Alpha - chapter 11

 

මගේ විද්‍යාව

" හරි ළමයි. දැන් හැමෝම විද්‍යාව පොත අරගෙන අද පාඩමට ලෑස්ති වෙන්න."

යනුවෙන් මිස් ග්ලෝරියා පන්තියට ඇතුළු වූ විගසම සිසුන් හට පවසන්නට වූවාය.

" මේ අවුරුද්දේ අපිට ඉස්සෙල්ලාම ඉගෙන ගන්න තියෙන්නෙ 'භෞතික විද්‍යා' පාඩමක්.

" ' භෞතික විද්‍යාව' ගැන කියද්දි අපිට විශේෂයෙන්ම සිහියට එන පුද්ගලයින් දෙදෙනෙක් ඉන්නවා. කාටහරි කියන්න පුළුවන් ද ඒ පුද්ගලයින් දෙන්නා කවුද කියලා?."

එවිට, " මිස් මම දන්නවා."
යනුවෙන් වරින් වර තම අත ඉහළට ඔසවමින් පිළිතුරු දෙන්නට වූයේ පන්තියේ පළමු පේළියේ  වාඩි වී සිටින, උපැස් යුවලක් පැලද සිටින ඩේවිඩ් ය.

" හොඳයි හැමෝටම ඇහෙන්න කියන්න බලන්න ඩේවිඩ්, ඒ අය කවුද කියලා?. "

" ඇල්බර්ට් අයින්ස්ටයින්, ඒ වගේම..... සර් අයිසැක් නිව්ටන්."

" බොහොම හොඳයි."
යනුවෙන් පවසමින් එවිට ඇය ඩේවිඩ් නැමැති සිසුවාව ප්‍රශංසා කරන්නට වූයේ ළමුන් සියලු දෙනාටම ඔහු හට අත්පොළසන් නාදයක් ලබාදෙන්නට පවසමිනි.

"ඉතින්  ළමයි අපි අද කතා කරන්න යන්නේ ඔය දෙන්නගෙන් එක්කෙනෙක් ගැනයි. ඒ  සර් අයිසැක් නිව්ටන් ගැන , එහෙමත් නැතිනම් ගුරුත්වාකර්ෂණ බලයේ පියා ගැන. "

" ඔයාලා දන්නවනෙ ළමයි, 'ගුරුත්වාකර්ෂණ බලය ' නැතුව අපිට මේ ලෝකේ පය ගහලා ඉන්න බැරි බව, අන්න ඒ වගේම තමයි, සර් අයිසැක් නිව්ටන් හිටියේ නැත්නම් අපිට 'ගුරුත්වාකර්ෂණ බලය'  කියන්නේ මොකක්ද කියලා වත් දැන ගන්න ලැබෙන්න එකක් නෑ."

" එතකොට මිස් ඔය අයිසැක් නිව්ටන්ට ' ගුරුත්වාකර්ෂණ බලය' හොයාගන්න පුළුවන් වුනේ එයා මිදුලේ බංකුවක් උඩ වාඩි වෙලා ඉද්දි ,ඇපල් ගෙඩියක් ඔළුවට වැටිච්ච හින්දා කියලා කියන කතාව ඇත්තක් ද?."
යැයි පන්තියේ පසුපස පේලියේ වූ ළමයෙකු එකවරම ගුරුතුමියගෙන් මෙසේ විමසීය.

" ඔව් මාරියෝ, ඒක ඇත්තක් . මොකද එහෙම තමයි පොත පතේ සදහන් වෙන්නේ. " යනුවෙන්  ගුරුතුමීය ඊට මෙසේ  පිළිතුරු දෙන්නට විය.

"එතකොට මිස් ,බැරිවෙලාවත් නිවුටන් ඇපල් ගහක් යට වාඩි වෙන්නෙ නැතුව, දූරියන් ගහක් යට  වාඩි වුනා නම් නිව්ටන්ට මොනවා වෙයිද ?." 🤔🤔

"වෙන මොනව වෙන්නද, එහෙම වුණා නම් එයාට කෙළින්ම යන්න වෙන්නේ හොස්පිට්ල් එකට තමයි. " 🤣🤣
යනුවෙන් ඊට  එසේ පිළිතුරු දෙන්නට වූයේ, මාරියො අසලින්ම වාඩි වී සිටි පැන්තර් යන සිසුවායි. .

