Alpha - chapter 14

 

හෘද සාක්ෂිය

එකවරම, යමකු නිවසක දොරක් අරිමින්, නිවසේ හිමිකරුවාවද බියට පත් කරමින් කලබලයෙන් මෙන් එම නිවසට ඇතුළු වන්නට විය.

" අනේ! බලන්නකෝ කවුද කියලා මේ ඇවිත් තියෙන්නේ."

" 'ෆ්‍රැන්සිස් ඇන්ඩර්සන්',   කොහොමද ඉතින් සහෝදරයා. ගොඩ කාලෙකින් දැක්කෙත්, මං හිතන්නේ දැන් අවුරුදු විස්සකටත් වැඩි අපි අන්තිමට මුණගැහිලා."

එවිට ෆ්‍රැන්සිස් කෝපයෙන් එම පුද්ගලයා වෙත කඩාපනිමින් ඔහුගේ කමිසයේ කොලරයෙන් තදින් අල්ලා මෙසේ පැවසීය.

" මට තමුසෙට අයේ කියන්න ඉඩ තියන්න එපා, කරුණාකරලා .. මගේ පුතා ගෙන ඈත් වෙලා ඉන්නවා."

එවිට අනෙක් පුද්ගලයා,

" හෝව්!...හෝව්!... සන්සුන් වෙන්න මිත්‍රයා , මේ මොකද මේ."
යනුවෙන් ෆ්‍රැන්සිස්ගෙන් විමසූයේ, ෆ්‍රැන්සිස්ගේ අත් තම කමිසයෙන් ඉවත් කර ගන්නා ගමන්ම ය .

"මොකද මේ කේන්තියෙන්. අපි කතා කරන්න තියෙන දෙයක් තේ එකක් බොන ගමන් ම කතා කරමුකෝ."

" මම මෙහෙ ආවේ තමුසෙ එක්ක සුහද පිළිසදරක යෙදෙන්න නෙමෙයි මිනිහෝ !....

මං තමුසෙට නොකිව්වයි කියලා කියන්න එපා. කරුණාකරලා තමුන් මගේ පුතා ගෙන් ඈත් වෙලා ඉන්නවා."

"මොකද මේ, ලෝකෙ පුරා ගිහින් මිනිස්සුන්ට ආගම ගැන විවිධ දේශනා පවත්වන ලෝක ප්‍රසිද්ධ ෆ්‍රැන්සිස් ඇන්ඩර්සන් දේවගැතිතුමා, අද මේ මගේ ඉස්සර,මගේ පුතාගෙන් ඈත් වෙලා ඉන්න කිය කිය එකම දේ දොඩවන්නේ. "
  යනුවෙන් එම පුද්ගලයා පැවසුවේ දේව ගැතිවරයා හට සරදම් සිනාවක් හෙලමින්‍ ය.

" අනිත් එක දේවගැතිතුමා ....,මේ මොනවා කියවනවද කියලා මට හරියට තේරෙන්නේ නෑ ."

"නිකං බබෙක් වෙන්න හදන්න එපා ජේසන් .  මම දන්නවා ,තමුසෙ උදේ හවස මගේ පුතා පස්සෙන් යන බව."

" වාව්!.. සහෝදරයා, නියමයිනෙ, ඔයාට තියෙන්නෙත් මාර ඉවක්නේ , මෙච්චර ඉක්මනට ඔයා ඒකත් හොයා ගත්තද ?."
යනුවෙන් අත්පුඩි ගසමින් ජේසන් පැවසීය.

ජොෂුවා ඇන්ඩර්සන්.  ඕන මනුස්සයෙක්ට දුර ඉඳන් වුණත් කියන්න පුළුවන් ඒ.. ෆ්‍රැන්සිස් ඇන්ඩර්සන් දේවගැතිතුමාගේ පුතා කියලා.  එහෙම නේද?.

 මිනිහා ඇරපු අතක් නෑරම තමුන්ගේ කපාපු පළුවමයි,  ඒ වගේම බුද්ධිමත් කමත් ඒ වගේම ඇති කියලා මං හිතනවා.

 ඒත් දේවගැතිතුමා .......,තමුන්ට එක දෙයක් මේ පාර වැරදුනා. මං තමුසෙගෙ පුතාගෙන් ඈත් වෙන්න; තාම මං එයාට හරියට ලං වුනේවත් නෑනේ."

