේ නෙත එක වරම ගොස් නතර වූයේ..

' The Report on Unidentified  Flying Objects'

යනුවෙන් ලොකු අකුරින් සඳහන් කර තිබූ විශාල පොතක් වෙතටය.

" U.F.O .. ඒ කියන්නේ.. ?."

" අපි බලමු මේ පොතේ මොනවද කියලා තියෙන්නෙ කියලා."

යනුවෙන් ඔහු තමාටම මුමුණා ගනිමින් එම පොත පිටුවෙන් පිටුවට පෙරළන්නට විය.

මෙවර ඔහුගේ නෙත නතර වූයේ  'නාසා ආයතනය හා ඔවුන්ගේ පිටසකවල රහස්' යනුවෙන්
සදහන් කර ඇති ශිර්ෂ පාඨයක් වෙතටය.

පසුව ඔහු හට තමා පුස්තකාලෙට පැමිණි සැබෑ කාරණාවද අමතකව යාමට වූයේ.. මෙම පිටසක්වළ ජීවීන් ගැන ඇති ග්‍රන්ථය කෙරෙහි ඔහුගේ සිත ඇදී ගිය බැවිනි.

" මේ පොතේ තියෙන විදිහට නම් පිටසක්වල ජීවීන් කියන්නේ.. ඔළුව ගොඩක් ලොකු ,ගොඩක් උස අය වගේම, සමහර පිටසක්වල ජීවීන් ගොඩක් මිටි, හරියට අගුටු මිට්ටෝ වගේ අය කියලයි .

ඒත් මේ ඔක්කොම මිනිස්සු මවාගත්ත මනස්ගාත, මොකද තවම කිසිම කෙනෙක් පිටසකවල  ජීවීන්ව තමන්ගේ ඇහැට වත් දැකල නෑනේ .

ඉතිං කොහොමද මීනිස්සු මේ විදිහට මෙයාලා මේ විදිහයි , අර විදිහයි කියලා හරියටම කියන්නේ. සමහර විට පිටසකවල ජීවීන් මේ අපි වගේ පෙනුම තියෙන අය වෙන්නත් පුළුවන් නේ."

ජොෂුවා මෙලෙස තම මනස සමග ගැටුමක නිරත වන අතරතුර දී ඔහුගේ සමබරතාව එකවරම ගිලිහී, ඔහු ඉනි මඟින් පහලට වැටෙන්නට වූයේ රාක්ක වල ඇති පොත් සමූහයක් ද සමගිනි.

" අනේ දෙවියනේ මේ මොකද වුනේ , අයියෝ මගෙ කොන්ද .."

පුස්තකාලයේ සිදුවූ මේ හදිසි කාලගෝට්ටිය නිසා පුස්තකාල පාලිකාවද , එතුළ සිටි පාඨකයින්  ඇතුළු සියලු දෙනාමද ජොෂුවා අසලට දිව එන්නට වූවෝය.

රැස්ව සිටි සියලු දෙනාගේ අවධානය තමා වෙත යොමුව ඇති හෙයින් ජොෂ්ගේ මුහුණ ඉබේම  ජම්බු ගෙඩියක් මෙන් රත් පැහැ ගැන්වෙන්නට වූයේ සිදු වූ  දේ නිසා තමා හට ඇති වූ ලජ්ජාව හේතුවෙනි.

මෙලෙස පොත් සාගරයක ගිලෙමින් සිටි ජොෂ්  අසල පොත් රැසක් දසත විහිදී තිබුණු අතර එක් පොතක් පමණක් විවෘත වී ඔහුගේ හිස මතට වැටී තිබෙන්නට වූයේ..   ඔහු නවතම මෝස්තරයේ හිස්වැසුමක් පැළඳ සිටින අයුරකින් මෙනි.

තම හිස මතට වැටී තිබූ පොත අතට රැගෙන බලන්නට වූ ජොෂුවා හට එක්වරම දැක ගත හැකි වූයේ එය තමා විසින් මෙතෙක් වෙලා  සෙවීමෙහි නිරත වූ ද , තමා මේ අයුරින් පුස්තකාලයට පැමිණීමට ප්‍රධාන හේතුව වූද,

ස්ටීවන් හෝකින්ග්ස්ගේ

' A Brief History of Time '

නැමැති ග්‍රන්ථයයි.

"හ්හ! අන්තිමේදී මට ඔයාව හම්බ වුණා .මේ බවක් කලින් දන්නවනම් මට ඉනිමගට නගින්නෙ නැතුව මේ රාක්කේ බිමට පෙරළන්න තිබුනා . 😂

එවිට එකවරම ජොෂුවාගේ සිතුවිලි වලට බාධා කරමින් මිස් පැටින්සන් ඔහු හට මෙලෙස බැන වදින්නට වූවාය.

"අයියෝ!.. මේ ළමයාව මං දැක්ක වෙලාවෙම හිතුවා , මෙයා නම් මහ නසරානියෙක් වෙන්නම ඇති  කියලා. අන්තිමේදි ඔය කළේ වැඩක් .