මොවුන් දෙදෙනාගේ මෙම විහිළුවට ජොෂුවා ඇතුළු පන්තියේ ළමුන් බහුතරයක්ම වාගේ සිනහ  වුවද, විද්‍යා ගුරුවරිය වන මිස් ග්ලෝරියා හට නම් මෙම කවට කම එතරම්ම සිත් ගත්තේ නැත .

එමෙන්ම මෙම විහිළුවට ප්‍රතිචාර ලෙස, පන්තියේ සෙස්සන්ගෙ සිනා හඬ වැඩි වනවාත් සමගම ගුරුවරියගේ කෝපය ද දෙගුණ තෙගුණ වන්නට වූවේය.

" මයිකල්!.... ( මාරියෝ ගේ සැබෑ නම) පීට් !.... තමුසෙලා දෙන්නා මේ පාරත් මාව සෙල්ලමකට ගත්ත ද , මේ සැරේ නම් මං තමුන්ලා දෙන්නවම මේ ඉස්කෝලෙන් එලවලාමයි පස්ස බලන්නේ."

යනුවෙන් ගුරුවරිය ඔවුන් හට බැන වදින්නට වූයේ තම කෝපය පාලනය කර කර ගැනීමට බැරිම තැනය.

මෙලෙස මාරියෝ සහ පැන්තර් හට දොස් පවරමින් සිටි ගුරුවරියගේ දොස් පැවරීම අවසන් වන්නට වූයේ පාඩම අවසාන කිරීමේ සීනුව නාද වීමත් සමගය.

පසුව ඇය පන්තියෙන් ඉවතට යන්නට වූයේ ද, කෝපය නිසා ඇවිලී ගිය තම මුහුණ රාස් බෙරි ගෙඩියක් මෙන් රතු කර ගනිමින්ය.🔥😡😡

Joshua 's pov :

මට අර අභිරහස් ළමයගෙන් මුකුත්ම අහන්න බැරි වුණා ,මොකද මං ඒ ගැන අහන්න යද්දිම තමයි මිස් ග්ලෝරියා පන්තියට කඩන් පාත් වුණේ.

  පස්සේ  මං හිතාගත්තා ' කමක් නෑ ජොෂුවා ,කොහොමහරි අද දවස ඇතුලත ඉස්කෝලේ ඇරෙන්න ඉස්සෙල්ලා, ඔයා ඒ ළමයගෙන් මේ ගැන අහන්නම ඕනේ ' කියලා . අන්න ඒ විදිහට මං මාවම පොරොන්දු කරගෙන ඊළග විද්‍යාව පාඩමට ලෑස්ති වුණා .

විද්‍යාව කියන්නේ; මම මේ ඉස්කෝලෙට එන්න කලින්, මං ආස කරපු එකම විෂය .

විද්‍යා විෂයට කැමැති වෙන්නත් මට හේතු දෙකක්ම තිබුණා.

ඒ අතුරින් පළවෙනි එක තමයි 

*අලුත් අලුත් දේ හොයාගන්න . එහෙමත් නැත්තම්  නව සොයාගැනීම් වලට මට තියෙන විශේෂ උනන්දුව.

ඒ වගේම  අනෙක් විශේෂම හේතුව තමයි, 

*අපේ තාත්තා අකමැතිම විෂය විද්‍යාව  වීම.

තාත්තා නිතරම වගේ කියන්නේ විද්‍යාව කියන්නේ මිනිස්සු ආගම දහමෙන් ඈත් වෙන්න ගොතා ගත්ත බොරු රංගනයක් කියලයි . ඒ වගේම එයා ' පරිණාම වාදයටත් ' ගොඩක් වෛර කරනවා.
'මැවුම් වාදය'  තමයි අදටත් එයාගේ පරමාදර්ශය වෙන්නේ.

