Alpha - chapter 24

 

බලු භාෂාව

 " මොකක්ද ඇත්තටම මෙතන සිද්ධ වෙන්නේ ජොෂ්?.  කොහොමද මේ බලු පැටියා ඔයාගේ කාමරේට ආවේ. "

මැගී මෙලෙස මඳක් උස් හඬින් ජොෂ්ගෙන් විමසන්නට වූයේ , තම  අත් දෙක එකට බැද ගනිමින් ඇහි බැම ද මඳක් ඉහළට ඔසවමින්‍ ය.

එවිට ඇදෙහි වාඩි වී සිටි ජොෂුවා , මැගීගේ පැණයට පිලිතුරු නොදී ඇයගේ ඇස් මඟ හරින්නට උත්සාහ කරමින් බිම බලාගෙනම සිටින්නට විය.

"ජොෂුවා! ,මං මේ ඔයාටයි කතා කරන්නේ,  කොහෙන්ද මේ බලු පැටියා?."

එවිට ජොෂ් තමා සිටි අයුරින්ම හිඳ මෙලෙස පිළිතුරු දෙන්නට විය.

" නැ.. නැ.. නැනී මේ.. බලු පැටියා.. තමයි..
ඔස්බර්ට්ගෙන් මට ලැබුණු උපන් දින තෑග්ග."

 " එතකොට දැන් ඔයා කිව්වේ එයා ඔයාට දුන්නෙ පොතක් කියලා . එතකොට ඔයා මට ඒ කිව්වේ බොරුවක්ද?,  ඒ කියන්නෙ ඔයා මෙච්චර වෙලාවක් මේ බලු කුක්කව කාමරේ අස්සේ හංගන් හිටියද ?."

එවිට ජොෂුවා මැගී ඇසූ පැනයට පිළිතුර ප්‍රත්‍යක්ෂ කිරීමට මෙන් සිරස් අතට තම හිස සලන්නට වීය.

"ඇයි ඔයා මගෙන් මේ දේවල් හැංගුවෙ ,මං හිතන් හිටියෙ ඔයා .. ඔයාගෙ ජීවිතේ හැම දෙයක්ම මාත් එක්ක බෙදාගන්නවයි කියලා.

 ඒ කියන්නේ ඔයාට මං ගැන පොඩ්ඩක්වත් විශ්වාස නෑ , එහෙම නේද?."

 "අනේ නැනී!  එහෙම දෙයක් නෙමෙයි, මට ඔයාව විශ්වාස නැත්තෙ  නෑ..

 ඇත්තටම මට සමාවෙන්න නැනී, ඔයාට බොරු කිවවට.

මට බය හිතුනා . තාත්තා බනින නිසා ඔයා චූටි කුකූව මෙහෙ තියාගන්න අකමැති වෙයි කියලා.

 ඒකයි මං.. ඔයාගෙන් මේක හැංගුවෙ. "

පසුව magi දිගු සුසුමක් ගෙන පහතට හෙළමින් ජොෂුවා හට මෙසේ කීය.

" ඔයාගේ තාත්තා මේ ගැන දැන ගත්තොත් තරහ යන බව නම් ඇත්ත තමයි , ඒත් ඔයාට මේක අපි හැමෝගෙන්ම හංගන්න හිතුනු තරමට; මේ බලු පැටියා ඔයාගේ ජීවීතේට ගොඩක් වටින කෙනෙක් බවට පත් වෙලා තියෙන බව නම් මට හොඳට තේරෙනවා.

හැරත් ජීවිතේ ප්‍රථම වතාවට තමයි ඔයා මෙහෙම දෙයක් මගෙන් හැංගුවෙ.  ඒ වගේම ඔයා මේ බලු පැටියාව ආරක්ෂා කරපු විදිහෙන්ම පේනවා.. මෙයාව ඔයත් එක්ක තියාගන්න ඔයාට කොච්චර නම් වුවමනා ද කියලා.

ඉතින් මෙච්චර දේවල් මගේ මේ ඇස් ඇස්වලට පේන්න තියෙද්දිත් මං කොහොමද ඔයාගෙන් ඒ සතුට උදුර ගන්නේ ."