හරි හරි අවශ්‍ය පොත දැන් ලැබුනනේ. දැන්ම යනවා යන්න මෙතනින් .ආයෙමත් මගේ ඇස්දෙකට පෙනෙන්නවත් එන්න එපා."

---------------------------------------------------------------------------------------------------------------

පාසල නිම වී  නිවසට යාමට පෙර, ජොෂුවා යන්නට සැරිසුනේ.. තමා පොරොන්දු වූ පරිදිම ඔස්බර්ට්ගේ නිවස වෙතය.

 එලෙස ඔස්බර්ට්ගේ නිවසට පැමිණි ජොෂ්, නිවසේ කිසිවෙකු පැමිණ දොර විවෘත කරන තුරු දිගින් දිගටම සීනුව නාද කරන්නට වූවේය.

මිනිත්තු කිහිපයකට පසු නිවසේ දොර විවෘත කරන්නට වූයේ ඔස්බර්ට්ගේ නිවසේ සේවකයා වූ නීග්‍රෝ ජාතික තරුණයෙකු වන ෆ්ලොයිඩ් විසිනි

"හෙලෝ ! කොහොමද ෆ්ලොයිඩ් ,සුභ සන්ධ්‍යාවක් ඔයාට "

මෙලෙස සුන්දර සිනාවකින් ජොෂ් ෆ්ලොයිඩ් හට සුභ පැතුව ද , ඊට ෆ්ලොයිඩ්ගෙන් ලැබුණු ප්‍රතිචාරය නම් හාත්පසින්ම වෙනස් එකක්  විය .

ජොෂුවාගේ ආචාරශීලී වදන් වලට ප්‍රතිචාර නොදැක්වූ නිවසේ සේවකයා ජොෂ් හට, නිවස ඇතුලට පැමිනෙන මෙන් අතින් සංඥා කර, ඔහුද නිවෙස තුළට යන්නට වූයේ ඔස්බර්ට් හට ජොෂුවා පැමිණි බවට දැනුම් දීමටය .

පසුව මද වෙලාවකින් ජොෂුවා අසලට  ඔස්බර්ට් පැමිණෙන්නට වූයේ.. සාමාන්‍ය ප්‍රමාණයේ කාඩ්බෝඩ් පෙට්ටියක් ද  තම ඔඩොක්කුව මත තබා ගනිමින්මය.

" කොහොමද මගේ මල්ලි.  මං මේ ඔයා එනකල්මයි මග බලාගෙන හිටියේ."

" මම නම් හොඳින්. ඒත්.. මේ.. ෆ්ලොයිඩ් නම් මං මෙහාට එනවට එච්චරද කැමති නෑ වගේ  මං හිතන්නේ.

 මට හිතෙන්නේ එයාට මා එක්ක ඊරිසියයි. මොකද මං මෙහෙ එන්න කලින් එයානෙ අයියාට ගොඩක්ම ලගින් හිටිය කෙනා. "

"මං හිතන්නේ .. ඔයා ඔහොම කියන්න හේතුව..  ෆ්ලොයිඩ් ඔයා එක්ක කතා නොකළ නිසා වෙන්න ඇති, එහෙම නේද?. 

ඇත්තටම ජොෂ්, එයා ඔයා එක්ක කතා නොකළේ.. ඔයා එක හේතුවක් නිසාවත් නෙමෙයි. 

එයා ඔයා එක්ක කතා නොකරන්න හේතුව.. එයාට අපිට වගේ කතා කරන්න බෑ."

"මොනවා! ෆ්ලොයිඩ්ට කතා කරන්න බෑ. ඒ කියන්නේ .. එයා උපතින්ම ගොළුයි කියන එකද?."

" නෑ ජොෂ් , ෆ්ලොයිඩ් උපතින්ම ගොළු කෙනෙක් නෙමෙයි. ඇත්තටම ඒක හුගක් දිග කතාවක්. ඊට කලින් ;  ඇයි මේ තාමත් හිටගෙන ඉන්නෙ ? . මෙතැනින් ඇවිත් වාඩි වෙලා ඉන්නකො. 

 ඇත්තටම කිව්වොත් ෆ්ලොයිඩ්ට කතා කරන්න බැරි .. එයාට දිවක් නැති නිසා."

" මොකක් ද ඒ කතාවේ තේරුම ?. ඒත් .. එහෙම වෙන්නෙ කොහොමද?.  මං අනන්තවත් මිනිස්සු දැකලා තියෙනවා ඇස් අහිමි වෙච්ච, කන් අහිමි  වෙච්ච,දෙපා නැති වෙච්ච.   ඒත්.. මනුස්සයෙක්ට දිවක් නෑ කියන එක.. වෙන්න පුළුවන් දෙයක් ද ?."

         🛸🛸TO BE CONTINUE 🛸🛸

කොහොමද යාළුවනේ ඔන්න මං 20 වෙනි Chapter එකත් update කළා.