එයා අහනවා 'මිනිස්සු වානරයන්ගෙන් බිහි වුනා කියන එක වෙන්න පුළුවන් දෙයක් ද? ' කියලා , තව මිනිස්සු කියන සංවර ජීවීන් කොට්ඨාශය වානරයින් වගේ අසංවර පිරිසකගෙන් බිහි වුනා කියන එක කොහොමටවත්ම වෙන්න බැරි දෙයක් ලු .

මට නම් දැන් එයා එක්ක මේ ගැන තර්ක කරල ඇති වෙලායි තියෙන්නෙ.

කොහොම නමුත් තාත්තා විද්‍යාවට වෛර කරන්න. කරන්න ,මම විද්‍යාවට ආදරය කරන්න පටන් ගත්තා. එයා විද්‍යාවෙන් ඈත්වෙන්න ඈත්වෙන්න මං විද්‍යාවට තව තවත් ලං වුණා.

මට නම් දැනෙන්නේ ,විද්‍යාවයි මගෙයි අතර තියෙන සම්බන්ධය විශේෂ එකක් කියලයි. ඒකට නමක් දුන්නොත් ,  'ආත්මීය බැඳීමක්' කියලා දෙන්න පුළුවන්.

මං පන්තියේ අනිත් විෂයන් වලට කම්මැලි ළමයෙක් වුණත් විද්‍යා විෂයේ දී මං ගොඩක් උද්යෝගිමත්.

ඒත් මිස් අහපු  ප්‍රශ්න වලට උත්තර දැනගෙනත්;  මං ඒවට උත්තර දෙන්න ගියේ නැත්තේ ,අර කම්මැලිකම කියන අමුතු ජීවියා මගේ ඇඟේ පැල් බැඳගෙන හිටපු නිසයි .🙃🙃

මං උත්තර දුන්නේ නැති වුණාට මොකද , පන්තියේ ඉස්සරහ පේලියේ වාඩිවෙලා හිටිය ඩේවිඩ් නම් ඒකට පැන ගෙන ම උත්තර දුන්නා.

  ඩේවිඩ් කියන්නේ හරි අමුතු ළමයෙක්. සාමාන්‍ය ව්‍යවහාරයෙන් කිව්වොත්, ' පොත් ගුල්ලෙක්' .

මොකද එයා අද උදේ ඉඳන්ම කළේ මොකක්දො පොතක් අරගෙන හරි හරියට කියවපු එක.

පොත් කියවෙන වෙලාවට නං එයාට මේ ලෝකේ සිහියක් නෑ .අඩුම තරමේ පන්තිය ඇතුලට සුනාමියක් ආව කියමු ,ඒත් එයා පොත් කියව කියව ඉදි .🙄🙄

ඒ උනාට මාරියොයි , පැන්තරුයි කියන්නේ නම් ඊට හාත්පසින්ම වෙනස් චරිත දෙකක්.
මිස් ග්ලෝරියා , එයාල කරන වැඩ වලට ඒ දෙන්නට කන් වල ඇඟිලි ගහගන්නම බැන්නත්, එයාලා නෙමෙයි ඒවා කනකටවත් ගණන් ගත්තෙ .

දැනගන්න ලැබුණ විදිහට නම් ඒ දෙන්නා හැමදාමත් මෙහෙමලු හැසිරෙන්නේ ,මට වෙලාවකට පුදුමයි මේ වගේ ඉස්කෝලෙක මෙහෙම ළමයි දෙන්නෙක් , යහතින් ඉන්න එකත්.

පස්සේ තමයි මම දැනගත්තේ මේ මාරියෝ කියන්නේ අපේ principal සර්ගෙ එකම පුතා කියලා. එතකොට පැන්තර් තමයි එයාගේ හොඳම යාළුවා.

මෙයාලගේ රජ තුන් කට්ටුවේ තව එක් කෙනෙක් ඉන්නවාලු. අද එයා අසනීපයෙන් නිසා  ඉස්කෝලෙ ඇවිත් නෑ.