එවර දේවගැතිතුමාගේ කෝපය ඇවිලී ගොස් ,ජේසන් හට මුෂ්ඨි ප්‍රහාරයක් එල්ල කරන්නට වූයේ  ජේසන්ගේ ශරීරයේ සමබරතාවය හරිහැටි පාලනය කර ගැනීමට නොහැකිව ඔහු බිම ඇද වැටෙන අයුරින් ය.

එලෙස බිම ඉන්ද වී සිටි අයුරින්ම නැවතත් ජේසන්, ෆ්‍රැන්සිස් හට මෙසේ පවසන්නට වූවේය.

"තමුන්ට බොහොම ඉක්මනට කේන්ති යනවා නේද?. සමහරවිට ජෙසී වෙන කෙනෙක්ව නැතුව තමුන්වම කසාද බඳින්න ඇත්තෙත්... මේ කේන්තියයි, දුර දක්නා නුවණයි නිසා වෙන්න ඇති. එහෙම නේද?."

එවිට ෆ්‍රැන්සිස් බිම වැටී සිටි ජේසන්ගේ කමිසයේ කොලරයෙන් නැවතත් තදින් අල්ලා ගනිමින්, ඔහුව හිට ගස්සවා

"ආයෙ කවදාවත්ම, ඔය ජරා කටින් මගේ වයිෆ්ගෙ නම කියන්න හිතන්නවත් එපා ,තමුන්ට තේරුණාද?.

ඒ වගේම තව දෙයක් ජේසන් ,  මට තමුන්ගේ පිස්සු වැඩ වලට මගේ වයිෆ්ව ගාවගන්න එක සමහර විට නතර කරන්න බැරි වෙන්න ඇති , ඒත් ඒවට මගේ පුතාව ගාව ගන්නකම් මං බලන් ඉදී කියලා නම් තමුසෙ හිතන්න එපා.

එදා රෑ අනතුර වුන විදිහ මට හරියට මතක නෑ වුණත් ,මම දන්නවා මේකට තමුන්ගේ මොකක්ම හරි සම්බන්ධයක් තියෙනවා කියලා.ඒකනෙ තමුන් ජෙසිකාගේ මළගමටවත් ආවෙ නැත්තෙ."

" දැන් එතකොට තමුසෙ කියන්නේ මම ජේසීව මරාගත්ත කියලද ?, හොඳයි එහෙනම් මං එයාව මරා ගත්ත නම්... තමුසෙ තමයි ජේසීගේ ජීවිතේ අපායක් කළේ ෆ්‍රැන්සිස් ඇන්ඩර්සන්.  ඔහේව කසාද බැදපු නිසා තමයි එයාට එයාගේ ලොකුම හීනෙනුත් ඈත් වෙන්න සිද්ද වුනේ. ඒ වගේම මාරයාට බිලි වෙන්න වුනෙත්.

ඒ නිසා මං විතරක් නෙමෙයි, තමුනුත් එයාගේ මරණෙට වගකියන්න ඕන , මං හිතන්නේ තමුන්ගේ හෘදසාක්ෂියත් ඒක තමුන්ට වඩා හොඳට දන්නවා. ඒකනෙ තමුනුත් ජෙසිකාගේ මළගමින් පස්සේ    සොහොනේ පස් පාගන්නවත් ගියේ නැත්තේ. "

ජේසන්ගේ මෙම වචන නිසා ෆ්‍රැන්සිස් ඇන්ඩර්සන් කෝපයෙන් රත් පැහැ ගැන් වී තිබුණත් , ඒ වන විට ඔහුට තම නිදහසට කරුනු කියා පෑමටවත් තව දුරටත් ශක්තියක් නොවුයේය.

එබැවින් ඔහු තවත් එතන නොඉද එම නිවස හැරදා යෑමට සැරසුණේය .

"මේ ටිකත් අහලම යනවා ඇන්ඩර්සන් , කෙනෙක්ගෙ දෛවයේ මොකක්ම හරි දෙයක් ලියවිලා තියෙනවා නම් ,ඒක නවත්තන්න ඔහෙට තියා ඔහේ අදහන දෙවියන්ට වත් බෑ.

