Alpha - chapter 19

 

ඔබ නිසා

ජොෂුවා හුරුපුරුදු ළමයා සමග කතා බහෙහි යෙදෙමින් සිටින අතරතුර දී , කිසිවකු ඔහුට පිටුපසින් සිට "ඇල්ෆා" යනුවෙන්  ආමන්ත්‍රණය කරන හඬක් ජොෂ් හට එකවරම ඇසෙන්නට විය.

"ඇල්ෆා" යනු තමාගේ නම නොවූවත් ඒ නම ඇසූ පමණින්ම ජොෂ්, පිටුපස හැරී බලන්නට වූයේ එම කටහඬ තමා හට ආමන්ත්‍රණය කළාක් මෙන් ඔහු හට දැනෙන්නට වූ නිසාවෙනි.

---------------------------------------------------------------------------------------------------------------

Joshua' s pov:-

"ඇයි ඇන්ඩර්සන් ඔයාට අමතකද ❓, අපි දෙන්නම ඉන්නේ එකම පන්තියේ කියලා. "

ඒක තමයි මං අහපු ප්‍රශ්නයට හුරුපුරුදු ළමයාගෙන් ලැබුණු පිළිතුර . හැබැයි ඒ විදිහේ උත්තරයක් නෙමෙයි, මං එයාගෙන් බලාපොරොත්තු වුණේ නම්.

මට දැනගන්න ඕන වුණේ Stanton උසස් පාසලට එන්න කලින් ඉඳලම එයා මාව දැනගෙන හිටියද කියලා. ඒත් එයා බොහොම ලේසියෙන් ඒ ප්‍රශ්නයට අර විදියට උත්තරයක් දීලා එතනින් පැනලා යන්න හදද්දී මට දැනුණේ නම් හරියට කාලයක් තිස්සේ එයා මාව මග හරින්න උත්සාහ කළා වගේ හැගීමක්.

ඔව් සමහර විට , මං එයාව මීට කලින් කොහෙදි හරි එකපාරක් දෙපාරක් දැකලා නම් ඇති තමයි. ඒත් එයාගේ සැක සහිත හැසිරීම මට නිතරම ඊටත් වඩා දෙයක් පෙන්නුම් කළා.
ඒ නිසා තමයි හැම වෙලාවෙම එයාව දකිද්දී මගේ ඔළුවේ ප්‍රශ්නාර්ථයක් මතුවෙන්නේ .❓❓

අවාසනාවට හෝ වාසනාවකට මට එයා එක්ක ඊට වඩා දෙයක් නම් කතා කරගන්න බැරි වුනා.

මොකද කවුරුහරි මට ඈතක ඉදන්  කතා කරනවා වගේ මට දැනුණ නිසා, මගේ අවධානය සම්පුර්ණයෙන්ම වගේ ඒ දිහාවට යොමු වුණා.

ඒ කටහඬ කතා කළේ වෙන කෙනෙක්ට වුණත්; ඒ නම ඇහුන ගමන්ම මගේ කකුල් දෙක ඉබේටම නතර වෙලා පපුව වේගයෙන් ගැහෙන්න පටන් ගත්තා.

ඊට පස්සේ තමයි මං පිටි පස්ස හැරිලා බැලුවේ.

එතකොටම මහාචාර්‍යය ජෝන්ස් ,ලොකු හදිස්සියකින් වගේ මං ළඟට දුවගෙන ආවා.

ඒ වගේම තමයි මහාචාර්‍යය තුමා දිහා මං බලන් හිටපු තත්පර ගානට අභිරහස් ළමයා හිටපු තැනින් අතුරුදහන්.🤔🤔

---------------------------------------------------------------------------------------------------------------

 " ' alpha' ඔයාව මට මෙතනදී මුණ ගැහුන එක හොදයි. මං මේ ඔයාව තමයි හොය හොය හිටියේ."