කාට හරි හිතෙන්න පුළුවන්, මං එක දවසින් මෙච්චර දේවල් දැනගත්තෙ කොහොමද කියලා. මේ සේරම ඉතින් මට දැනගන්න ලැබුනෙ පන්තියේ 'රේඩාර්' එක වෙච්ච ඩැනියෙල් ගෙන් තමයි.

ආ ! තවත් දෙයක් තියෙනවා. මාරියො , පැන්තර් ,කියන්නේ එයාලාගෙ ඇත්ත නම් නෙමෙයි. ඒවා එයාලා ඉස්කෝලේ ඇතුලේ ජනප්‍රිය වෙන්න දාගත්ත නම් ලු .

එයාලගේ ඇත්ත නම් තමයි මයිකල්, ඒ වගේම පැට්‍රික් .

කොහොම නමුත් මිස් ග්ලෝරියා පාඩම උගන්වනවාට වඩා , බනින්න වෙලාව ගත්ත නිසා ඉක්මනටම පීරියඩ් එක ඉවර වුනා.

ඒ එක්කම ඉස්කෝලේත් ඇරුණා . ළමයි ඔක්කොම ගෙදර යන්න පොත් බෑග් අස් කර ගන්න පටන් ගත්තා.

  ඉතින් මාත් මගේ පොත් බෑග් එක ඉක්මනටම අස් කරගෙන අර අභිරහස් ළමයා දිහාවට හැරුනේ, අර දේ ගැන අහන්නම්  කියලා හිතාගෙන, එතකොටම මිස් හෙලේනා පන්තියට ආවා.

හුරුපුරුදු ළමයා තවමත් හිමීට බිම බලාගෙනම එයාගේ පොත් බෑග් එක අස් කර කර හිටපු නිසා, මං මිස් හෙලේනා ළඟට ගියේ උදේ මට පුරවන්න දුන්න ෆෝම් එක ඉක්මනටම මිස් ට භාර දීලා ,ඒ ළමයා එක්ක ගිහින් කතා කරනවා කියලා හිතාගෙන.

👦:  "මිස් මෙන්න, මිස්  උදේ දුන්න ෆෝම් එක. මං ඒක පුරවලා ඉවරයි."

👩‍🏫: " ඕ! බොහොම ස්තූතියි මිස්ටර් ඇන්ඩර්සන්. හොඳටම විශ්වාසයි නේද හරියට ෆිල් කළා කියලා. ඔන්න මොකක් හරි අමතක වුනා කියලා ආයෙ මාව හොයාගෙන එනවා නෙමෙයි.

මොකද මම දැන්ම ගිහිල්ලා මේක පින්සිපල් සර්ට බාර දෙන්නයි යන්නේ."

👦: " නෑ මිස්, කිසිම වෙනසක් වෙන්නේ නෑ.  මට හොඳටම විශ්වාසයි. "
කියලා මම මිස් ළඟට ගිහින් ඇවිත්, අර ළමයා හිටපු දිහාවට හැරුනා විතරයි, එයා අතුරුදහන්.

කොහොමද එහෙම වෙන්නේ. දැන් ටිකකට කලිනුත් එයා මෙතන හිටිය නේ. බැරි වෙලාවත් එයා හොල්මනක්වත් ද ?.😱😱

'පිස්සුද මෝඩයෝ ,හොල්මන් කියලා දෙයක් මේ ලෝකේ නැහැ '
කියලා මං මගේ ඔළුවටම ගහ ගත්තේ ආයෙත් පියවි සිහියට එන්න .

දැන් මොකද කරන්නේ, මම අද එයාගෙන් අහන්න මයි හිටියේ; මට හෙට වෙනකම් නම් තවත් ඉවසන් ඉන්න බෑ කොහොමටවත්ම.
මොකද ,මගේ ඉවසීම කොහොමටවත්ම හොඳ තත්වයක නැහැ.

ඒ නිසා මං ඉක්මනටම ගිහින් එයාව කොහොම හරි හොයා ගන්න ඕනේ. ඒත් මම මේ ඉස්කෝලේ ඇතුළේ කොහොම කියලා එයාව හොයන්නද? . මං අද නේ මේ ඉස්කෝලේට ආවෙත්.

