Alpha - chapter 30

එකා සැමටත් සැම එකාටත්

" මෙයලා මට විහිළු කරනවවත්ද ?,  නැත්නම් මගේ පෙනීමේ දෝෂයක් ද ?."

"මෙයා .. මෙයා කොහොමද ඇස්ට්‍රො ක්ලබ් එකේ අලුත් සභාපති වෙන්නේ , අනිත් එක.. රෝවන්     කිව්ව ගතිගුණවලින් එකක්වත් මෙයාට ඇති කියලා මම නම් හිතන්නේ නෑ." 🤨🤨

තමා මේ දකින දෙයින් මවිතයට පත්වී සිටින ජොෂුවා මෙලෙස තම සිතුවිලි සමඟම වාද කරන්නට වූවේය.

 " රෝවන් , ඔයාලා මට විහිළු කරනවා නේද?. මෙ.. මෙයා අලුත් සභාපති; ඒක නම් කොහොමවත්ම වෙන්න බෑ ."

 " ඔව්  Alpha ,  එයා තමයි අපි කියපු කෙනා , අවුරුදු ගණනාවක් පුරාවට පාසලේ හොඳම ශිෂ්‍යයා වෙච්ච අයුමි යමමොතො තමයි මේ."

---------------------------------------------------------------------------------------------------------------

Joshua' s pov :

" මොකක් කිව්වා, අයුමි යමමොතො ."

මුලදී මං එයාව දැක්ක ගමන් නම් මට හිතුනේ මෙයා නම් අයුමි සං වෙන්න ඇති කියලා.

ඒත් පස්සේ මං හිතුවා ඒක මගේ හිතේ ඇතිවුණු සැකයක් විතරයි .
මේ එයා වගේ වෙන කෙනෙක් වෙන්න ඇති කියලා .

ඒත් ඉතිං රෝවන් දැන් මේ  කියපු දෙයින් මගේ සැකය තවත් තහවුරු වුණා.

මේ එයාම තමයි ,  මං මේ ඉස්කෝලෙට ආපු මුල්ම දවසෙ කබල් බයිසිකලයක් එක්ක පිස්සු නටපු අයුමි යමමොතො , එයාම තමයි මේ දැන් මගේ ඉස්සරහ භූතයෙක් වගේ හිටගෙන ඉන්නේ.

ඒත් එදා.. මට මුණගැහුණු කෙනායි,  අද මේ ඉන්න කෙනයි සම්පූර්ණයෙන්ම දෙන්නෙක්.

  එකම  කාසියේ පැති දෙකක් තියෙනවා වගේ අයුමි යමමොතෝ කියන්නෙත්, වෙලාවකට පිස්සු කතා කිය කිය රතු වෙනකම් හිනාවෙන ,ඒ වගේම තවත් වෙලාවකට බොහොම බැරෑරුම් විදිහට ඉන්න කෙනෙක් .

කොටින්ම කිව්වොත් කෙනෙකුට ලේසියෙන්ම තේරුම් ගන්න අපහසු විදිහේ හරිම සංකීර්ණ චරිතයක් .

සමහර විට අනිත් අයට මුලින්ම මුණ ගැහෙන්න ඇත්තේ බැරෑරුම් පෙනුමක් තියෙන අයුමිව .  ඒත් මට මුලින්ම මුණ ගැහුනේ ඒකේ අනිත් පැත්ත.

ඇත්තටම මේ දෙන්නගෙන් අයුමිගේ නියම ස්වරූපය මොකක් වෙන්න පුළුවන්ද.?

ගැටලු වලින් කෙළවරක් නැති මගේ පුංචි මොළ ගෙඩියට ආපු තවත් එක ප්‍රශ්නයක් තමයි මේක .

---------------------------------------------------------------------------------------------------------------

 " මං ඔයාලට දැන් ටිකකට කලින් කිව්ව, අපේ ක්ලබ් එකේ අලුත් සභාපතිව තමයි මම දැන්  ඔයාලට හඳුන්වලා දෙන්න යන්නෙ."

" මෙන්න මේ මගේ එහා පැත්තේ ඉන්නේ ඒ කෙනා තමයි. ස්ටැන්ටන් විශ්වවිද්‍යාලෙ දෙවෙනි වසරේ ඉගෙන ගන්න අයුමි යමමොතෝ ශිෂ්‍යයයා ."