"සර් ... මේ දැන් මට කවුරු කියලද කතා කළේ ?."

"ඇල්ෆා!"

"ඒත් සර් ,මගෙ නම ජොෂුවා ඇන්ඩර්සන් මිසක්.. ,ඇල්ෆා නෙමෙයි ."

"හරි හරි ළමයො මොකක් හරි, අනිත් අයට ඔයා.. ජොෂුවා වෙන්න පුළුවන්. ඒත් මට , ඔයා තමයි ඇල්ෆා."

"ඇල්ෆා... ඒත් ඇයි?."

"ළමයෝ!.. ඔයාත් හරියට F.B.I එකෙන් වගේනේ ප්‍රශ්න කරන්නේ. මං ඔයාට ඒක පස්සේ කියන්නම්. ඉස්සෙල්ලාම ඔයා මං මේ අහන දේට උත්තර දීලා ඉන්නකො."

"මං ඉස්කෝලේ ඇතුලේ Astro club එකක් පටන් ගන්න යන්නේ කියලා, ඔයා දැනටමත් දන්නවා ඇතිනෙ. ඉතින් මං තීරණය කලා තාරකා විද්‍යාව හදාරන, ඒ වගේම ඒකට කැමැත්ත දක්වන හැම ළමයෙක්වම රැයවල් දෙකක් ,ඒ කියන්නේ දවස් දෙකක් පුරාවට ඉස්කෝලේ තියාගෙන පොඩි නිරීක්ෂණයක යෙදෙන්න.

" ඉතිං මං කැමතියි ඔයා අනිවාර්යෙන්ම ඒකට සහභාගි වෙනව නම්.

ඔයා මොකද කියන්නේ 'ඇල්ෆා', ඔයා ඒකට සහභාගී වෙන්න කැමතිද?."

"සර්,  Astro club එකට නම් මං අනිවාර්යෙන්ම සහභාගි වෙනවා .ඒත් සර් ..... දවස් දෙකක් ඉස්කෝලේ නවතින එකට නම් ... මට කොහොමවත්ම ගෙදරින් අවසර හම්බ වෙන එකක් නැති වෙයි.

මොකද...  දැන් ටික දවසක ඉඳලා අපේ තාත්තා.. මං එක්ක අමනාපෙන් ඉන්නේ."

 " අනේ කොල්ලො!..  club එකකට බැදිලා , සාමාජිකත්වයත් අරගෙන , ආකාශ වස්තුත් නිරීක්ෂණය කළේ නැත්නම් වැඩක් තියෙනවද ?. අනිත් එක තමයි ආකාශ වස්තු නිරීක්ෂණය කරන එක දවල් වරුවේ කරන්න පුළුවන් වැඩක් නෙමෙයිනේ .

ඒකට රැයක් දෙකක් ඉස්කෝලේ නවතින්න වෙනවා.

 අනිත් එක තමයි, ඔයාලා වගේ ඉගෙන ගන්න ළමයිට මේක හොද අවස්ථාවක්.

ඒ නිසා ඔයා අනිවාර්යයෙන්ම මේකට සහභාගි වෙන්න ඕනේ.

බය වෙන්න දෙයක් නෑ, තාත්තා අනිවාර්යෙන්ම කැමැත්ත දේවි. මොකද මේ වගේ අවස්ථාවක් ළමයෙකුට නිතරම ලැබෙන්නේ නෑනේ."

" ඒත්...... සර්......"

"ඒත් මේත් නෙමෙයි. ඔයා එදාට එන එක එනවා මයි හරිද ?. මට ආයේ මතක් කරන්න තියන්න එපා ඒ ගැන තේරුණානේ."

හ්හා ..... (සුසුමක් හෙලමින් )

"හොදයි එහෙනම්, සර් කියන නිසාම මං උත්සාහ කරලා බලන්නම්කෝ .

ඒත් සර් මට තාම කිව්වෙ නෑනෙ.. ඇයි ඔයා මට 'Alpha' කියලා කතා කරපු හේතුව?.