එවිට ජොෂුවා,

"  නැනී ඔයා නම් හරිම හොඳයි. මගේ හොඳ චීස් බෝලේ."
යනුවෙන් පවසමින් මැගීව ආදරයෙන් වැළඳ ගන්නට විය.

" හරි හරි ළමයෝ.. දැන් ඔය බටර් ගෑවා ඇති.

  මට දැන් ඔයා මේක කියන්න, මොනවද ඔයා මං කාමරේට එද්දි තනියම දොඩව දොඩව හිටියේ."

" නැනී මේ.. බලු පැටියා .. "

" ඔව් , බලු පැටියා මොකද?."

"එයා.. කතා කරනවා."

"කතා කරනවා?."🤨🤨

"එහෙම වෙන්නේ කොහොමද?, අනික කොහොමද බල්ලෙක් කතා කරන්නේ ?."

"මට තේරෙනවා නැනී ඔයාට මං කියන දේ පොඩ්ඩක්වත් විශ්වාස නෑ කියලා. ඒත් නැනී.. මං  ඇත්ත කියන්නේ, මෙයා දැන් ටිකකට කලින් මාත් එක්ක හොදට කතා කළා."

පසු ජොෂ් බලු පැටවා වෙත හැරී

"චූටි කුකූ .. නැනීටත් කතා කරලා පෙන්නන්නකෝ.."

එවිට බලු පැටියා..

"වව් !..වව්!.. වාව්!.." යැයි තම බිරීම ඇරභීය.

" ඔය, දැක්කද නැනී එයා කතා කරනවා. එයාට කතා කරන්න පුළුවන් ."

ජොෂුවා මෙලෙස පවසන විටදී ඔහුගේ මුහුණේ බලාපොරොත්තු දැල්වී ගිය ස්වභාවයක් දක්නට ලැබුණේය.

නමුත් මැගී හට නම් බලුපැටවාගෙන් බිරීමක් හැරුණුකොට වෙනත් කිසිවක් නොඇසෙන්නට විය.

ඉන් පසු මැගී ජොෂ් අසලටම ගොස් තම දෑතින් ජොෂ්ගේ මුහුණ අල්ලා ගනිමින් මෙසේ පැවසීය .

"  ජොෂුවා පුතේ!, මේ අහන්න. බලු පැටවුන්ට අපිට වගේ කතා කරන්න බෑ. ඒ වෙනුවට එයාලා කරන්නේ බුරන එක.

 අර; දැක්කද?.

මට තේරෙනවා ; ඔයා අද ටිකක් කලබල වෙලා ඉන්නේ කියලා . දැන් ඉතිං ඔයාට අලුත් වගකීමකුත් තියෙනවනේ ඔයාගේ අලුත් යාළුවව බලාගන්න.

මේ අහන්න ,මම දන්නවා ඔයා කැමතියි ඔයත් එක්ක කතා කරන්න ඔයාටම කියලා සහෝදරයෙක් වත් ඉන්නවනම්. ඒත් පුතේ.. මෙහෙම බලු පැටවුන්ට කතා කරන්න පුළුවන්, එයා කතා කරා, වගේ දේවල් ආයේ නම් කාටවත් ඇහෙන්න කියන්න එපා , විශේෂම තාත්තා අතින් . එහෙම වුනොත් එයා හිතයි ඔයාට.."

" පිස්සු කියලනෙ, ඔව් මට පිස්සු තමයි නැනී. "

" නෑ නෑ පුතේ එහෙම හිතන්න එපා .ඔයාට පිස්සු නැහැ ඔයාට පිස්සු හැදෙන්නෙත් නෑ . ඔයා හොද ශක්තිමත් දරුවෙක් .දැන් ඉතින් මේ අහන්නකො; ඔය කලබල ගතිය යන්නත් එක්ක ගිහින් හොඳට නිදාගන්න. දැන් හොඳටම රෑත් වෙලත්නේ තියෙන්නේ."

යනුවෙන් පවසමින් මැගී ජොෂ්ගෙ නළල මතට හාදුවක් තබමින් කාමරයෙන් නික්ම ගියාය .