ඇත්තටම මට පිස්සු  හැදීගෙනවත් එනවද?. මං මොකදටද , හරියට අදුරන්නේවත් නැති  ළමයෙක්ව හොයාගන්න මෙච්චර මහන්සි වෙන්නේ.

          

 🛸 TO BE CONTINUE 🛸🛸🛸

ඔයාලා මොකද හිතන්නේ ජොෂුවාට කුතුහලයක් ඇති කරන ළමයා කවුරු වෙන්න ඇතිද ?.
ඒක හරියටම දැනගන්න ඕනේ නම් Alpha එක්ක දිගටම රැදිලා ඉන්න වෙනවා හරිද .🤗

   

Alpha - chapter 10

 

දෙවියන්ගේ දූතයා

ජොෂුවා තමා හිද සිටි ස්ථානයේම සිටිමින් කවුළුවෙන් පිටත බලන්නට විය.

එවිට ඔහුට දැක ගත වූයේ පාසලට මදක් ඈතින් පිහිටි කොළ පැහැති තණ පිට්ටනියකි .

එහි ලා දළුවලින් අලංකාරවූ විලෝ ගහක් තිබිණි. .තණ පිට්ටනියේ පැවති මද සුළඟ නිසා විලෝ ගහේ අතු සැලීම ජොෂ් හට පෙනෙන්නට වූයේ හරියට, විලෝ ගස ඈත සිට තමාට ආචාර කරමින් අත වනන විලසට ය.

මේ වන විට පන්තියේ පැවැති දැඩි නිශ්ශබ්දතාවයද හේතුවෙන්,  කවුළුවෙන් පිටත පෙනෙන පරිසරයේ සුන්දරත්වය රස විදීමට ජොෂුවා හට කිසිදු බාධාවක් නොවීය.

නමුත් පන්තියේ පැවති මේ දැඩි නිශ්ශබ්දතාවය එකවරම බිඳ දමමින් ඒ මොහොතේ පන්තියට පැමිණියේ ජොෂුවාගේ පන්ති භාර ගුරුතුමිය වන, මිස් හෙලේනා ය.

👩‍🏫: " ඔයාලා හැමෝම දන්නවනේ, මේ අවුරුද්දේ අපේ පාසලට අළුතින් ළමයි ගොඩක් ආව බව, ඒ අතුරින් පස් දෙනෙක්ම ඉන්නෙත් අපේ පන්තියේ කියල. 

ඉතින් මං දැන් මේ මගේ අතේ තියන කොළ එක බැගින් ඒ පස් දෙනාට බෙදන්නයි යන්නේ."

👦: " මිස් ඔය කොළවල මොනවද තියෙන්නෙ ?."
යනුවෙන් පන්තියේ සිටි එක් සිසුවෙක් එකවරම අසන්නට විය.

👩‍🏫: "හොඳ ප්‍රශ්නයක් කෙවින් ,මේ කොළවල තියෙන්නෙ, ඔයාලා මේ පාසලේදී හදාරන්න ඕන අමතර විෂයයන් පිළිබඳ විස්තර.

 තවත් පැහැදිලිව කිව්වොත්, ප්‍රධාන විෂයන් වන ගණිතය, විද්‍යාව, ප්‍රංශ, ඉංග්‍රීසි යන විෂයයන් වලට අමතර විෂයයන් ලැයිස්තුවක් තමයි මේ.

 හැබැයි හොඳට මතක තියාගන්න මේ අමතර විෂයන් විසි එකෙන් ඔයාලට තෝරගන්න පුළුවන් එක විෂයයි. ඒ නිසා ඔයාලා තෝරාගන්න හදන විෂය හොඳට හිතලා බලලා තෝරගන්න.

අනිත් එක අපේ පාසලේ විශේෂ නීතියක් තියෙනවා. ඒක තමයි ඉස්කෝලේ හැම ළමයෙක්ම මොකක්ම හරි ක්‍රීඩාවකට යොමුවෙන්න ඕන කියන එක.