ඒ වගේම ඔහේ හිතනවා නම් ජොෂුවාගේ අනාගතය ගැන තීරණය කරන්න මට අයිතියක් නෑ කියලා, ඒක වැරදියි. ඒකට මටත් පොඩි හරි අයිතියක් තියෙනවා, මොකද මං එයාගෙ අම්මාගේ.....

යැයි ජේසන් , දේවගැතිවරයා එම නිවසින් පිටත්වීමට පෙර ඔහුට ඇසෙන්නට හඬනගා පැවසුවත්,    ෆ්‍රැන්සිස් නිවසින් පිටත්ව ගියේ හයියෙන් දොර වසාගෙන බැවින්, ජේසන්ගෙ වාක්‍යයේ අවසාන හරිය ඔහු හට හරිහැටි නොඇසුණේය.

---------------------------------------------------------------------------------------------------------

ජොෂුවා වැඩි වේලාවක් නානකාමරේ වතුර මල යට ගත කළ හෙයින්, ඔහු නාන කාමරයෙන් පිටතට පැමිණියේ සීතලේ ගැහෙමින් ය.

තෙතබරිත වූ නිල ඇඳුම් ඉක්මනින් ගලවා දමමින් ඔහු නිවසට අදින ඇදුම් ඇඟලා ගත්තේ ඊට උඩින් හුඩිය සහිත පිටතට අඳින ජැකට්ටුවද ඇදීමට සූදානමිනි . ඒ තම මනස සැහැල්ලු කර ගැනීම සඳහා නිවසින් පිටතට යාමේ අරමුණින් ය .

ඔහු නිවසින් එළියට අඩිය තැබීමට පෙර නැනී හට,  තමා නිවසින් මදක් බැහැරට යන බව පැවසීමට ද  අමතක නොකළේය.

මැගී ද ඔහු පැවසූ දෙයට වඩා යමක් ඔහුගෙන් නොඇසීමට ඉටා ගත්තේ.. මන්ද යත් ,මඳකට පෙර පිය පුතු අතර ඇති වූ ගැටුම ඇය හට මනාව සවන් වැකී තිබුනු හෙයිනි.

නමුත් ඇය එම රණ්ඩුවට මැදිහත්වීමට නොගියේ, පිය පුතු සටනකට මැදිවීම තමා වැනි සේවිකාවකට අනවශ්‍ය බව හොදින් දන්නා නිසාය .

එසේම මෙම සටනට මැදි වීමෙන් තමා හට ද හිමි වනුයේ ඉතා යහපත් ප්‍රතිචාරයක් නොවන බව ඇය මැනවින් දැන සිටියාය .

හදිසියේ හෝ ඇය මෙම ගැටුමට මැදිහත් වුවහොත් තමාට ද තමා දීර්ඝ කාලයක් සේවය කළ ස්ථානය හැර යාමට සිදුවනවා මෙන්ම ජොෂුවා හට ද පිළිසරණට කියා මෙලොව සිටි එකම පුද්ගලයා ද අහිමි වී යන බව නියත ය.

-----------------------------------------------------------------------------------------------------------

නිවසින් බැහැරව පිටතට පැමිණිය ද ජොෂුවා හට තම සිත සන්සුන් කර ගැනීම සඳහා තමා සමඟ කතා කිරීමටවත් පිටත ලෝකය තුළ කිසිවකු සිටියේ නැත.

එමෙන්ම තමාගේම කියා සමීප මිතුරු ඇසුරක්වත් ඔහු හට නොතිබුණේය.

  කඳුළු නිසා ඉදිමුනු ඇස් අනෙකාගේ නෙත නොගැටෙන ලෙසට, ඔහු තමා හැඳ සිටි කබායේ හුඩියෙන් මුහුණ ආවරණය කරගනිමින් පාරේ තනිවම ඇවිද යන්නට වුවේය.

නමුත් තමා කොතෙක් දුර පාරේ ගමන් කළ යුතුද?, කොතනක නතර විය යුතුද?, යන්න පිළිබදව  ඔහු හට කිසිදු වැටහීමක් නොවුවේය.

පසුව මද වේලාවකින් එකවරම ඔහුගේ සිහියට නැගුණේ, නිවසට මදක් දුරින් ඇති වසා දමන ලද පරණ ළමා උද්‍යානයයි .