චූටි කුකූ ජොෂුවා ඉදිරියට වී කෙඳිරි ගාන්නට වූයේ ඌගෙ බඩගින්න උග්‍ර වී තිබූ බැවිනි.

" ඇයි මොකද කෙඳිරි ගාන්නෙ බඩ ගිනි ද?.

 ආ! අදට මේක කන්න ."

යැයි පැවසූ ජොෂ් තමා වැළඳු රාත්‍රී අහාරයේ ඉතුරු පංගුව බලු පැටවා හට පිරිනැමුවේය.

" මට තේරෙන්නෙ නෑ ඇයි නැනීට ඔයා කතා කරපු එක ඇහුනෙ නැත්තෙ කියලා.

 ඇයි ?; දැන් මට විතරද එතකොට බලු භාෂාව තේරෙන්නේ ?.

ඒත් මීට කලින් කවදාවත් මං බල්ලෙක් එක්ක කතා කරලා..

 පොඩ්ඩක් ඉන්න, මීට කලින් මට කවදාවත්ම බල්ලෙක් ඉදලත් නෑනේ .

 ඕ!.. මට නිකන් පිස්සු වගේ."
යැයි පවසමින් ජොෂ් තම අත්දෙකින්ම ඔහුගේ හිස කෙස් ඇද ගන්නට විය.

" ඔස්බර්ට් අයියා, එයත් මේ වගේ චූටි කුකු එක්ක කතා කරලා තියෙනවද දන්නෑ.

 ඒත් මං කොහොමද ඒක එයාගෙන් අහන්නෙ . ඒ වගේ දෙයක් මං ගිහින් එයාගෙන් ඇහුවොත්.. එතකොට එයත් හිතයි මට හොදටම පිස්සු කියලා .

නෑ නෑ  නෑ ,අද මම නැනීගෙන් මේ අහගත්ත හරිය හොඳටම ඇති .

මේ.. චූටි කුකූ, මට ඔයාවත් කියනවද මීට කලිනුත් ඔයා මේ වගේ කාත් එක්ක හරි කථා කරලා තියනවද කියලා?."

පසුව චූටි කුකූ තම කටට කෑම පුරවා ගනිමින්ම ජොෂ් ඇසූ පැනයට මෙලෙස පිළිතුරු දුන්නේය .

" ඔව්, මං මීට කලිනුත් ගොඩක් අය එක්ක කතා කරලා තියෙනවා. ඒත් ඒ එක්කෙනෙක්ටවත්  ඔයාට වගේ මං කියපු දේවල් තේරිලා නම් නැහැ."

---------------------------------------------------------------------------------------------------------------

එදින ජොෂුවා රාත්‍රී නින්දට යාමට සැරසුණේ චූටි කුකූ හටද  තම ඇඳ අසලම නිදාගැනීම සුදුසු පරිදි ස්ථානයක් සකස් කර දීමෙන් ය.

නමත් එදින රාත්‍රි කාලගුණය නම් එතරම් යහපත් එකක් නොවීය.

ඊට හේතුව ධාරානිපාත වැසි ඇදහැලෙමින් , අකුණු ගසමින් සුළි සුළං වැනි සුළං ධාරා ද හමමින් අවට පරිසරය හොල්මන් කිරීමය.

නමුත් පිටත සිදුවන කිසිම දෙයක් පිළිබඳව දැනීමකින් තොරව ජොෂුවා සුවසේ නිදා සිටින්නට වූයේ සිහින ලෝකවල සැරිසරමින්ය.

උණුසුම් බ්ලැන්කට්ටුවක්ද ගත දවටාගෙන සිටි බැවින්, බාගෙට ඇරී ඇති ජනෙල් පියන් වලින් හමා ආ සීතල සුළඟ ජොෂුවාගේ ගත ස්පර්ශ නොවුණ ද, ඇඳ අසලම බිම රෙදි කැබැල්ලක් උඩ පමණක් වැතිර සිටි චූටි කුකූ හට නම් රාත්‍රි සිසිලස දරාගත නොහැකි විය.

තවද සීතල සුළං නිසා කාමරයේ ජනෙල් රෙදි එහාට මෙහාට වැනෙන්නට වූයේ රාත්‍රි අවතාර කාමරය පුරා සැරිසරන පරිද්දෙනි.

