Alpha ─ chapter 32

තනි තරුව

 " ඇල්ෆා කියන නමට තවත් අර්ථයක් තියෙනවා.
හැබැයි .. මේක මං කලින් කිව්ව හේතු දෙක වගේ සැබෑ ලෝකයට සම්බන්ධ වෙන්නේ නම් නෑ .

ජොෂ් !,  ඔයා අහල තියෙනවද, වෙයා වුල්ෆ්ස්ලා  සම්බන්ධ මිත්‍යා කතන්දර ගැන ?.

අර්ධ මිනිස් ;අර්ධ වෘක වර්ග ගැන ?."

 " ආ .. ඔව්, ඒවා ගැනනම් මං ටිකක් දන්නවා.

 මොකද මම.. වෙයා වුල්ෆ්ස්ලා එතකොට vampires ලා සම්බන්ධ  චිත්‍රපට කිහිපයක්ම බලලා තියෙනවා .

 හරි මට මතකයි;
වෘක මිනිස්සුන්ට , එයාලටම කියලා වෙන්වුන විශේෂ පදවි තියනවා.
 ඇල්ෆා , බීටා , ඔමෙගා කියලා.

එතනිමුත් ඇල්ෆා තමයි ඉහළම පදවිය.  එහෙම නැත්නම් රැලේ ශක්තිවන්තම පිරිමියා වෙන්නෙත්.

Alpha කුලයේ  නිතරම දකින්න ලැබෙන්නෙත් පිරිමි අය . 🐺🐺

ඒ වගේම beta,  මෙයාලගේ ගැහැනු පිරිමි දෙපාර්ශවයම ඉන්නවා.

ඇල්ෆලාට වඩා ටිකක් පහත්, ඒත් ඔමෙගාලාට වඩා ටිකක් උසස් කුලයක් තමයි මේ බීටා  කියන්නේ.

එයලාගෙ ප්‍රධාන රාජකාරිය තමයි ශක්තිමත් Alphaලා වෙනුවෙන් යටහත් පහත්ව සේවය කරන එක.

එතකොට ඔමෙගා , වෘක රැලක පහත්ම කුලය,  ඒ වගේම  වෘකයින් අතර අසරණම , දුක්ඛිතම පිරිස මෙයාලා කියලා කිව්වත් වැරදි නෑ .
එයාලාට හැමවෙලේම වෙන්නේ ඇල්ෆා නායකයින්ගේ ආශාවන්, අවශ්‍යතාවයන් වෙනුවෙන්  තමන්ව පරදුවට තබන්න වෙන එක .

වගේම හැම රැලකම ප්‍රජනන ක්‍රියාවලියේ  මූලික පුරුක වෙන්නෙත් මේ ගැහැණු ඔමෙගාවන්."

ජොෂුවා , මෙලෙස එක හුස්මට වෘක මිනිසුන් පිළිබඳව තම විස්තරය සම්පූර්ණ කරන්නට වූයේ  මහත් උද්යෝගයකිනි.  සැබැවින්ම ඒ මොහොතේදී ඔහු හට හුස්ම ගැනීම පවා අමතක වී ගොස් තිබුණි .

ජොෂුවාගේ මෙම විස්තර කිරීමට සාවධානව සවන් දී සිටි මහාචාර්යවරයා සතුටු සිනාවක් සමගින් තම දෑත් එක්කොට අත්පොළසන් නද දෙමින් ජොෂුවාව මෙලෙස ප්‍රශංසා කරන්නට කළේය.

 " ෂා.. නියමයිනෙ ඇල්ෆා !..
මං හිතුවටත් වඩා ගොඩක් හොදට ඔයා වෘක මිනිස්සු ගැන විස්තර දන්නවනේ.
ඔයා නම් වචනයේ පරිසමාප්ත අර්ථයෙන්ම ඇල්ෆා කෙනෙක්ම තමයි." 

 " ඒත් සර් , මේ ..
වෘක මිනිස්සු ගැන කතා තනිකරම මිත්‍යාවක්ම විතරයි නේද ?."