" මං හිතන්නේ මෙතන ඉන්න ගොඩක් ළමයි මටත් වඩා හොඳට අයුමි සංව දන්නවා . එහෙම නේද අයුමි .?"

 " ඔහු ඒක ඇත්ත සර්, හැබැයි ගොඩක් අය මාව දන්නේ worldwide හැන්සම් කිව්වම තමයි."

මෙලෙස අයුමි තමාගේ සුපුරුදු විහිළු ස්වරූපයෙන්ම, මහාචාර්යවරයා පැවසූ දෙයට පිළිතුරු දෙන්නට වූයේ සිසුන්ගේ මුවට සිනහවක්ද ලබාදෙමින් ය.

---------------------------------------------------------------------------------------------------------------

තාරකා රාත්‍රියේ සියලු ඉදිරි වැඩපිළිවෙළ මෙහෙයවීම මහාචාර්ය වරයා විසින් නව සභාපතිවරයා   වෙත මෙතැන් පටන්  බාර කෙරීය.

" මම දන්න විදිහට, අපේ තාරකා සංගමයේ සාමාජිකයින් තිස්දෙනා අතරින්.. විස්සයි අද මේ වැඩේට සහභාගි වෙලා ඉන්නෙ.

ඉතින් මං හිතනවා ඒ විසි දෙනා; හතර දෙනා බැගින් කණ්ඩායම් පහකට මේ වෙනකොටත්  බෙදිලා ඇති කියලා .

දැන් ඉර බැහැගෙනත් යන නිසා.. අපි එහෙනම් අපි ආපු රාජකාරි පටන් ගමු නේද.?

ඒත් ඉතිං පොඩි ප්‍රශ්නයකට තියෙන්නේ මොනදේ කරන්නත් අපි ළඟ ආලෝක දුරේක්ෂ තුනයි  දැනට තියෙන්නේ .

ඒ කියන්නේ කණ්ඩායම් දෙකකට දෙන්න අපි ළඟ දුරේක්ෂ නෑ කියන එකයි.

ඉතින් මං; සංගමයේ අලුත් සභාපතිවරයා වශයෙන් ඔයාලගෙන් කාරුණිකව ඉල්ලනවා  කණ්ඩායම් අතර ප්‍රශ්න තියාගන්නේ නැතුව, බොහොම සහයෝගයෙන් තියෙන උපකරණ හුවමාරු කරගෙන වැඩේ කරගෙන යන්න කියලා .

 මොකද රටේ අනාගත තාරකා විද්‍යාඥයින් වශයෙන් අපි එකිනෙකා අතර සහයෝගයත් හුඟක් වැදගත්."

අයුමි එසේ පවසමින් වැඩ ආරම්භ කිරීම සදහා අත්පුඩිගැසීය.

 "හරි එහෙනම් ඔයාලා කණ්ඩායම් විදිහට, කූඩාරම් ගහපු තැන් වලට ගිහින් ඔයාලගේ වැඩ පටන් ගන්න."

මමයි ,  මහාචාර්ය ජෝන්ස්සුයි  මාරුවෙන් මාරුවට කණ්ඩායම් වලට ඇවිත් ඔයාලව අධික්ෂණය කරන්නම් .

 ආහ් ! තව දෙයක්. ඔයාලා වැඩ පටන් ගන්න කලින් හැම දෙනාම;  මම මේ කියන වාක්‍ය හඩ නගලා කියන්න.

ඒ වගේම ඒක ගලේ කෙටූ ලියවිල්ලක් වගේ නිතරම හිතේ තියාගන්නත් අමතක කරන්න එපා."

"  එකා සැමටත්,  සැම එකාටත්."

✌

" ඒක නෙමෙයි ඇල්ෆා ඔයාගේ අනාගත බලාපොරොත්තුව කවුරු වෙන්නද ? මම නම් කැමතියි .. නාසා එකට ගිහින් තාරකා විද්‍යාඥයෙක් වෙන්න. එතකොට මට ඇති වෙනකම් තරු ගැන ගැන ඉන්න පුළුවන්නේ." 😁😁

 එතකොට මේ රෝවන්ටයි ඔලිවර්ටයි නම් ඕනේ කවදාහරි අජටාකාශගාමීන් වෙලා හදේ ඇවිදින්නලු.