මේ සියල්ලම නිසා බියට පත්වී, අවදිව සිටි බලු පැටවා එකවරම ; ජොෂුවාගේ සැප නින්දට බාධා කරමින් වෘකයකු මෙන් මෙලෙස උඩු බුරලන්නට වීය.

" වව්!...වව්!...අවූ.."

     🛸 TO BE CONTINUE 🛸🛸

 

Alpha - chapter 23

 

පුංචි භූතයා

ටොක්..  ටොක්..ටොක්.. 🚪

 " ජොෂ්!.. ඔයා නිදිද?, මං ඇතුලට එන්නද ?."

"අනේ දෙයියනේ !,නැනී කාමරේට එන්න වගේ හදන්නේ ,ඊට කලින් මං කොහෙ හරි චූටි කුකූව හංගන්න ඕන.

 ආ! නැනී විනාඩියක් ඉන්නවද මං මේ ඇඳුම් මාරු කරනවා."

මැගීගේ පැමිණීම නිසා දැඩි ලෙස කලබලයට පත්වු ජොෂුවා තම කාමරය තුළ බලු පැටවා සැඟවීමට සුදුසු ස්ථානයක් සොයන්නට විය.

"මම මෙයාව කොහෙද දැන් හංගන්නේ, 🤔🤔

ඇඳ යට..

නෑ නෑ ඇද යට හරියන්නෑ,

ම්..

ඇඳුම් කබඩ් එක ඇතුලේ,😄

  එපා එපා පැටියාගේ හුස්ම හිර වෙයි .

ආ! හරි අදහසක් ආවා.. බාත්රූම් එකේ ."

පසුව ජොෂුවා චූටි කුකූව, ඌ රැගෙන ආ කාඩ්බෝඩ් පෙට්ටියේම බහාලමින්; තම නාන කාමරයේ හිස් නාන තටාකය උඩ කිසිවෙකුට නොපෙනෙන පරිදි සැඟවී ය.

"මේ අහන්න චුටි කුකු ,ඔයා මෙතනටම වෙලාම ඉන්න. අනේ කරුණාකරලා බුරන්න හිතන්නවත් එපා හරිද, එහෙම වුනොත් අපි දෙන්නම ගස්."

යනුවෙන් ජොෂ් බලු පැටවා හට පවසමින් නාන තටාකය අසල වූ දොර රෙද්දෙන් නාන තටාකය ආවරණය කරමින්, පිටතට පැමිණ මැගී හට කාමරයට පැමිණීම සඳහා දොර විවෘත කරන්නට වූවේය.

 "මෙන්න පුංචි වලස් පැටියෝ.. මං ඔයාට අද ඔයා ආසම කරන chicken drumsticks හදලා ගෙනාවා. 

" ඒත් මොකද මේ..  ඔයාගෙ මූණේ කිසි සතුටක් පේන්නෙ නැත්තෙ, මට පේන්නේ මොකක්ම හරි දෙයක් නිසා ඔයා කලබල වෙලා ඉන්නේ."

  හහ්හ.. . හ...
( බොරු සිනහවක්  මවා ගනිමින්)
"එහෙම දෙයක් නෑ නැනී , මේ.. අද ඉස්කෝලෙන් දුන්න හෝම් වර්ක් ගොඩා....ක්  අමාරුයි. මං ගොඩක් වෙලා ඉදන් උත්සාහ කරනවා මේ එක ගානක් හදා ගන්න. ඒත් තාම මට හරියට ඒක හදන්න බෑනේ.😢

යැයි ජොෂ් පවසන්නට වූයේ නැනී දෙසත් නානකාමරය දෙසත් මාරුවෙන් මාරුවට නෙත් යොමුකරමින්ය.

 " හරි කමක් නෑ; නැනී මට දැන් රස....ම රස කෑමක් ගෙනාපු නිසා මේ කලබල ගතිය ටක් ගාලා ඇරිල යාවි."🤗🤗

ඉන්පසු නැනී කෑම භාජනය ජොෂුවාගේ අතට ලබා දී කාමරයෙන් නික්ම යාමට සැරසුනාය.