"ආ!.... ඒක මං ඔයාට අද කියන්නේ නෑ. ඔයාට ඒකට හේතුව දැනගන්න ඕනෙම නම් 'ඇස්ට්‍රො නයිට් ' එක දවසට අනිවාර්යයෙන්ම එන්න."

යනුවෙන් පවසා මහාචාර්යවරයා ජොෂුවා හට සරදම් සිනාවක් පාමින් නික්ම ගියේය.

Joshua's pov :-

අනේ මන්දා මහාචාර්යතුමාත් වෙලාවකට පොඩි එකෙක් වගෙනේ හැසිරෙන්නේ. එයා එක්ක කතා කරළා බේරෙනවා බොරු , සර්ට ඕන කොහොම හරි මාව Astro Night  එක දවසට ගෙන්න ගන්න.

මාත්.. හරි ආසයි එකට යන්න නම් ,ඒත් ඒ ගමන මං හිතන තරම් මට ලේසි වෙන්නේ නෑ. මොකද ඒකට මට ලොකු බාධකයක් තියෙනවා . ඒ වෙන කවුරුත් නෙමෙයි මගෙ තාත්තා .  එයා මං ගැන ඇහැ ගහගෙන ඉන්නේ නැත්නම්.. මට මේ ගමන කොහොමහරි යන්න තිබුනා. 😥😥

.

.

.

.

.

පන්තියේ උදේ වරුවේ පීරියඩ් ටික ඉවර වෙලා විවේක වෙලාවෙදි  මං හිතුවා පුස්තකාලෙ පැත්තට  ගිහින් ටිකක් කරක් ගැහුව නම් හොඳයි කියලා .

මං school මැප් එකත් අද ගෙනියපු නිසා පුස්තකාලය හොයාගන්න එක එච්චර අමාරු වෙන එක්ක නැතිවෙයි .

සාමාන්‍යයෙන් නම් පුස්තකාලය කියන්නේ, මං යන්න තියා ....ඇහේ කොනකින්වත් බලන්න අකමැති තැනක්.  ඒත් මහාචාර්යය ජෝන්ස්ගේ වචන, මං අකමැති දේවල් වුනත් කරන්න කැමති කරවන තත්වයට මාව පත් කරනවා.

ඇත්තටම තමන්ගේ කතාවෙන් ඕනම පුද්ගලයෙක්ව මෝහනයට පත් කරන්න පුළුවන් හැකියාවක් මහාචාර්යතුමාට තියෙනවා.

සර් , stanton උසස් පාසලේ නැතුව කාන්තා පාසලක ගුරුවරයෙක් වුණා නම්, සර් ගෑනු  ළමයින්ගේ සිහින කුමාරයා වෙන බවට නම් කිසිම සැකයක් නෑ.😆

---------------------------------------------------------------------------------------------------------------

mysterious boy's pov :-

මං ඔයාව කලින් ඉදන්ම දන්නවද කියලා ඔයාට මගෙන් දැනගන්න ඕනෙ වුණා නේද ජොෂුවා?.

ඔව්, ඔයාගේ සැකය හරි . මං ඔයාව හොඳට දන්නවා,  ඒ වගේම ඔයත් මාව හොඳට දන්නවා .

ඒ වගේම තමයි ඔයාට මාව අඳුරගන්න බැරි උනත්, මං නම් ඔයාව දැක්ක ගමන්ම අදුරගත්තා.

කොහොමත් ඒක එහෙම වෙන්න ඕනෙනේ.

මං කොහොම කියලා අමතක කරන්නද ,මගේ ජීවිතේ සම්පූර්ණයෙන්ම කනපිට පෙරලපු , මට වේදනාවක් වෙච්ච, මං මේ ලෝකෙ වැඩියෙන්ම බය;මට  සම්පූර්ණයෙන්ම අභිරහසක් වෙච්ච පුද්ගලයාව.