"  ඔව්;  ඒක ඇත්ත .
හැබැයි මේ දේවල්  විද්‍යාව තුළ ජීවත් වෙන අපි වගේ මිනිස්සුන්ට මිථ්‍යාවක් විතරක් වුනාට පැරණි සමාජයේ ජීවත් වෙච්ච, තාමත් පැරණි ඇදහිලි එක්ක ජීවත්වෙන, නූගත් මිනිස්සුන්ට එයාලගේ ජීවිතය හා බැඳුණු බොහොම වටිනා දේවල් .

" ඔයා දන්නවද ජොෂුවා , සමහර මිනිස්සු මේ වගේ කතා තමන්ගේම ජීවිත කතාවටත් වඩා විශ්වාස කරනවා; අදහනවා ."

---------------------------------------------------------------------------------------------------------------

දින කිහිපයක් පුරාවට පාසල් සගයන් සමග තම කාලය ගත කළ ජොෂුවා , නැවතත් සුපුරුදු පරිදි තම දින චර්යාව ආරම්භ කළේය.

පාසලේ තාරකා  රාත්‍රියෙන් උපරිම ඵල නෙලා ගන්නට ඔහු සිතා සිටිය ද ,  හදිසියේ ඇති වූ අසනීප තත්වය හේතුවෙන් එය කිරීමට නොහැකි වීම පිළිබඳව ඔහු  තුළ මද කණගාටුවක් පැවතුනද , එහි දී තමාට නව මිතුරන් මෙන්ම දින ගණනාවක් පුරාවට තම මනසට කුතුහලය ජනිත කළ එක් පැනයකට ද පිළිතුරු ලබා ගැනීමට හැකිවීම පිළිබඳව ඔහු මහත් ප්‍රීතියකින් පසුවන්නට විය .

  දින කිහිපයකට පසු තම නිදන කාමරයට යාබදව ඇති සඳලුතලයට පිවිසෙමින් රාත්‍රී අහස දෙස බලා සිටි ජොෂුවා හට එකවරම අහසේ දීප්තිමත්ව බැබලෙමින් ඇති තරුවක් දිස්විය . 🌟

එම තරුවේ දීප්තිමත් ආලෝකයෙන් මෝහනයට පත් වී සිටි ජොෂුවා හට එකවරම තම ගුරුවරයා පෙරදින තමා හට පැවසූ එම වදන් සිහිපත් විය.

" ජොෂුවා !, ඔයා රෑ අහස දිහා බලන්  ඉද්දි .. ඔයා දැකලා තියනවද .. අනිත් තරුවලට වඩා ටිකක් විශාල, දීප්තියෙන් වැඩී හුදකලා තරුවක් එහෙම .

හරියට අහසේ කෙළවරක විදුලි බුබුලක් දල්වලා තියෙනවා වගේ.

ඔයා දන්නවද ඒ  තරුව මොකක්ද කියලා?. ඒ තමයි අපි කවුරුත් දන්න ඇල්ෆා සෙන්චූරි  A .

එයත් හරියට ඔයා වගේ. හුගක් ලස්සනයි ,ඒ වගේම දීප්තිමත් . හැබැයි හුදකලාවේ තමයි ඉන්නේ.  

කොච්චර දීප්තිමත්ව බැබළුණත් විද්‍යාඥයින්ට පවා එයාව හොයාගන්න ටිකක් කල් ගත වුණා.

ඔයාවත් මට පේන්නේ  හරියට අන්න ඒ වගේ.
ඔයා තුළ වටිනාකම් ගොඩක් තියෙනවා. ඒත් ඒවා කාටවත් තාම පේන්න අරන් නෑ ,  කොටින්ම කිව්වොත් ඔයාටවත්.
ඒත් මට විශ්වාසයි  කවදාහරි ඔයාටත් Alpha century  A ට වගේ මේ ලෝකෙ බබළවන්න පුළුවන් වෙයි කියලා නම්." 