නමුත් පිටවී යාමට දොර අසලටම ගොස් නැවතත් හැරී බලමින් ඇය ජොෂුවාගෙන් මෙසේ විමසීය.

 "ඒක නෙමෙයි ජොෂ් , මොකක්ද අර ඔස්බර්ට් කියන ළමයා දුන්න පෙට්ටියෙ ඇත්තටම තිබ්බේ."

"ආ !.. ඒක මේ..  පොඩි පොතක් නැනී.
මේ තියෙන්නෙ. "

යනුවෙන් ජොෂ් තම මේසය උඩ වූ  'Black Holes ' පොත magi හට පෙන්විය.

 "පොතක්..?

 මං ඔය දැක්කමයි කාඩ්බෝඩ් පෙට්ටියක දාලා පොතක් කාට හරි තෑගි කරනවා .

"අනේ මන්දා ,අද කාලේ තරුණ ළමයින්ගෙ නම් අමුතු වැඩ තියෙන්නෙ."

යනුවෙන් පවසමින් magi කාමරෙන් පිටවිය.

එසැනින් සැනසුම් සුසුමක් හෙලූ ජොෂුවා සැරසුණේ තම රාත්‍රී ආහාරය වන chicken drumsticks භුක්ති විදීමටය.🍗🍗🍗

ජොෂුවාගේ ප්‍රණීත ආහාර වේලෙහි සුවඳට වහ වැටුණු චූටි කුකූ ද එහි සුවඳ දිගේ ජොෂුවාගේ පොත් මේසය අසලට ඇවිද එන්නට වූයේ.. නින්දෙන් ඇවිද එන පුද්ගලයෙකු විලසය.

  නමුත් ජොෂුවා තම රාත්‍රි ආහාර වේල වෙත පූර්ණ අවධානය යොමු කර තිබූ නිසා චූටි කුකූගේ පැමිණීම ඔහු හට නොදැනුණි.

" හ්ම්..හ්ම්..හ්ම්.." මෙලෙස බලු පැටවා බඩගිනි වී ජොෂුවා ඉදිරියට වී කෙදිරි ගෑවද ඔහුගේ අවධානය මොහොතකට හෝ කෑමෙන් නොගිලිහෙන්නට වූයේ ආහාරයේ ඇති ප්‍රනීත භාවය නිසාමය.😋😋

"මේ.. ළමයෝ! තනියම ඔක්කොම කන්නෙ නැතිව මටත් ටිකක් ඉතුරු කරන්නකෝ?."

එකවරම ජොෂුවා, තමා හට කිසිවෙකු කතා කරන හඬක් ඇසුනේ කොයි දෙසින් දැයි බැලීමට කාමරය පුරා තම නෙත් කරකවමින් බලන්නට වීය .

"කාගෙද ඒ.. කටහඬ."

පසුව ජොෂ් නැවතත් එම කටහඬ තමාට ඇසේ දැයි බැලීමට තම දෙසවන් අවට පරිසරය වෙත යොමු කරවිය.

" මේ!.. ඔය ළමයට මං දැන් කියපු දේ තේරෙන්නේ නැද්ද?, මටත් ටිකක් ඉතුරු කරන්නකෝ.."

" ක....ක.... කවුද ඔතන, ත..ත..තමුන් මොකද මගේ කාමරේ කරන්නේ, තමුන් කවුරු වුණත් කමක් නෑ වහාම හැංගිලා නොඉද එළියට ආවොත් හොදයි."

යනුවෙන් ජොෂ් එම නුපුරුදු කටහඬ වෙත තර්ජනය කරන්නට වූයේ තම මේසය උඩු වූ විදුලි ලාම්පුව ද අතට රැගෙනය .

"මොනවද ඔයා මේ තනියම කියවන්නේ, මං දැනටමත් ඔයාගෙ ඉස්සරහනෙ ඉන්නේ ,
  මේ .. පල්ලෙහා බලන්න."

එම කටහඬ හිමි පුද්ගලයා කවුරුන් වුවද ඔහු අවුරුදු 5 ක පමණ කුඩා දරුවෙකුගෙ මෙන් ළාබාල  කටහඬකට උරුමකම් කියන අයෙක් වීය.