ඒ වෙන කවුරුත් නෙමෙයි ජොෂුවා ඇන්ඩසන්. ඔයාම තමයි. 

අද මං මේ ඉන්න තත්ත්වයට සම්පූර්ණයෙන්ම වග කියන්න ඕන කෙනා තමයි ඔයා.

ඔයාට මං කවුද කියල දැනගන්න ලොකු උවමනාවක් තියෙනවා නේද ?, ඔයාට මං ඒක ලඟදිම දැනගන්න සලස්වන්නම්, එතකම් ඉවසලා ඉන්න ජොෂුවා.

සමහර විට ඒ දවස වෙද්දි ඔයාට ඔයාවම නැති වෙන්නත් බැරි නෑ.😏😏

           

🛸🛸 TO BE CONTINUE 🛸🛸

 

Alрha ー chaрter 18

තාරකා විද්‍යාව

"බොත්තමක් ?. "

 " ඔව් දරුවෝ බොත්තමක් තමයි ,මං ඔයාට අනන්තවත් කියලා තියෙනවා නේද ? , කමිස වල බොත්තම් ගැලෙවුනාම ඒවා අයින් කරන්නේ නැතුව මට මහන්න දෙන්න කියලා. "

" ඒත් නැනී... මේ බොත්තම මගේ ෂර්ට් එකක බොත්තමක් නෙමෙයි නේ."

 "  මොකක්!  ඔයාගේ නෙමෙයි නම් වෙන කාගෙද ?, අනිත් එක එහෙමනම් කොහොමද මේක ඔයාගේ කාමරේට ආවේ?."

 ඉන් පසු ජොෂුවා කමිස බොත්තම තම අත්ල මතට ගෙන හොඳින් නිරීක්ෂණය කරන්නට 

 " බොත්තම නම් ....  මගෙ එකක් නෙමෙයි නැනී . ඒත්... මට මේ බොත්තමේ තියෙන රටා හොඳට දැකලා හුරුයිත් වගේ.

ආ ! සමහරවිට මේක තාත්තගේ වෙන්න ඇති . ඉස්සෙල්ලා එයා මගේ කාමරේට ආපු වෙලාවේ එයාගෙ කමිසයෙන් වැටෙන්න ඇත්තේ ."

------------------------------------------------------------------------------------------------------------

උදෑසන 🔆🔆

ස්ථානය ー පාසල  

"සුභ උදෑසනක් ළමයිනේ."

ස්ටැන්ටන් උසස් පාසලේ සාන්ත හෙලේනා ප්‍රධාන ශාලාවට රැස් ව සිටි සිසුන් හට විදුහල්පති ටෝනි ග්‍රිබ්ස් මහතා මෙසේ ආචාර කරන්නට විය.

විදුහල්පති තුමා මෙසේ ප්‍රධාන ශාලාවේ වේදිකාව උඩට වී තම කතාව ආරම්භ කරන විට දී පාසලේ අනෙකුත් විෂයයන්ට අදාළ ගුරුවරු පාසල් වේදිකාව උඩ සිට ඔවුනට වෙන්කර තිබූ ආසන වල හිඳ සිටින අයුරු දක්නට ලැබී ය .

"ඔයාලා හැමෝම දන්නවනේ, අපි අද මේ රැස්වෙලා ඉන්නේ අපේ පාසලේ නව වසරේ පළමුවැනිම  ප්‍රධාන රැස්වීමට කියලා .

 පාසලේ වැඩපිළිවෙළ ගැන මං විශේෂයෙන් සඳහන් කිරීම අනවශ්‍ය වුණත්,  පාසලට මෙම වසරේදී සිසුන් බොහෝ පිරිසක් අලුතින් ඇතුලත් වෙලා ඉන්න නිසා, මං හිතුවා පාසලේ වැඩපිළිවෙළ පිළිබඳව ළමයින්ව මුල ඉදලා දැනුවත් කළොත් හොඳයි කියලා.