රෝවන් නම්  දැනටමත් ; ගෙදර මාලු ටැංකිය ඔලුවට දාගෙන ඒක ප්‍රැක්ටිස් කරනවා." 😂😂

ඩෙන්වර් තම අවසාන වාක්‍ය සම්පූර්ණ කරන්නට වූයේ මුවගින් සමච්චල් සිනහවක් ද නගමින්‍ ය.

 " මම..  මම කැමැති.."

ජොෂ් මෙලෙස ඩෙන්වර්  හට පිළිතුරක් ලබාදීමට කල්පනා කළද, ඔහුගේ හිතට කිසිදු අදහසක් නොඒමට හේතුව ; තවමත් ඔහු තම අනාගතය පිළිබඳව සැලසුම් කර නොතිබීමයි.

තාරකා වලට මහත් සේ ඇලුම් කළ නිසා .. පාසලේ තාරකාවිද්‍යා සමාජයේ සාමාජිකයෙකු වුවද, අනාගතයේ දී කිසියම් ක්ෂේත්‍රයකින් ඉදිරියට යා යුත්තේ කෙලෙසද යන්නට තවමත් ඔහු තුල කිසිදු අදහසක් නොවීය.

නව මිතුරන් සිව් දෙනා මෙලෙස තරු බලමින් තම රාජකාරියෙහි නිරත වී සිටින අතරතුර,  අයුමි  ඔවුන් අසලට ඇවිදන් එන්නට වූයේ.. ඔහුට දැන් එළඹ තිබෙන්නේ ජොෂුවාගේ  කණ්ඩායම පිළිබඳ අධීක්ෂණය කිරීමට වූ වාරය නිසාවෙනි .

" කොල්ලනේ.. !  ඔයාලා මේ වෙද්දී  තරු රටා කීයක් විතර නිරීක්ෂණය කළාද ?."

අයුමි ඔවුන්ගෙන් මෙසේ විමසද්දී  කුඩා වලසාගෙ සිට දඩයක්කාරයා දක්වා වූ තරු රටා පිළිබඳව , රෝවන්  ඔහු හට විස්තර කරන්නට වූයේ.. තම පරමාදර්ශී චරිතය ඉදිරියේ , කැපි පෙනීමට ඔහු හට අවැසිව තිබූ හෙයිනි.

" බොහොම හොඳයි රෝවන්,  ඔයා ගොඩක් හොඳට තරු රටා නිරීක්ෂණය කරලා තියෙනවා.

ඒත් ඉතිං ඔයාම වැඩ ඔක්කොම කරන්නෙ නැතුව අනිත් තුන් දෙනාටත් අවස්තාවක් දුන්නා නම් තමයි හොඳ , එහෙම නේද ?.

ආ !.මෙතන තව.. අලුත් යාළුවෙකුත් ඉන්නෙ.

 කොහොමද ජොෂුවා ?,
ඔයාව නැවත දකින්න ලැබීම සතුටක් 

පේන විදිහට නම්.. අපිට එකතු වෙලා ඉස්සරහට තව ගොඩක් වැඩ කරන්න තියෙනවා වගේ."

යනුවෙන් පවසමින් ජොෂ්ගේ  පිටටද තට්ටුවක් දමමින් අයුමි නික්ම යන්නට වූයේ කණ්ඩායමේ සෙස්සන්ටද ප්‍රසන්න සිනහවකින් සංග්‍රහ කරමින් ය .

 " එක නෙමෙයි ජොෂුවා ,  ඔය දෙන්නා.. කලින් ඉඳන්ම අඳුරනවද ?."

ඔලිවර් මෙලෙස එක්වරම ජොෂ්ගෙන් විමසූ පසු ජොෂ් ඔහුට මෙසේ උත්තර දෙන්නට විය.

 " මේ .. මං එයාව එහෙම ලොකුවට අඳුරන්නේ නෑ .   ඒත්  මීට කලින්  එක පාරක් මට එයාව මුණ ගැහිලා තියෙනවා ."

.

.

.

.

.

සංගමයේ සියල්ලෝම මෙලෙස තරු බලමින් නිරීක්ෂණයක යෙදෙමින් ඉන්නා අතරතුර වෙනත් කණ්ඩායමක සිසුවෙකු වූ Jake ,
එකවරම සියල්ලන්ගේම අවධානය බිඳිමින් කෑගසන්නට වූයේ..