ඒ නිසා ඔයාලා මේ අයදුම් පත්‍රය පුරවද්දි  අනිවර්‍යයෙන්ම මතක් කරලා ඔයාලා  කරන්න ලෑස්ති වෙන ක්‍රීඩාව ඉස්සරහින් හරියක් දාන්න. 

 මං දැන් කියපු හැම දෙයක්ම ඔයාලාට පැහැදිලි වෙන්න ඇති කියලා මං හිතනවා.  කලබල වෙන්න ඕනේ නෑ. ඔයාලා මේ සතිය ඉවර වෙන්න කලින් මට ඔය කොළ ටික පුරවලා බාර දුන්නා නම් හරි. හැබැයි ඉතින් ඔය ටික ඉක්මනින්ම භාර දෙන තරමට ඔයාලට හොඳයි."

යනුවෙන් ඒ පිළිබදව දීර්ඝ විස්තරයක් කිරීමෙන් අනතුරුව ගුරුතුමිය, තම අතේ තිබූ කඩදාසි  එක බැගින් ගෙන නව සිසුන් හට ඒවා බෙදා දෙන්නට විය.

Joshua 's pov :

මිස් හෙලේනා මගේ අතට කොළේ බෙදනකල්ම මට කිසිම අදහසක් තිබ්බේ නෑ, මම අමතර විෂයක් විදියට තෝරගන්න ඕනේ මොන විෂයද කියලා. ඒ වගේම ක්‍රීඩාවකුත් .

ඒ නිසා මං හිමින් සීරුවෙ අතේ තියෙන කොලේ කියවන්න පටන් ගත්තේ ,එකේ තියෙන්නේ මොන වගේ විෂයන්ද කියල බලන්න .

1 .ඉතිහාසය

2 .කාය විච්ඡේදන  විද්‍යාව

3 .තාරකා විද්‍යාව

4 .මනෝ විද්‍යාව

5 ."            "

6 ."             "

7 ."               "

21. "              "

ඔය වගේ විෂයන් විසි එකක්ම ඒ ලැයිස්තුවේ තිබුණා.

මං ගිය හැම පාසලකම වගේ ඉතිහාසය අනිවාර්ය විෂයක් වුණත්, ස්ටැන්ටන් වලදි නම් ඒක එහෙම නෑ වගේ.

ඇත්තටම ඒක දැනගත්ත ගමන් මට ලොකු සහනයක් දැනුණා. මොකද ඉතිහාසය කියන වචනයත්  මට අප්‍රිය වෙලා තිබුණේ.

ඇත්තටම මොකටද පාසලක විෂය පද්ධතියට ඉතිහාසය කියලා විෂයක්.
මේ වගේ විෂයන් කවුරු පොත් වලට දානවද මන්දා. 

දැන් ඉතින් මට ඉතිහාසය කියන විෂය, තෝරගන්න තියෙන විෂයන් ලැයිස්තුවෙන්   සම්පූර්ණයෙන්ම අයින් කරල දාන්න පුළුවන්.
 එතකොට මට තවත් ඉතුරු වෙලා තියෙන්නේ විෂයන් 20 යි.

ඒත් වැඩේ කියන්නේ, ඒ එක විෂයක් ගැනවත් මට හරි අවබෝධයක් නැහැ. මොකද ඒවා ඒ තරමටම බරපතලයි. 

ඉතින් මං විෂන් තෝරගන්න එක ටිකකට පැත්තක තියලා ක්‍රීඩාවක් තෝරගන්න හිතුවා .ඒ කොටසෙත් වෛවර්ණ ක්‍රීඩාවන් ගොඩක් තිබුනා .

1 සොකර්  ⚽⚽⚽

2  ඇමරිකන් පාපන්දු 🏉🏉🏉

3 පිහිනීම  🏊🏊🏊

4 බේස් බෝල් ⚾⚾⚾

5"       "

6 "        "

10 "       "

ඔය වගේ විවිධ ක්‍රීඩාවන් ලැයිස්තුවක්. 