ඒ වගේම මට අලුතින් ආපු ළමයින්ට විශේෂයෙන් කියන්න තියෙන්නෙ, ඔයාලා අපි  දීලා තියෙන පාසල් සිතියම අනිවාර්යෙන්ම හොඳින් අධ්‍යනය  කරන්න. මොකද ඒක පාසල ඇතුලේ තමන්ට තනියෙන් ගමන් බිමන් යද්දි ලොකු පහසුවක් වේවි.

ඒත් එක්කම පාසලේ අලුත් ළමයින්  ඇතුළුව  සියලුම ශිෂ්‍යයන්ට මට කියන්න තියෙන්නේ, පාසලේ ඕනම ස්ථානයක ඔයාලට නිදහසේ හැසිරෙන්න පුළුවන් වුණත්, මෝහන විද්‍යාව සඳහා වෙන්කර ඇති ගොඩනැගිල්ලට ඇතුළු වීම ළමයින්ට සපුරා තහනම් බව.❌❌

කවුරු හරි ළමයෙක් ඒ පැත්තට ගිහින් මට හරි අපේ පාසලේ වෙනත් ගුරුවරයකුට හරි බැරිවෙලාවත් අහු උනොත් එහෙම , ඒ ළමයාට දැඩි දඬුවම් පාසල විසින් ලබාදෙනවා කියන එක ඔය ළමයින්  හැමෝම හොඳින් සිහියේ තබාගත යුතු කාරණාවක් .

ඔය ළමයින්ට මම කියපු දේ හොඳින් වැටහෙන්න ඇති කියලා මං හිතනවා."

යැයි සිසුන් හට අවවාද කරමින් විදුහල්පති ග්‍රිබ්ස් මහතා තම දේශනය අවසන් කරන්නට විය.

Joshua 's pov :-

ප්‍රින්සිපල් සර්ගේ දේශනාවෙන් පස්සේ අපි ඔක්කොම ගියේ තම තමන්ගේ පන්ති කාමර වලට .

සර් දේශනාව වෙලාවෙදි අපිට අනතුරු ඇගවීමක් කළා. එවගේම ඉදිරියේදී පාසල් මට්ටමෙන් පැවැත්වෙන පාපන්දු  තරඟ වලට ළමයින්ට හොඳින් පුහුණුවීම් සිදු කරන්න කියලත් උපදෙස් දුන්නා. ඒත් එක්කම අපි වගේ අලුත් ළමයින් ක්‍රීඩාවේ දී තම තමන්ගේ දක්ෂතා හොඳින් පෙන්නුම් කළොත්, ඒ අයව පාසල් පා පන්දු කණ්ඩායමට බඳවා ගන්න පාසල සූදානම් බවත් , ඒ වෙලාවෙදි  විදුහල්පති තුමා ළමයින්ට සිහිපත් කළා.

  දේශනාව ඉවර වෙලා මං පන්තියට යද්දි තමයි මං දැනගත්තේ අද අපිට මුලින්ම තියෙන්නේ තාරකා විද්‍යාව විෂය කියලා.

හැබැයි ඉතින් අනිත් විෂයන් වගේ තාරකා විද්‍යා විෂය අපිට උගන්වන්නේ පන්ති කාමරය ඉඳලා නම් නෙවෙයි.
ඒකට ළමයින් හැමෝම වගේ තාරකා විද්‍යාව සඳහා වෙන් කරලා තියෙන විශේෂ පරීක්ෂණාගාරයට  යන්න ඕනේ .

මං ඉස්කෝලෙට ආපු පළවෙනි දවසෙ තාරකා විද්‍යා කාමරය දුර තියාම දැක්කා වුණත් ,ඒක ඇතුලට ගිහින් බලන්න මට තිබුනෙ පුදුම ආසාවක්.