"  සර් .. සර් .. අන්න අහසෙ තරුවක් කඩාගෙන වැටෙනවා." යනුවෙනි .

එවිට ජොෂුවා  හට එකවරම තමා අවට පරිසරය වේගයෙන් භ්‍රමණය වෙනවාක් මෙන් දැනෙන්නට වුවේය. 

      

🛸TO BE CONTINUE 🛸🛸

 

Alpha - chapter 29

 

රෝල් මොඩ්ල්

" මම රෝ, එතකොට මේ තමයි ඩෙන්, අනිත් කෙනා ඔලි."

යනුවෙන් පවසමින් උස තරුණයා ජොෂුවා වෙත තම කිරි සුදුවන් දත් දෙපළ පෙන්වමින් සිනාසෙන්නට විය.

 "  රෝ?..
ඒක ඔයාගෙ අම්මා ඔයාට දාපු නමද ?." 

 " අනේ  නෑ නෑ මේ අපේ ඇත්ත නම් නෙමෙයි.  මහාචාර්‍යය තුමා අපිට දුන්න නම් තමයි ඒ.
ඔයා දන්නවනේ ඉතින් එයාගේ හැටි. " 

" මගේ ඇත්තම නම තමයි රෝවන් කෙලී . ඒත් මං කැමතියි මට රෝ කියනවට .
එතකොට තමයි පොඩි ගතියක් තියෙන්නෙ ." 

යනුවෙන්  පවසමින් ඔහු විකාර අයුරින් සිනාසෙන්නට වූයේ අත්ලෙන් මුවද වසා ගනිමින් ය. 

පසුව,

"ඔයාව අදුරගන්න ලැබීමත් සතුටක් ඇල්ෆා."

යනුවෙන් ඔවුන් තිදෙනාම පවසමින් ජොෂුවා හට ආචාර කරන්නට වුවෝය.

ජොෂ් : -" පොඩ්ඩක් ඉන්න. ඔයාලා දැන් මොකක් කියලද මට කතා කළේ?."

රෝ : - " Alpha , ඇයි අපි වැරදියි ද? " 

ජොෂ් : - " නෑ හරි,  ඒත් ඔයාලා කොහොමද..
 දන්නේ , මං කිව්වේ.. ඔයාලා කොහොමද  දන්නේ මට ඇල්ෆා කියනවා කියලා. 🤨🤨

ඔලී: - " ආ.... ඒක සුළු දෙයක්නේ , අපිට professor , ඔයා ගැන නිතරම කියනවා .එයා ඔයාව නිතරම වගේ වර්ණනා කරනවා. මං හිතන්නේ දෙන්නා ගොඩක් කිට්ටුයි වගෙ . ඒවගේම .. ඔයාගේ නියම නම ජොෂුවා ඇන්ඩර්සන්. කියලත් එයා අපිට කියලා තියෙනවා."

Joshua' s pov :-

ඔන්න ඔය විදිහට එයාල එක්ක මං ගොඩක් දේවල් කතා කළා.

පේන විදිහට නම් එයාලා තුන්දෙනා පුංචි කාලෙ ඉඳලම හොඳම යාලුවෝ වගේ.
ඒත් එයාලාගේ වයස් නම් එකිනෙකට වෙනස්. 

  යාළු කමට වයස කොහොමවත්ම බලපාන්නේ නැනේ.

 එතන හිටපු උසම කෙනා ඒ කියන්නේ රෝවන් කෙලීට වයස අවුරුදු විස්සක් වෙනවා.

එයා ස්ටැන්ටන් උසස් පාසලේ අවසාන වසරේ තමයි ඉගෙන ගන්නේ .

අනිත් කෙනා තමයි ඩෙන්වර් හොව්සන්. වයස අවුරුදු දාසයයි.

ඉගෙන ගන්නේ මට වඩා වසර දෙකක් පහල පන්තියක. මිනිහනම් ටිකක් කතා කරන්න හොරයි .
මුලදී මං එයාගෙන් අහපු  හැම ප්‍රශ්නෙකටම වගේ උත්තර දුන්නේ රෝවනුයි, ඔලිවයි.

ඒත් පස්සෙ නම් එයා ටික ටික මාත් එක්ක කතා කරන්න පටන් ගත්තා.