හැබැයි ඒ අතුරින් නම් මට එකක් තෝරගන්න එක එච්චර අමාරු  වුනේ නෑ . මොකද මං මගේ ආත්මය සේ සලකන soccer ක්‍රීඩාවත් එතන තිබුණ නිසා.🤗🤗

මං කලින් පාසල් වලදී නම්  soccer සෙල්ලම් කරලා නෑ .

ඒ නිසා මට සෝකර් සෙල්ලම් කරන විදිහ ගැන කිසිම අත් දැකීමකුත් නෑ. හැබැයි මට ප්රේක්ෂකයෙක් විදිහට නම් ඒ ගැන හුගක් අත්දැකීම් තියෙනවා.

ඉතින් මං තවත් දෙපාරක් හිතන්නේ නැතිවම soccer කියන තැන ළගින් හරියක් දැම්මා.

ඇත්තටම මේ ප්රශ්නාවලිය වෙනස් කරන්න බැරි වෙයි ද දන්නෙ නෑ. හරියට විෂයක් තෝර ගන්නවා වෙනුවට, තව ක්‍රීඩාවක් තෝර ගන්නවා වගේ දෙයක් .🤔🤔

මොකද මට ඉගෙන ගන්නවා කියන එක තරම්, කම්මැලි වැඩක් තවත් ඇත්තෙම නෑ.

.

.

.

.

.

මද වේලාවකට පසු ජොෂ්ගේ විද්‍යා ගුරුවරිය වන ග්ලෝරියා ස්කොට් මහත්මිය පන්තියට පැමිණියේ ය.

නමුත් ඇය පන්තියට පැමිණියේ තනිවම නම් නොවේ , ඒ තවත් පුද්ගලයෙකු සමගයි.

බැලූ බැල්මට නම් ඇය සමග පැමිණි පුද්ගලයාගේ පෙනුම ඉතා කඩවසම්ය.  එමෙන්ම ඔහු ඉතා  බුද්ධිමත් අයෙකුද වනවාට සැක නැත.  තවද ඔහුගේ පෙනුමෙන් ඔහු ජොෂුවාගේ පියාට වඩා මදක් බාල අයෙකු යැයි කිව හැකිය.

එනම් ඔහු අවුරුදු තිස් පහත් හතළිහත් අතර වයසක පසුවන අයකු බවට කිසිදු සැකයක් නැත.

" සුභ දහවලක් වේවා ළමයිනේ!. "
යැයි ග්ලෝරියා මහත්මිය සිසුන් හට පන්තියට පැමිණි විගසම සුබ පැතීය.

" ඔයාල බලනව ඇති නේද, මේ මගෙත් එක්ක ඉන්න  කඩවසම් පුද්ගලයා කවුද කියලා.

" හරි , එහෙම නම් මං ඔයාලාට මගෙත් එක්ක ආව මේ පුද්ගලයාව හදුන්වලා දෙන්නම්. මේ තමයි ඔයාලාගේ අලුත් තාරකා විද්‍යා ගුරුවරයා මහාචාර්‍යය ජෝන්ස්. "

"ඔයාලා දන්නවා ඇතිනේ, අපේ කලින් තාරකා විද්‍යා මහාචාර්යවරයා වෙච්ච මහාචාර්‍යය හෝකින්ග්ස් විශ්‍රාම ගිය බව , ඉතින් අද ඉදන් ඒ අඩුව පුරවන්නේ මේ ප්‍රොෆෙසර් ජොන්ස්. "

Joshua 's pov :

මිස් ග්ලෝරියා අලුතින් ආපු සර්ව අපට හඳුන්වාලා දෙද්දී ,අප්පේ බලන්න තිබ්බේ මිස්ගෙ මූණේ තිබ්බ පැණි පාට. 🤭🤭🤭

මොනවා වුනත් අලුතින් ආපු  සර් නිතරම හිනා වෙලා සතුටින් ඉන්න කෙනෙක් වගෙයි  පෙනෙන්නේ.