තමාගෙ පාද දෙක දෙසට කෙළින්ම  නෙත් යොමුකළ ජොෂුවා හට එහි දැක ගත හැකි වූයේ තමා දෙස ඇස් විශාල කරමින් බලා සිටින චූටි කුකූවය.

" ඔයා ඔක්කොම කුකුල් මස් ටික තනියම කන්නද හදන්නේ?, මට අඩුම තරමේ කටු කෑල්ලක්වත් ඉතුරු කරන්නේ නැද්ද ?."🤨🤨

පසුව; එකවරම තමා දුටු දර්ශනයෙන් මහත් පුදුමයට පත් වූ ජොෂ් තම ශරීරයේ සමබරතාවය ද ගිලිහී බිමට ඇද වැටෙන්නට වූයේ, අසල තිබූ පුටුවක් ද පෙරළා දමමින්‍ ය.

වැටී සිටි අයුරින්ම ජොෂ් තම දෙනෙත් වල නිදි ගැට කඩන්නට වූයේ තම දෑස් චූටි කුකූගෙන් මොහොතකට වත් ඉවතට නොගෙනම ය.

" ඔ.....ඔ....ඔයා කතා කරනවා, වෙන්න බෑ, වෙන්න බෑ . බලු පැටියෙක් කොහොමද මිනිහෙක් වගේ කතා කරන්නේ?.😨😨

ඕ ජෙසුනී! මට දැන් පිස්සු හැදීගෙනවත් එනවද?."

ජොෂ් මෙසේ පවසමින් තම නළල මත කුරුසිය ලකුණ සටහන් කරන්නට වීය .✝️✝️

පසුව ඔහු චූටි කුකූ වෙත ළංවී..

"මේ අහන්න. ඔයාට කතා කරන්න බැහැ. ඔයා දැන් මට කතා කළේ නෑ.  මං හරිනේද?.

 ඔව්, ඔයාට කතා කරන්න බෑ, මොන පිස්සුද "

"අනේ ළමයෝ බොරුවට කියවන්නෙ නැතුව මට මස් කට්ටක් දෙන්නකෝ.."

බලු පැටවා නැවතත් මෙසේ ජොෂුවා හට ආයාචනා කරන විටදී ජොෂ් තම අත් දෙකෙන් තම කන්  වසා ගනිමින්, තමාටම මෙසේ පවසා ගන්නට විය .

"නෑ.. නෑ.. චූටි කුකූ කතා කළේ නැහැ.. එයාට කතා කරන්න බෑ, මේ සේරම ඔයා බොරුවට මවා ගත්තු විකාර ජොෂුවා."

" පිස්සු හැදීගෙන එනවද ?,මට කතා කරන්න බෑ  කියන්නේ .මට හොඳට කතා කරන්න පුළුවන්."

" ඔය කියවිල්ල දැන්වත් නවත්වනවා  චූටි කුකූ. 

 මේ මොකද මට වෙලා තියෙන්නේ ඇයි මේ මම බලු පැටියෙක්ට කියවිල්ල නවත්ත ගන්න කියන්නේ .

" නෑ නෑ මට පිස්සු නෑ, මට පිස්සු වෙන්න බැහැ."

මෙලෙස ජොෂ්  දිගින් දිගටම තමා හටම පිස්සු යැයි පවසා ගන්නට විය .

ජොෂ්ගේ මේ ඝෝෂාව ඇසීමෙන් මැගී  කලබලෙන් ඔහුගේ කාමරයට දුවගෙන එන්නට වූයේ ;ඔහු හට කිසියම් කරදරයක් වී ඇති දැයි බැලීමට ය.

මෙලෙස කාමරයට පැමිණි මැගි හට එහි දැකගත හැකිවූයේ , කාමරයේ බිම බලු පැටවෙකු සමග  සිටින ජොෂුවාවය.

" ජොෂ්!.. මොකද මේ බිම වාඩි වෙලා කරන්නේ?. අනික මේ  පුටුවකුත් පෙරලගෙන."

ඈ!..   ( යටිගිරියෙන් කෑගසමින්)

   මොකෙක්ද මේ කාමරේ ඉන්නෙ?."

 

         🛸 TO BE CONTINUE 🛸🛸