.

.

.

"එහෙනම් ඔයා තමයි සර් කිව්ව ඒ.. ඇල්ෆා සෙන්චූරි A"

Joshua' s pov :-

මම හදවතින්ම වැටෙන හැම මොහොතකම වගේ මං ඒ තරුවෙන් එන දීප්තිමත් එළිය ගැන .. අද ඉඳන් හිතන්න තීරණය කළා.

සර්  මට කිව්වේ අහසින් පොළොවට උල්කාපාත වර්ෂාවන් කඩා හැලෙනවා වගේ ,  අපේ ජීවිතවලටත් ඉඳලා හිටලා ප්‍රශ්ණ  එනවා, ඒත් අපි ඒවට සතුටින් මුහුණ දෙන්න ඕන කියලයි.
ඒ වගේම ප්‍රශ්න නැති මිනිස්සු මේ ලෝකෙ කවුරුත්ම නෑ.

අනිත් එක ප්‍රශ්න වලින් තමයි අපි අපේ ජීවිතයට අලුත් අත්දැකීම් ලබා ගන්නේත්. ප්‍රශ්න නැති ජීවිතෙත් හරියට පොකුණක තියෙන එක තැන පල් වෙන ජලයට සමානයි, නිශ්චලයි;  හැබැයි කිසිම අර්ථයක් නෑ.

  සර් කියන්නේ.. ජීවිතේත් හරියට මුහුදු රළ වගේ වෙන්න ඕනෙලු, එතකොට තමයි ජීවිතේ නියම රස දැනෙන්නේ කියලා .

ඒ වගේම මම මගේ අනාගතය වෙනුවෙන් අලූත් බලාපොරොත්තු ඇති කර ගන්න තීරණය කර ගත්තා.

මුලදී අනාගතය ගැන කිසිම සැලසුමක් නොතිබුණු මම ..  අන්තිමේදී තීරණය කළා කවදහරි නාසා ආයතනයට සම්බන්ධ තාරකා විද්‍යාඥයෙක් වෙනවායි කියලා.
මගේ ඒ  බලාපොරොත්තුවට පාර කැපුවේ වෙන කවුරුත් නෙමෙයි .. මට අලුතින් හම්බුනු මගේම යහළුවෝ.

ඒ වගේම එයාලගේ බලාපොරොත්තුව වුණෙත් ඒකමයි.

---------------------------------------------------------------------------------------------------------------

දින ගණනාවක් ගෙවී යාමත් සමඟම ස්ටැන්ටන් උසස් පාසලේ ක්‍රීඩාව සඳහා වෙන් වී ඇති ක්‍රීඩා සමයට දින ටිකෙන් ටික ලං විය.

පාසලේ ක්‍රීඩා සතිය වෙනුවෙන් පාසලේ සෑම සිසුවෙකුම කුමක් හෝ ක්‍රීඩාවක නිරත  විය යුතු වීම පාසලේ ප්‍රධාන නීති වලින් එකකි .

පාසලේ ක්‍රීඩා සතිය වෙනුවෙන් ගුරුවරු ,සිසුන් මෙන්ම විදුහල්පතිවරයාද  තම  සියලු රාජකාරි පසෙකලා ක්‍රීඩා පිට්ටනිය වෙත ඒකරාශි වී සිටීම ස්ටැන්ටන් විදුහල තුළ සෑම වර්ෂයකම දක්නට   ලැබෙන සුවිශේෂි දසුනකි.

කුඩා කාලයේ සිටම තම කාමරයට වී වීඩියෝ ක්‍රීඩාවල නිරත වී සිටි ජොෂුවා හටද  මෙම වසරේ ක්‍රීඩා සතිය ඉතා සුවිශේෂී සතියක් විය.

ඊට හේතුව මීට පෙර ඔහු රූපවාහිනියෙන් පමණක් නරඹා තිබූ පාපන්දු තරග වලට, මෙවර ඔහු හට ක්‍රීඩකයකු ලෙස තරඟ වැදීමට අවස්ථාව හිමිව තිබීමයි.