ඔලිවර් නම් කියන්නේ එයා අඳුරන්නෙ නැති අයත් එක්ක කතා කරන්න ටිකක් ලැජ්ජයිලු.

  ඊලගට එයාලාගෙන් තුන් වෙනි කෙනා තමයි ඔලිවර් වයිට් කියන්නේ. එයාලා තුන් දෙනාගෙන්  කොටම, ඒ වගේම වැඩිමල්ම කෙනා. එයාට වයස අවුරුදු විසි එකයි. ඉගෙන ගන්නෙ ස්ටැන්ටන් සරසවියේ  පළමු වසරේ.

  විශේෂම දේ තමයි එයාලගේ හැසිරීමත් හරියට එයාලගේ උස පිළිවෙල වගේමයි.

එක්කෙනෙක් බොහොම වේගෙන් කියවනවා කියවනවා .
අනිත් කෙනා සාමාන්‍යයයයි. කණ්ඩායමේ  බාලයාගෙන්  වචනයක් ගන්නවා කියන එක නම් ඉතින් ඉබ්බාගෙන් පිහාටු ගන්නවටත් වඩා අමාරුයි.

කොහොමහරි කතාවෙන් කතාවෙන් මං එයාලගේ කණ්ඩායමට යන්න කැමැති වුනා.

මුලදි නම් කැමති උනේ මට වෙන යන්නම තැනක් නැති නිසා.
පස්සේ මට තේරුණා මං එයාලට කැමති වේගෙන එනවා කියලා.

---------------------------------------------------------------------------------------------------------------

" ඒක නෙමෙයි  ඔයාලා  දන්නවද..  club එකෙ අලුත් සභාපති  කවුද කියලා"

ජොෂ් මෙසේ විමසන්නට වූයේ කූඩාරම් බැඳීම සඳහා තම සගයන්  හට අත් උදවු සපයන ගමන්ය.

ඔලිවර්:- " හ්ම්.. මම නම් හිතන්නේ .. ඒකට සුදුසු එකම එක්කෙනයි .  එයා තමයි අවුරුදු හතරක් පුරාවට අපේ ඉස්කෝලේ දීප්තිමත්ම ශිෂ්‍යයා වුනෙත්. " 

රෝවන්:- "  ඔව්, ඒ වගේම තමයි රූපය අතිනුත් බුද්ධිය අතිනුයි එයාට සමකරන්න මේ ඉස්කෝලේ වෙන කෙනෙක් ඉඳියි කියලා මම නම් හිතන්නේ  නෑ . ඒවගේම කතා විලාසය ,ගමන් විලාසය ඒ වගේම සංවරකම ඒ හැම අතින්ම එයා ගොඩක් පරීපූර්ණ කෙනෙක් .

ඔයා දන්නවද ජොෂුවා  එයා තමයි මගේ රෝල් මොඩ්ල් වෙන්නෙත් ." 

ඔලිවර් :- " හයියෝ ! තමුන් දැන් ඔය කතාව කීදෙනෙක්ට නම් කියල ඇත්ද.
මාව මුණ ගැහුනු මුල් දවසෙත් ඔයා මට කිව්වේ මායි ඔයාගෙ රෝල්  මොඩ්ල් කියලා."

රොවන් :- " හරි ඉතිං ඒක කාලෙන් කාලෙට වෙනස් වෙන්න පුළුවන් නේ . කවුද දන්නේ ඉස්සරහට ඒ....ජොෂුවා  හරි ඩෙන්වර් හරි , නැත්නම් වෙන කෙනෙක් වෙන්නත් බැරි නෑ."

මෙලෙස රෝවන්  සහ ඔලිවර්  සුපුරුදු පරිදි ඔවුන්ගේ වාද විවාදයන්හි යෙදී සිටින විටදි , ඔවුන්ට  බාධා කරමින් ඩෙන්වර්

" අන්න;  එයා එනවා."

යනුවෙන් පවසමින් තම මිතුරන්ගේ අවධානය වෙනත් දිශාවක් වෙත යොමු කරවීය.

ජොෂ් :- " මොකක්, ඒක වෙන්නෙ කොහොමද?. 

ම් ම්මෙ .. මෙයා , මෙයා මොකද මෙහෙ කරන්නේ."

 බැරිවෙලාවත්.. මෙයාද අලුත් සභාපති   ?."

        

🛸 TO BE CONTINUE 🛸🛸