ඉතින් මං තව දුරටත් ප්‍රමාද වෙන්නේ මොකටද කියලා හිත හිතාම, තාරකා විද්‍යා කාමරේට යද්දි, අපේ තාරකා විද්‍යා ගුරුවරයා වුණ මහාචාර්ය ජෝන්ස් ළමයින් එනකම් සිනාමුසු මුහුණින් විද්‍යාගාරයට වෙලා බලාගෙන ඉන්නව මම දැක්කා.

හැබැයි සර්  අද නම් ඇඳන් හිටියෙ මල් මල් කමිසයක් නෙමෙයි. ඒ වෙනුවට එයා අද වෛද්‍යවරු අඳින විදිහේ  සුදු පාටට හුරු ලෝගුවකින් සැරසිලායි හිටියේ .

------------------------------------------------------------------------------------------------------------

" සුභ උදෑසනක් ළමයිනෙ!  තාරකා විද්‍යාව විෂය මාලාවේ පළවෙනි දවසට ඔයාලා හැමෝවම ආදරෙන් පිලිගන්නවා.

එහෙමනම් දැන් ඉඳලා පැය තුනක් පුරාවට තරුත් එක්ක ඉන්න ලෑස්ති වෙන්න. 🌟 🌟🌟🌟🌟

 ඒ විතරක් නෙමෙයි, ඔයාලට ඕනෙම නං අපි හඳට වුණත් යමු. හඳට ගිහින් හඳේ ඉන්න හාවට   තණකොළ වුණත් කවලා එන්න බැරි නෑ ." 🐇 🐇🐇🐇 🍃🍃🍃

යනුවෙන් පවසමින් මහාචාර්ය තුමා සිනාසෙන්නට විය.

" ඔයාලට මං තරු ගැන, ඒ වගේම සෞරග් ග්‍රහ මණ්ඩලය ගැන උගන්වන්න කලින්;  මං කැමතියි ඔයාලගේ තාරකා විද්‍යාව පිළිබඳ සාමාන්‍ය දැනීම කොයි වගේ මට්ටමකද තියෙන්නෙ කියලා බලන්න පොඩි පරීක්ෂණයක් කරන්න .

 මම තාරකා විද්‍යාවට සම්බන්ධව ලේසි ප්‍රශ්න දෙක තුනක් ඔයාලාගෙන් අහන්නම්. ඒවාට ඔයාලා හරියට උත්තර දෙන්න.

  හොඳයි ළමයි කියන්න බලන්න එහෙනම් අපේ සෞරග්‍රහ මණ්ඩලයේ විශාලතම ග්‍රහලෝකය   මොකක්ද කියලා ."

" සර් 'බ්‍රහස්පති '. " 

යනුවෙන් එකවරම තම දකුණු අත ඔසවමින් පිළිතුරු දෙන්නට වූයේ 12බී පන්තියේ පොත්ගුල්ලා වන ඩේවිඩ් ය.

"බොහොම හොඳයි."

" එතකොට අපි ජීවත් වෙන පෘතුවියට උපග්‍රහයන් කීයක් ඉන්නවද?."

"සර් ! එකයි. ඒ තමයි චන්ද්‍රයා, එතකොට නීල් ආම්ස්ට්‍රෝන් තමයි හඳට ගිය පළවෙනි මනුස්සයා. " 

යැයි  මහාචාර්යවරයා විමසු ප්‍රශ්නයටත් වඩා වැඩියෙන් පිළිතුරු දෙන්නට වූයේ රුසියන් සම්භවයක් සහිත ව්ලැදිමීර් යන සිසුවායි.

" හොඳයි ,එහෙනම් දැන් කියමු බලන්න සූර්යයාට ආසන්නව ඇති දීප්තිමත්ම තාරකාව මොකක්ද කියලා ?."

යැයි මහාචාර්ය ජෝන්ස් ඔහුගේ මීළඟ පැනයද සිසුන් හට මෙලෙස ඉදිරිපත් කළේය.