Soccer ;  නැතිනම් පාපන්දු ක්‍රීඩාව පිළිබඳව කතා කරන විට දී පවා ජොෂුවාගේ ඇඟට අමුතු ජවයක් එක් වුවද, මේ ඔහු ක්‍රීඩකයකු වශයෙන් පාපන්දු ක්‍රීඩාව සෙල්ලම් කිරීමට යන පළමු අවස්ථාව විය.

ප්‍රේක්ෂකයෙකු ලෙස  පාපන්දු පිළිබඳ  මහත් දැනුම්  සමුදායක් තමා සතු වූවද,  ක්‍රීඩකයෙකු වශයෙන් ඔහු පා පන්දු පිළිබඳව මළපොතේ අකුරක් නොදැන සිටීම හේතුවෙන් ජොෂුවා මේ වනවිට පසුවන්නේ මදක් කැළඹීමකිනි.

---------------------------------------------------------------------------------------------------------------

" සුභ සැන්දෑවක් සියලු දෙනාටම ."

" මම තමයි ඔයාලගේ football coach  ට්‍රයි ගිව් ලී."

Stanton  විදුහලේ  පාපන්දු පුහුණුකාරවරයා මෙසේ තමාව හඳුන්වා දෙන්නට වූයේ පාපන්දු ක්‍රීඩාවට අලුතින් එක්වී සිටින පාසලේ නවක සිසුන් හටය.

" හොඳයි කෝ එහෙනම් අත උස්සන්න බලන්න මෙතන පා පන්දු ක්‍රීඩාව ගැන මළපොතේ අකුරක් දන්නේ නැති අය.

මම මේ අදහස් කලේ පාපන්දු කවදාවත් සෙල්ලම් කරලා නැති අය ගැන මිසක් ටීවී එකේ soccer  මැච් බලලා නැති අය ගැන එහෙම නෙමෙයි."

පුහුණුකරු මෙසේ  සිසුන්ගෙන් විමසද්දී , ජොෂුවා වටපිට බලමින් හිමින් සීරුවේ තම එක් අතක්  ඉහළට ඔසවන්නට වූයේ..  කටේ හිරවී තිබූ කෙල ගුලියද  අපහසුවෙන් ගිල දමමිනි .

" බොහොම හොඳයි කොල්ලො.. ඔය ළමයා ඔය විදිහට මං ඉස්සරහ අවංක වුන එක ගැන මම බොහොම සතුටු වෙනවා.

කොහොමවත් පාපන්දු ගැන ටිකක් දැනගෙන පණ්ඩිතකම් කියවන පිස්සොන්ට වඩා මෙලෝ සසරක් දන්නේ නැති ළමයින්ට උගන්වන එක මට වඩාත් පහසුයි ." 

පුහුණුකරු මෙසේ පැවසද්දී  ජොෂුවාගේ සිත තුළ තමා පිළිබද  ආත්ම අභිමානයක් හීනියට දළුලා ගෙන ආවේය.

ඒ  Mr. ට්‍රයි ගිව් ලී වැනි සැර පරුෂ ,ලෙහෙසියෙන් කිසිවකුගේ හොඳක් නොකියන පුද්ගලයෙකුගෙන් පළමුවරට ප්‍රශංසාවක් ඇසීමේ ප්‍රීතිය නිමිත්තෙනි.

සැබවින්ම  උස අඩි 7.5 ක ට වඩා වැඩි උත්තුංග දේහධාරී ශරීරයක් හෙබි , හිස මුඩු කොට කපා ඇති ,මුහුණින් පෙනෙන අයුරින් ම ගතිගුණ ද ඉතා සැර පරුෂ වූ, කළු ජාතික පුද්ගලයෙකු ලෙස;  පාපන්දු පුහුණුකරු ට්‍රයි ගිව් ලී මහතා හැඳින්විය හැකිය.