මොකද , ළමයි ඔක්කොම එයා ඇඳන් හිටපු  මල් වැටුණු කමිසයට විහිලු කරන්න පටන් ගත්තත් එයා නෙමෙයි ඒවා එකකටවත් කේන්ති ගත්තේ . ඒ වෙනුවට එයා කළේ හිනා වෙලා බොහොම සතුටින් ඒ දේවල් භාර ගත්ත එක.

හැබැයි ඉතින් සර්ට කියපු දේවල් වලට සර්ට වඩා තරහ ගත්ත කෙනෙකුත් එතන හිටියා.

.

.

.

මහාචාර්‍යය ජෝන්ස්  අලුතින් ආපු ළමයින්ට තාරකා විද්‍යාවේ තියෙන වැදගත්කම බොහොම අපුරුවට පැහැදිලි කළා .

ඒ වගේම සර් වැඩ කරන ආයතනය වෙච්ච  The National  Aeronautics And Space Administration ( NASA ) එක ගැනත්.

ඔව්, එයා නාසා එකේ තාරකා විද්‍යාඥයෙක්. සර් අමතර රැකියාවක් විදිහට තමයි අපේ පාසලේ ළමයින්ට තාරකා විද්‍යාව ගැන කියලා දෙන්න ඇවිත් ඉන්නේ. හැබැයි ඒකත් පාසලෙන් කිසිම අය කිරීමක් නොකර නොමිලේ. එහෙම බැලුවොත් මහාචාර්‍යය තුමා, විද්‍යාඥයෙක්, ගුරුවරයෙක් විතරක් නෙමෙයි හොද සමාජ සේවකයෙක්.

 මුදල් වෙනුවෙන් වැඩ කරන මේ වගේ සමාජයක මෙහෙම මිනිස්සුත් ඉන්නවා කියන එකත් පුදුමයක්. ඇත්තටම සර් නම් මනුෂ්‍යයෙක් නෙමෙයි මට නම් දේවදූතයෙක් .👼👼👼

මං හිතන්නේ මම ඉස්සරහට කරන්න ඕන අමතර විෂය ගැන ඉගියක් මට දැන් හම්බවුණා .

අලුත් සර්ගෙ කතාවෙන් පස්සෙ මිස් ග්ලෝරියා, අපිට එයා එනකම් නිශ්ශබ්දව පන්තියට වෙලා ඉන්න කියලා පන්තියෙන් එලියට ගියේ, අලුත් සර්ව ගිහින් ඇරලවන්න .

දන්නවනේ ඉතින් ආගන්තුක සත්කාර. 🤭🤭

මිස් එනකම් පන්තියට වෙලා වාඩි වෙලා ඉද්දි , මට හරි අමුත්තක් දැනෙන්නෙ ගත්ත . හරියට මගේ දිහා කවුරුහරි බලාගෙන ඉන්නවා වගෙ.

ඉතින් ඒ ගමන්ම මං හැරිලා පන්තියේ ඉන්න ළමයි එක එක්කෙනා දිහා බැලුවේ, කවුද මගේ දිහා බලන් ඉන්නේ කියලා හරියටම දැනගන්න.

ඔව් ,  පුදුමයක් නෑ ආයෙත් ඒ එයා.  මට හුරුපුරුදු ගතියක් තියෙන ළමයා . ඉතින් කලින් වගේම දැනුත් මං එයා දිහා බලපු ගමන්ම එයා අහක බලාගත්තා.

මේ සැරේ නම් හැබැයි එයා.... මොකක්ම හරි දේකට ටිකක් බය වෙලා වගේ හිටියේ.

ඇත්තටම කවුද ඔයා?.

මගේ ඔළුවේ තියෙන මේ අවුල, මේ දැන්මම ලිහාගන්නවා කියලා හිතාගෙන මං එයා ළගට ගියා.

" සමාවෙන්න. මට ඔයාගෙන් දෙයක් දැනගන්න ඕනෙ.  ඔයා මාව කළින් ඉදන්ම අදුරනවද?."

කියල මං අහන්න  යද්දිම....

          🛸 TO BE CONTINUE 🛸🛸🛸