නමුත් මහාචාර්යවරයා ඇසූ අනෙක් ප්‍රශ්න මෙන් නොව මෙම පැනය සඳහා පිළිතුර නම් එතැන සිටි කිසිම සිසුවෙක් දන්නා බවක් පෙනෙන්නට නොතිබුනේය.

මද වේලාවකට පසු එක් සිසුවෙක් එකවරම  "ඇල්ෆා සෙන්චූරියේ" යනුවෙන් හඬ නගා පවසන්නට වූයේ පන්තිය තුල මෙතෙක් වේලාවක් පැවති නිශ්ශබ්දතාවය බිඳ දමමින්ය .

------------------------------------------------------------------------------------------------------------

Joshua 's pov :-

අමතර විෂයක් විදිහට, තාරකා විද්‍යා විෂය මාත් ඇතුළුව, ළමයි දහදෙනෙක් විතරයි, අපේ පන්තියේ තෝරගෙන තිබුණේ.

තාරකා විද්‍යාව කියන්නේ ගොඩක් කුතුහලය පිරුණු විෂයක් වෙලත් ඇයි? අඩු ළමයි ප්‍රමාණයක් ඒ විෂය තෝරා ගෙන තිබ්බේ කියන එක නම් මට ලොකු ගැටලුවක්.

සමහරවිට ඒක පාසල් විෂය ධාරාවට අලුතින් එක් කරපු විෂයක් නිසා වෙන්න ඇති.

තාරකා විද්‍යාව ගැන අපිට උගන්වන්න කලින්, සර්ට ඕන වුණේ ඒ පිළිබඳව අපිට තියන දැනීම  මැනලා බලන්න .

ඉතින් සර් ළමයින්ගෙන්  ඒ සම්බන්ධව විවිධ ප්‍රශ්න අහන්න ගත්තා,ඒ ප්‍රශ්ණ ඔක්කොටම වගේ  හැම ළමයෙක්ම හරි හරියට උත්තර දුන්නේ ලොකු උද්‍යෝගයකින්.  ඒත් එක ප්‍රශ්නයකට හැර.

' සූර්යයාට ආසන්නයෙන්ම ඇති දීප්තිමත්ම ග්‍රහලෝකයේ මොකක්ද?.'
කියලා සර් අහද්දි  ළමයින් එක්කෙනෙක්වත් ඒකට හරි උත්තරේ දැනගෙන හිටියේ නෑ.

ඒත් එකපාරටම මගේ කටින් "ඇල්ෆා සෙන්චූරි ඒ"
  කියලා කියවුණේ, මට ඒ ගැන හිතන්නවත් වෙලාවක් ඉතුරු නොකර.

ඇත්තටම මටත් පුදුමයි මං ඒ  ප්‍රශ්නයට උත්තරේ දැනගත්තේ කොහොමද කියලා.

මං මීට කලින් තාරකා විද්‍යාව ගැන සගරාවකින්වත්, ටෙලිවිෂන් වැඩසටහනකින්වත් දැකලා තිබුනෙ නෑ. තාරකා විද්‍යාවට, පිටසකවල ජීවින් ට සම්බන්ධයි කියලා මං මොනම හරි දෙයක් කරලා තිබුණා  නම් ඒ ඉතිං  'Ben ten ultimate aliens' වීඩියෝ ගේම් එක ප්ලේ කරපු එක විතරයි.

කොහොම නමුත් මගේ උත්තරේට සර් ගොඩක් සතුටු වුණ බවක් සර්ගෙ මුහුණෙන්ම මට හොදට පෙනුනා.

 ඒ වගේම පන්තියේ අනිත් ළමයිනුත් මං දිහා කට ඇරගෙන බලාගෙන හිටියේ හරියට වෙනත් ග්‍රහලෝකයකින් පාත් වෙච්ච පිටසක්වලයෙක් දිහා බලන් ඉන්නවා වගේ බැල්මකින්.