කිසිවෙකු ජොෂුවා ගේ තාරකා විද්‍යා ගුරුවරයා ස්වර්ගයට සමාන කළහොත්, මෙම පුද්ගලයා සමාන කළ හැක්කේ උණුසුම් ලෝ දිය ගලන නිරයකටම ය.

🛸 TO BE CONTINUE 🛸🛸

 

Alpha − chapter 31

 

හේතුව

ජොෂුවා තම දෙනෙත් විවර කර බලද්දී ඔහු හට එකවරම දිස්වූයේ , මෙතෙක් වේලා ඔහු වට කර තිබූ ඝන අන්ධකාරය වෙනුවට ආලෝකයෙන් වටවු අවකාශයකි.

වේදනාවෙන් කකියන තම හිසට අත තබාගනිමින් ඔහු , තමා සිටින කාමරය පුරාවට  නෙත් යොමු  කරමින් බලන්නට වූයේ, තමා දැන් මේ සිටින නුපුරුදු ස්ථානය කුමක්ද යැයි දැනගැනීමටය. 

👀 👀👀

එවිට ජොෂුවා හට ඔහුගේ දකුණු පස කෙළවරට වන්නට කිසිවකුගේ බොදවූ ඡායාවක්  එක්වරම දිස්විය .

මද වේලාවක් ඒ දෙස බලා සිටි ඔහු හට එම නොපැහැදිලි චායාවේ හිමිකරු කවුරුන්දැයි පැහැදිලිව හදුනාගත හැකි විය.

Joshua' s pov :

 මිස් උර්සුලා .

ඒ කියන්නේ මං මේ ඉන්නේ ඉස්කෝලේ සික් රූම් එකේ ද?.

 ඒත්.. ඇයි ?.

 මං ඒ ගමන්ම මගෙ දකුණු අත පැත්තට ඔලුව හරවල බැලුවේ , භූත ආත්ම වගයක්  මගේ ළඟට වෙලා, මං දිහා බලාගෙන ඉන්නවා වගේ මට දැනුනු හින්දයි.

ඇද ලගට වෙලා ඉන්න නොපැහැදිලි භූත ආත්ම දිහා මං ටික වෙලාවක් බලන් හිටියේ ඇත්තටම මෙතන වෙන්නෙ මොනවද කියල හරියට වැටහීමක් තිබුනේ නැති නිසයි.

මට දැනුනේ මං හරියට පණ පිටින් අපායට ගිහින්, අපායේ යක්ෂයින් ගෙන් බැට කන්න සැරසෙන  අහිංසක ආත්මයක් වගෙයි .

ඒත් ටික වෙලාවක් ඒ භූතාත්ම දිහා බලාගෙන ඉන්නකොටයි මට තේරුනේ, මං ඉන්නේ ඇත්තටම අපායෙ නෙමෙයි ඉස්කෝලේ හෙද කාමරයේ ඇඳක් උඩ කියලා .

ඒ වගේම මගේ ඉස්සරහ ඉන්න මේ භූතාත්ම වෙන කවුරුත් නෙමෙයි. මගේ අලුත් යාලුවෝ තුන්දෙනයි , අලුත් සභාපති අයුමියි, ඒ වගේම  මහාචාර්‍ය ජෝන්ස්සුයි කියල.

එයාලාව පැහැදිලිව දැක්කට පස්සෙ මට ඉබේටම වගේ හිනා ගියේ දැන් ටිකකට කලින් මං හිතුව පිස්සු විකාර දේවල් ආයෙමත් මතක් වෙලයි.

ඒත් ඒ හිනාව වැඩි වේලාවක් තියාගෙන ඉන්න මට හම්බවුනේ නෑ.  මොකද ඒ  හිනාව යටපත් කරන්න තරම් මගේ ඔලුව කැක්කුම ශක්තිමත් වුන නිසා.

---------------------------------------------------------------------------------------------------------------

රෝවන්:- " ජොෂුවා, ඔයාට දැන් කොහොමද? ."

ජොෂ් :- "  මගේ ඔලුව නිකං.. රිදෙනවා වගේ මට දැනෙනවා."