එය මීට වසර ගණනාවකට පෙර සිටම වසා දැමූ ස්ථානයක් වූ බැවින් කිසිවෙකුගේ අවධානයට හසු නොවන පරිදි, එහි තමාට කාලය ගත කළ හැකි බවට ජොෂුවාට හැගෙන්නට විය.

එබැවින් ඔහු වසා දැමූ පරණ ළමා උද්‍යානයදෙසට පිය මැන්නේය.

එම උද්‍යානය වෙත යා යුතු වූයේ පාරේ කෙළවරක වූ විශාල බංගලාවක් පසු කරමින් ය.🏰🏰🏰

කොතරම් විශාල අලංකාර බංගලාවක් වුවත් එවෙත එක වරක් හෝ නෙත් නොයවමින් බිම බලාගෙනම ඔහු පාරේ ගමන් කරන්නට වූවේය.

එලෙස ගමන් කළ ඔහුගේ හිසට එකවරම යමක් එල්ල වුනාක් මෙන් ඔහුට දැනුණු බැවින්, තමාගේ ඔලුව මතට ඒ වැටුණු වස්තුව කුමක්දැයි දැන ගැනීම පිනිස ඔහු වටපිට බලන්නට විය.

එවිට ඔහු හට දැකගත හැකි වූයේ කුඩා රබර් බෝලයකි.🏐🏐

ඔහු එම රබර් බෝලය විසිවූ බංගලාවේ උඩ තට්ටුව දෙස නෙත් යොමන්නට වූයේ තමා හට මෙම ප්‍රහාරය එල්ල කළේ කවුදැයි හරිහැටි දැන ගැනීමටය.  නමුත් ඔහු එදෙස බලන විටදී එහි කවුරුත් පෙනෙන්නට නොසිටි බැවින්, ඔහු යළිත් තම ගමන අරඹමින්  ඉදිරියට ඇදෙන්නට විය.

අවසානයේදී ඔහු ගොස් අතර වූයේ, පරණ ළමා උද්‍යානය ඉදිරිපස ය.

ළමා උද්‍යානයේ  මල බැඳුණු ගේට්ටුව විවර කරමින් ජොෂ් ,  උද්‍යානයට ඇතුළු වන්නට විය.

පසුව ඔහු පරණ ඔන්චිල්ලාවක් උඩින් වාඩි වන්නට වුවේය.

මෙලෙස ටික වෙලාවක් ඔන්චිල්ලාවට වී තමාගේ ම කල්පනාවක වෙලී සිටි ජොෂ්, යලිත් පියවි සිහියට පැමිණියේ ,අහසින් වැටෙන කුඩා පිනි කුඩු තමා ගේ මූණට පතිත වනවාත් සමගය.🌦️🌦️

ඒ වන විටත් අවට පරිසරය කළුවර වී ගොස් තිබෙන අයුරු ඔහු හට දැක ගත හැකි විය .🌅🌅

පසුව වර්ෂාව තමා ග්‍රහණය කර ගැනීමට ප්‍රථමයෙන් නිවස කරා නැවත යා යුතු බව වටහා ගත් ජොෂුවා ළමා උද්‍යානයෙන් පිටතට පැමිණියේය .

.

.

.

.

නැවතත් ඔහු කලින් ගමන් කළ පාරේම ගමන් කරන්නට විය.

මෙවරත් ඔහු හට නිවස කරා යාමට සිදු වූයේ, කලින් සඳහන් කළ විශාල බංගලාවද පසු කරමින්මය .

එම බංගලාව අසලින් ගමන් කළ ඔහුගේ හිසට නැවත වරක්, පෙර මෙන්ම රබර් බෝල ප්‍රහාරයක් එල්ල වන්නට වූවේය.

නමුත් මෙවර නම් එය කලින් වරට වඩා මදක් විශාල රබර් බෝලයක් වූ නිසා, ජොෂුවා හට කේන්ති යන්නට වූයේ.. බෝලය වැදීමෙන් තම හිසට දැනුණු දැඩි වේදනාව නිසාය.

බෝල පහර එල්ල කළ තැනැත්තාට හිතින් දොස් පවරමින් ජොෂ්  බංගලාවේ උඩු මහල වෙත නෙත් යොමන්නට විය.👀 👀 

නමුත් මෙවර ඔහු දුටු දෙයින් ඔහු මදක් මවිතයට පත්විය .

          🛸TO BE CONTINUE 🛸🛸🛸

plz do not forget to comment🙏💗