ඒත් එක්කම කියන්න ඕනේ, මහාචාර්යතුමා අපිට  තාරකා විද්‍යාව විෂයට අදාළ අලුත් තොරතුරු ගොඩක් කියලා දුන්නා. ඒ වගේම UFO  ගැනත් (Unidentified flying objects — හදුනා නොගත් පිටසක්වළ වස්තූන්.)

ඒත් එක්කම පාසලේ  පුස්තකාලයට ගිහින් ග්‍රහලෝක, තරු රටා, පිටසකවල  ජීවීන් ගැන තියෙන පොත් කියවලා අලුත් කරුණු රැස්කර ගන්න කියලත් මහාචාර්යය තුමා අපිට කිව්වා.

-----------------------------------------------------------------------------------------------------------

පැය තුනක තාරකා විද්‍යාව පාඩම හමාර කිරීමෙන් පසුව ජොෂුවා විද්‍යාගාරයෙන් පිටතට පැමිණියේ එක් අතකින් තම විෂයට අදාල පොත් ද අනිත් අත තම කලිසම් සාක්කුවේ ද රඳවා ගනිමින් ය.

මෙසේ තමන්ගේම කල්පනාවක වෙලෙමින් ඉදිරියට පැමිණි ජොෂුවා හට එකවරම නෙත ගැටුණේ තමාට මීටර තුනක් පමණ ඉදිරියෙන් ගමන් කරන හුරු පුරුදු ළමයාවය.

ඔහු දැකීමෙන් පියවි සිහියට පැමිණි ජොෂ් , වේගයෙන් ඔහු අසලට ගමන් කරන්නට වීය.

"අද නම් මං එයා එක්ක කතා කරලමයි නවතින්නේ."

" කරුණාකරලා පොඩ්ඩක් නවතිනවාද , මට සමාවෙන්න, මං මෙහෙම එකපාරටම ඇවිත් ඔයාගෙන් අහනවට, මේකයි.... මට ඔයාගෙන් දැනගන්න දෙයක් තියෙනවා.

ඔයා.... කලින් ඉදන්ම මාව අදුරනවද ?."

එවිට ජොෂුවා දෙස මද වේලාවක් ඇස් ලොකු කර ගනිමින් බලා සිටි ඔහු ' ඔව්' යැයි පැවසීමට තම හිස සිරස් අතට සැලීය.

" හ්හ... ලොකු දෙයක් . මම දැනගත්තා ඔයා මාව දන්නවා ඇති කියලා."

යැයි එවිට ජොෂ්, දිගු සුසුමක්ද පිටකරමින්, මුවගට සතුටු  සිනහවක් නගා ගනිමින් ඔහුට එසේ පැවැසීය .

" එතකොට මාත් ඔයාව දන්නවාද?."

යැයි නැවතත් ජොෂ්, ඔහුගෙන් යළිත් විමසීය.
එවිට නැවත හුරුපුරුදු ළමයා ' ඔව්' කීමට මෙන් තම හිස සැලීය.

"  හරි එතකොට .. ඔයත් මාව දන්නවා නම්, මාත් ඔයාව දන්නවා නම්  , මට දැනගන්න පුලුවන්ද ඒ කොහොමද කියලා ?."

යැයි ජොෂ් නැවතත් ඔහුගෙන් විමසන්නට වූයේ දැඩි කුතුහලයකිනි..

නමුත් ඒ සදහා සඳහා හුරු පුරුදු ළමයා පෙරළා ඔහුට ලබාදුන් පිළිතුර නම් ජොෂ්ගේ සතුටට හේතු නොවීය .

            🛸TO BE CONTINUE 🛸🛸🛸

ඔයාලා හිතන විදිහට හුරුපුරුදු ළමයා දුන්න පිළිතුර මොකක් වෙන්න පුළුවන් ද ?