ඔලිවර් :- " ඔයාගේ ඔලුව රිදෙන එක නම් ඉතින් පුදුමයක් නෙමෙයි , මොකද ඔයා පැය විසිහතරක් පුරාවට නිදාගෙනනේ හිටියේ."

ජොෂ් :- " මොනවා !, පැය 24 ක්?.

 ඒත් .. මට  එකපාරටම මොකද වුණේ කියලා මට මුකුත් මතක නෑනේ .

  මට මතකයි අපි හැමෝම එළියට වෙලා තරු රටා නිරීක්ෂණය කරා කියලා නම්, ඒත්.. මං  මකොහොමද මේ විදිහට එකපාරටම sick room එකට ආවේ ." 

ඔලිවර් :- " ඔයා එක පාරටම පාවෙලා මෙහෙට ආවේ නෑ .

අපියි  ඔයාව මෙහාට අරගෙන ආවේ ."

ඩෙන්වර්:- " ඔව් ,ඔයා එකපාරටම කලන්තෙදාලා ඇදගෙන  වැටුනා, ඒත් ඇයි ජොෂ් ?, ඔයාට මොකක් හරි අසනීපයක්වත්ද ?."

අයුමි:- " හරි හරි, දැන් ඔය මනුස්සයාගෙන් තවත් ප්‍රශ්න කරලා තේරුමක් නැහැ.

 ඇත්තටම ලෙඩෙක් බලන්න ආවම , ලෙඩාගෙන් ඔය විදිහට FBI එකෙන් වගේ ප්‍රශ්න කරාම හරියනවද?.

ඔයාලා ඉස්සරහ ඔය ඉන්නේ ඔයාලාගෙ අසනීප වෙච්ච යාළුවා මිසක්, අපරාධකාරයෙක් එහෙම  නෙමෙයි තේරුණාද ?."

මහාචාර්‍යයතුමා :- " ඔව්, මං හිතෙන්නේ ඔයාලාගෙ අයුමි සහෝදරයා කිව්වත් වගේ ."

 අපි ඔයාලගේ යාලුවට ටිකක් විවේක ගන්න ඉඩ ඇරියොත් හොදයි කියලයි. 

මොකද දැන් ජොෂුවාට සිහිය ආවා විතරයිනේ." 

යනුවෙන් පවසමින් මහාචාර්යවරයා සිසුන් සිව් දෙනා ද කැටුව හෙද කාමරයෙන් නික්ම යාමට සැරසෙද්දී ,  ජොෂුවා ඔහුට යාමට නොදී නවතා ගන්නට වූයේ ,

" සර් ,.. මට ටිකක් සර් එක්ක තනියම කතා කරන්න පුළුවන්ද ?.

 මං දන්නවා ,සර් මට දැන් කියන්න හදන්නේ ටිකක් විවේක ගන්න කියලනේ.

ඒත් සර් , මේ වෙලාවේ විවේක ගන්නවට වඩා .. සර් එක්ක ටිකක් කතා කරෝතින් මගෙ හිතට සුවයක් දැනෙයි කියලා මට හිතෙනවා."

යනුවෙන් පවසමිනි.

පසු මහාචාර්යවරයා අනෙක් සිසුන් හට පිටතට යාමට සංඥා කර , මිස්  'උරුසුලා'  හටද මදක් ඔවුන්ට තනිවම කතා කරන්නට ඉඩ දී පිටව යන ලෙස ආයාචනා කරන්නට වූවේය.

රැස්ව සිටි සියල්ලෝම  වාගේ කාමරයෙන් පිටවී  ගිය පසු, මහාචාර්ය ජෝන්ස්; ජොෂුවා නිදා සිටි  ඇඳේ කොනකින් වාඩි වන්නට වූවේය.

 " හරි,  දැන් ඔයාට මොනවද මට කියන්න තියෙනවයි කිව්වේ ."

පසුව ; මෙතෙක් වෙලා ඇඳේ හාන්සි වී සිටි ජොෂ් ,තම පිටකොන්ද ඇඳේ දාරයට හේතු කර ගනිමින් ඉඳ ගන්නට වූයේ මහාචාර්යවරයා සමඟ කතා කිරීමට පහසු ඉරියව්ව එය වූ නිසාවෙනි.

" සර් ;  මට සර්ගෙන් පොඩි ඉල්ලීමක් කරන්න තියෙනවා ."

" ඉල්ලීමක් ? එකඑකපාරටම "

" සර් , මං මෙහෙම හදිසියේම අසනීප වුන වගක්, කරුණාකරලා  මගේ පවුලේ අයට නම් කියන්න එපා. 😭😭

විශේෂයෙන්ම මගේ තාත්තට.

" මං මෙහෙම කියපු ගමන්ම සර් මගෙන් ඊළඟට අහන්න යන ප්‍රශ්නෙත්  මං දන්නවා .

.ඇයි මං ඒ විදිහේ ඉල්ලීමක් කරන්නෙ කියලනේ.

" ඒ. . මේකයි, මං දැන් ටික දවසක ඉඳලා මගේ තාත්තා එක්ක පොඩි හිත් අමනාපකමකින් ඉන්නේ. 

 ඒ වගේම මං මේ ගමන ආවෙත් තාත්තට හොරෙන් ."

ජොෂ් මෙලෙස පවසන්නට වූයේ වරදකරුවෙකු  විනිශ්චයකාරවරයෙකු  ඉදිරියේ තම වරද පාපොච්චාරණය සිදුකරන විලසිනි .

"  හ්ම්.. හොඳයි, ඔයා මගෙන් බැගැහැපත් වෙලා ඉල්ලන හින්දම මං ඒ ඉල්ලීම ඉටු  කරන්නම්කෝ, ඒත් ඇල්ෆා..  හදිස්සියේ හරි ඔයාට මොකක් හරි ලොකු අසනීපයක් තිබුනොත් එක පවුලේ අයට දැනගන්න අරින එක යුතුකමක් නේද?."

 " ඔව් ඒක ඇත්ත, ඒත් සර් අද මං කලන්තේ දාලා වැටුණේ අසනීපයක් නිසා නෙමෙයි , ඒක මට හොඳටම විශ්වාසයි. අනිත් එක එහෙම අසනීපයක් තියෙනවා නම් මට මෙහෙම හොඳට සර් එක්ක
කතා කරන්නත් බැහැනේ.

" සමහරවිට මං කලන්තෙදාලා වැටෙන්න  ඇත්තේ.. උදේ ඉදන්  හරියට කෑමක් බීමක් ගත්තේ නැති හින්දා වෙන්න ඇති.

 සර් බයවෙන්න එපා, මට එහෙම ලොකු අසනීපයක්  නැහැ ,එහෙම හැදෙන්නෙත් නෑ ."

ජොෂ්, මෙලෙස මහචාර්යවරයා ඉදිරියේ පවසන්නට වූයේ දැඩි ආත්ම විශ්වාසයකිනි.

 " හරි ජොෂුවා , ඔයා දැන් කියන්න තිබ්බ දේවල් කියලා ඉවර නම් මං දැන් යන්නම් ඔයා ටිකක් විවේක ගන්න."

 " සර් ..සර් .. පොඩ්ඩක් ඉන්න . මං කියන්න තියෙන දේවල් කියලා ඉවර වුණත්, මට සර්ගෙන් අහන්න තව එක දෙයක් තියෙනවා."

 "  ඒ මොකක්ද ?."

 " sir , අද නම් මට මේකට උත්තරයක් ඕනෙමයි.

" ඔන්න  සර්  අද මේක  මට කිව්වේ නැත්නම් මං ඇත්තටම අසනීප වෙයි."
😭😭

" ඔයා .... ඇයි මට.... alpha කියලා කතා කරන්නේ.

" අද නම් මට ඒකට උත්තරක් ඕනෙමයි ඕනෙමයි ඕනෙමයි"

ජොෂ්, මෙලෙස ගුරුවරයාගෙන් විමසන්නට වූයේ කුතුහලය නිසා දිලිසෙන දෑස් වලින් ඔහු දෙස බලමින්‍ ය.

 " ඇත්තමයි ජොෂුවා , ඔයා මූණෙන් පේන තරම්ම අහිංසක නෑ කියලා නම් මම කලින් ඉදන්ම දැනගෙන හිටියා .

ඒත් ඉතින් මේ තරම්ම මුරණ්ඩුයි කියලනම් දැනගත්තේ අද.

 හ්ම්.. හොඳයි හොඳයි  ඔයා මගෙන් මේ තරම්ම  කුතුහලෙන් අහන  හින්දම මං කියන්නම්කෝ ඒකට හේතුව."

---------------------------------------------------------------------------------------------------------------

" A", " L" , "P" , "H" , " A" 

මේ  ඉංග්‍රීසි අකුරු වලින් හැදිලා තියෙන alpha  කියන වචනයට අර්ථ ගොඩක් තියෙනවා.

1)  පළවෙනි අර්ථය තමයි.

ඔයා දන්නවද , ග්‍රීක හෝඩිය ගැන ?. ,  ඒක තමයි අපේ පලවෙනි හෝඩිය වෙන්නෙත්.

අපි කවුරුත් දන්නවනේ ගොඩක් ඉංග්‍රීසි වචන වලට මුල පුරන්නේ ලතින් භාෂාව කියලා .
ඉතිං ඒ ලතින් භාෂාවට මූලාශ්‍ර වෙලා වෙලා තියෙන්නෙත් ඔන්න ඔය කියන පැරණි ග්‍රීක භාෂාවම තමයි.

ග්‍රීක හෝඩියේ මුල්ම  අක්ෂරය තමයි අපිත් alpha කියලා හඳුන්වන්නේ ,ඒ වගේම ශුද්ධවූ බයිබලයට අනුව ඇල්ෆා  කියන වචනයෙන් ලෝකයේ ආරම්භයත්, ඔමෙගා කියන වචනයෙන් පෘථිවියේ අවසානයත් සනිටුහන්  කරනවා.

2) දෙවැනි  අර්ථය තමයි ,  විද්‍යාඥයින් කියන විදියට මිනිස් සිරුරෙන් ප්‍රධාන කිරණ වර්ග හතරක් නිකුත් කරනවා.

ඒ තමයි alpha, බීටා ,නියුට්‍රෝන , ඒ වගේම ගැමා කිරණ .

ඔය අතරින් බලවත්ම කිරණ වර්ගය වෙන්නේ ඇල්ෆා , ඒත් මිනිස් ශරීරයෙන්  වැඩි වශයෙන් නිකුත් කරන්නේ බීටා කිරණ.

ඒත් සමහර විශේෂ අවස්ථාවන් වලදී අපේ ශරීරය ඇල්ෆා කිරණ නිකුත් කරනවා.

ඒ තමයි අපි තනියම ඉන්න, ඒ වගේම වැඩිපුර ම කල්පනා කරන වෙලාවන් වලදී.

හරියට.. නාන කාමරයේදි එකේදි, එහෙමත් නැත්නම් නිදාගන්න ඇඳට යන වෙලාවට වගේ."

 " මොනවා ! , නාන කාමරයේදි?.

" සර් මට විහිළු කරනවා නේද?."

 " මම නෙමෙයි scientists ලා තමයි එහෙම කියන්නේ ."

 " ඉතින් ඔයා හිතන්නේ..
මාත් නිතරම තනියම ඉන්න කෙනෙක් නිසා  මගේ ශරීරයෙන් වැඩි වශයෙන් නිකුත් කරන්නේ ඇල්ෆා කිරණ කියලද?.

ඒකද.. මට  ඇල්ෆා  කියලා කතා කරන්න හේතුව?..."

      

🛸 To BE CONTINUE 🛸🛸